عند المختار - فيديو (مكتوبة) - باسم الكربلائي
عند المختار(مكتوبة)
الرادود: باسم الكربلائي
عند المختار صارت حور اهلا بيها
ومريم خطار علزهراء وتناغيها
ميلاد الحور والعذراء نزلت قدرة
نزلت بكتاب للجمهور هاكم بشرى
هذا الانجيل يالفرحان افتح واقره
من بسم الله للتصديق تلگه الزهرة
كل الاديان والاكوان حضرت ليها
ميلاد النور والقداح يقره اعليها
شمعة افراح والاديان كلهه تنادي
نورتي الكون يازهراء يم الهادي
والطير ايصيح يم البيت وين امرادي
اعياد هواي بس اليوم احلى اعيادي
ماعدنه احراج لم احسين گلشي انگوله
خل اسمع صوت بالتصفيگ والهلهوله
نازل خطار جبرائيل يم اسياده
طب للمختار وايهنيي ب ام الساده
وانطا اسرار عل مولود هذا وناده
بالخير اعليك بنتك هاي تنجب قاده
تنجب اولاد الله يگول كلهم عندي
تبدي امن احسين ويختمون يم المهدي
وحيي الرحمن بالميلاد گل ال طه
يابو الاسلام الله ايگول خل يتباها
بنتك مو طين خلطة نور من سواها
ولتخلي اسماء هوه اهناك هم سماها
سماج الروح والريحان يالحوريه
ارد افرح بيچ خلي الناس تحچي عليه
رغما بعداك الله انطاك سورة كوثر
تسوه الكونين شمها وگوم صلي وانحر
واليشمت بيك يابو الكون لا يتعذر
من كون ايجيب عشر اولاد يبقه الابتر
انطيتك نور بالزهراء محد ناله
حتى الافلاك كلهه اتصيح ياهنياله
يعگوب اليوم بالميلاد ردت عينه
وذنون ايصيح يازهراء بس نجينه
ونوح يناديچ وسط الروج نضره اعلينه
واحنه العشاگ هل جيناچ وشتنطينه
انطينه اگلوب تنبض بيچ بالحب زيدي
ماامد الايد لكن ليچ .مديت ايدي
حتى الاموات بالميلاد هم فرحانه
فاطم ننخاج نضره نريد يم موتانه
وشافي المعلول من كل داء يارجوانه
ضميله امراد كلمن جاي ليچ اهنانه
الجايچ لهنا بالشدات روحي الداره
والمحفل صاح يازهراء انطينه ابشاره
التعلیقات