عيد الحب | ولادة أمير المؤمنين الإمام علي (عليه السلام) - فيديو (مكتوبة) - باسم الكربلائي

عيد الحب(مكتوبة)

الرادود: باسم الكربلائي

عيد الحب الأكبر .. فرحة عالمية
بميلادك يحيدر .. رافعهن ادية
حييتك ناديتك أحبك

فوگ .. الوصف كله تحت رجله علي عالي
فوگ .. علي الأول علي الثاني علي التالي
فوگ .. قبل آدم قبل حوه ضوى يلالي
فوگ .. منو بگده يحبه الرب علي غالي
هنيالي وعشگتك .. بالفطرة السليمة
من زغري عرفتك .. باب الله وكليمه
واليتك ناديتك احبك

صار .. واجه للدنيا كل خير السمه جايب
صار .. واهو صاير علي من قبل أبو طالب
صار .. هلا بحيدر على جنحه الوحي كاتب
صار .. يا بيت الله إلك تنشگ أمر واجب
بيت الله نطوفه .. بس لمن يشوفك
إنت غير حيدر .. هو اللي يطوفك
وبصيتك ناديتك احبك

سيف .. علي ولوما علي ما ينخلق أحمد
سيف .. منو غيره إذا وكت الحرب يشتد
سيف .. إجاه مرحب لكن شو مرحبين انرد
سيف .. علي امقسمه جسم وحد جسم وحد
شجعان الكواسر بأيام المعارك
بس يدرونه حاضر گالوا ما نشارك
بتضحيتك ناديتك احبك

ناس .. فلا تفهم علي رابع يعدونه
ناس .. علي لازم قبل أول يخلونه
ناس .. قروا عنه الصبح گعدوا يعبدنه
ناس .. بكثر ما حبته خلاها مجنونه
حيره احتار الانسان .. يبعد يبقه يگرب
لا هو بشر چان .. لا هو علي رب
بتسميتك ناديتك احبك

شلون .. اذا رايد بشر تعرف شنو اصله
شلون .. تسأله عن علي وتباوع لشكله
شلون .. فقط ابن الحرام الما شكر فضله
شلون .. فقط ابن الحلال ايحب ابو الحمله
ألف الحمد لله .. شيعي وابني شيعي
سميته علي وصار .. عاشگ مو طبيعي
واليتك ناديتك احبك

يوم .. يفر المرء من اخوانه واصحابه
يوم .. الصراط المستقيم ايعبر احبابه
يوم .. نشوف الجنه تشبه بالنجف بابه
يوم .. الهوى فدوه يروح لشمة ترابه
لا ما ينسى ربعه .. بأهوال القيامه
وينادي نسمعه .. عبروا بالسلامة
بتزكيتك ناديتك احبك

دوم .. يظل محفل علي طول الزمن عامر
دوم .. علي صاير ولا مثله بشر صاير
دوم .. اكيده المهدي هسه بالنجف زاير
دوم .. يرب عجل ظهوره لجيته انناطر
كلنه نندعيله .. ونرفعها ادينه
شما طول رحيله .. هم لازم يجينه
بذريتك ناديتك احبك

نار الشوگ الك وحدك لهابيت
علي وشخصك منو اليوصل لها بيت
امك صار بيت الله لها بيت
وصرت واتشرفت بيك الوطية