ملف فيديو واذا بصوت السيد فاقد الموسوي

واذا(مكتوبة)

الرادود:السيد فاقد الموسوي

 

وإذا بهاي الكلمه اليوم ابديها
وإذا حچايه خدمه الراح احچيها
سالفتي مو للعدم حصرا تخص الخدم
وإذا وإذا

وإذا خادم
تريد الوادم لازم توگف باستعداد
تواضع تكبر وخاف المنبر
المجلس مابيه عناد

التطلب منهم همه شعدهم
بس حسين الينطي مراد
بس حسين الينطي مراد

هم بالخيم والبنوهه وزينب السبوها
بالدنيا بالك تهم
بالك تطوفك دقيقه بس الحسين الحقيقه
والباقي چذبة حلم

عيشتنه كلها بنعمته والله احنا لو ما خدمته
مانسوه عندك علم
مانسوه عندك علم

وإذا بهاي الكلمه اليوم ابديها
وإذا حچايه خدمه الراح احچيها
سالفتي مو للعدم حصرا تخص الخدم
وإذا وإذا

وإذا عندك
هيئه بگدك رايدنا نگلك لبيك
الما يحضر يمك يخسر
شنهي الموت الما تدعي

حسين القمه وكلهن يمه
حسين القمه وكلهن يمه
بحسينية تمن علي
بحسينية تمن علي

متعجب مسوي قاعه حسين الأرض كلها گاعه
وهذا الفلك والسمه
ماي وفياي وربيعه والصاحبه ما يبيعه
ولا ما يمره الضمه

المجلس گلت بيه قائم صاير أبو للمآتم
ياهو انت يم فاطمه
ياهو انت يم فاطمه

وإذا بهاي الكلمه اليوم ابديها
وإذا حچايه خدمه الراح احچيها
سالفتي مو للعدم حصرا تخص الخدم
وإذا وإذا

وإذا تكتب
بالك تحسب من ماتكتب مجلس ضاع
خايب مالك خلها ببالك
لحسين الله يحچي الگاع

حطلك قيمه راعي الخيمه
لا ينعاف ولا ينباع
لا ينعاف ولا ينباع

للصادق احنا قرينا اليكتب شعر بس علينا
بالجنه ننطي مقر
المنك فلا كلشي رايد مايسوه تتعبله زايد
المنطي راس ونحر

عبدالله ذاك وغلاته يبس ضماهم لهاته
يرجع عدل بالشطر
يرجع عدل بالشطر

وإذا بهاي الكلمه اليوم ابديها
وإذا حچايه خدمه الراح احچيها
سالفتي مو للعدم حصرا تخص الخدم
وإذا وإذا

وإذا تقره
وعندك نبره دورك هذا ومو تفضيل
بصوتك تخدم ما هي تحشيم
عالصدره تدوس الخيل

اشما تتعب اذكر زينب
طلعت تركض حافي بليل
طلعت تركض حافي بليل

ابكل ثقافة وعقيدة تحضر اللحن والقصيدة
ما خلصت لا بعد
الينظلم بالخدامه يترهى يوم القيامة
يلگه الحسين الگعد

الشهرة آفة خطيرة تخليه يسقط نظيره
كون بخدمته صعد
كون بخدمته صعد

وإذا بهاي الكلمه اليوم ابديها
وإذا حچايه خدمه الراح احچيها
سالفتي مو للعدم حصرا تخص الخدم
وإذا وإذا

وإذا هايه
حسين ورايه گالها من انباگ الدين
لو قتلوني لو سحقوني
اشما سووا آنه حسين

الگطع المنحر ما اتغير
لاگيت آلاف بسبعين
لاگيت آلاف بسبعين

لا للرفض من حجاها وكت الصبح اعلناها
ما بدلاها الظهر
سيوف ورماح ومعاره ما بدلت كل قراره
وكت الصلاة ما يمر

مجموعه بيه المعاني واحد يضل ماله ثاني
والما تشبهه اشكثر
والما تشبهه اشكثر

وإذا بهاي الكلمه اليوم ابديها
وإذا حچايه خدمه الراح احچيها
سالفتي مو للعدم حصرا تخص الخدم
وإذا وإذا