ملف فيديو سافرنه | محرم الحرام 1448 هـ | 2026 م بصوت محمد الجنامي
منذ ٣ أشهر
١٥٣
ملف فيديو سافرنه | محرم الحرام 1448 هـ | 2026 م بصوت محمد الجنامي
سافرنه(مكتوبة)
الرادود:محمد الجنامي
سافرنه مره وحده بالحياة
سفرة عطش ترويني ذكريات
بيها انكسر قلبي وحبيبي مات
غريب غريب
بويه يا بويه يا بويه
سافرنه مره وحده بالحياة
سفرة عطش ترويني ذكريات
بيها انكسر قلبي وحبيبي مات
غريب
كل عمري مدللني وخلاني بعينه
ما أذكر زعلني لحظه من سنينه
والساكن بعيوني سماني سكينه
ترى الأبو سند بناته
كل والد لو سافر بنته يداريها
من تعطش قدامه بروحه يرويها
بس آنه الوالدها عطشان عليها
ذبل عطش لحد مماته
وجه ابوي شلون انساه
مات ومشيبني فرگاه
الدنيا چانت حلوه وياه
الدنيا چانت حلوه وياه
قالوا لي عطشان انذبح تعاي
ومن خيمتي رحت اركض بضماي
يم نحره ارسم جربه بيها ماي
عجيب عجيب
سافرنه مره وحده بالحياة
سفرة عطش ترويني ذكريات
بيها انكسر قلبي وحبيبي مات
غريب
سافرنه وادعي له يا ربي يديمه
وخلاني بفي روحه الأحلى من الخيمة
فارقني وما يدري نمت بنص هيمة
الچنت إله مثل خياله
تعنيته بدمعاتي ونار اعلى ثيابي
اتعثر وانه اسمع ضحكة سلابي
ومن سلبوا مقنعتي سمعته عتابي
وخجل على الرمح جماله
رحت يمه بوكت الغروب
وشفته فوگ الوجه مقلوب
مسلبه وابچي اعلى مسلوب
مسلبه وابچي اعلى مسلوب
بويه
اتمنيت اشبگه واذكر الدلال
ما ينشبگ صدره انترس نبال
ومن السحگ ما باقي بس خيال
سليب سليب
سافرنه مره وحده بالحياة
سفرة عطش ترويني ذكريات
بيها انكسر قلبي وحبيبي مات
غريب
واختلفت سفرتنه واتغير كل شي
هالمره بلا چفك وي رمحك امشي
مسبيه وعالناگه ما غمض رمشي
أكبرت ألف سنه بغيابك
يا روحي بلا روحي رديت لبيتك
تانيتك تشبگني وتتلقى بنيتك
ما اصدگ ما ترجع وابقى متانيتك
چوى القلب جمر عذابك
يالرحت شيرجع الراح
كون اموت وياك وارتاح
ولا عشت مكسورة جناح
ولا عشت مكسورة جناح
سفرتنه چانت قصة للضياع
حلوة البداية وانتهت وداع
وبقلبي حسرة ما تلمها قاع
نحيب نحيب
سافرنه مره وحده بالحياة
سفرة عطش ترويني ذكريات
بيها انكسر قلبي وحبيبي مات
غريب
