ملف فيديو إن شاء الله | محرم 1448هـ بصوت باسم الكربلائي

إن شاء الله(مكتوبة)

الرادود:باسم الكربلائي

أويلي أويلي
حنيت من وحشة مساهم
وبلا وعي أركض وراهم
ما اشوف لو أظلم سماهم
خاف اتعمه عيوني ابجفاهم
إن شاء الله

إن شاء الله ما تعمى عيني
حتى اشوف اعيونكم
إن شاء الله وبكل مسى نگعد
واگول شلونكم
إن شاء الله

آني أم الأربعة الدمعي يهل
دوم اگول إن شاء الله كل شي سهل
من بعد هالفرگة يلتم الشمل
والمهم وليدي يرجع لي عدل

يومية للملگى أستعد
وانثر على السچة ورد
باچر ضوه عيوني يرد
ما عودوني اعله البعد

أحوالكم نفس الملامح لو تغير لونكم
أحوالكم فدوتكم آني ولا عشت من دونكم
إن شاء الله

إن شاء الله ما تعمى عيني
حتى اشوف اعيونكم
إن شاء الله وبكل مسى نگعد
واگول شلونكم
إن شاء الله

گلي من يمته يبو وجه السمح
تجفي لا إنت ولا طيفك يصح
إنت زين إن شاء الله وما منجرح
هسه مخالف جرح بس مو ذبح

لا مو برد چفي رجف
من الهجر جسمي ضعف
من وقفتي جذمي نزف
ما رد خبركم يا يوسف

أخباركم ضاعت عليه وخايفة يغدرونكم
أخباركم خير ومسرة وبلكت يوافونكم
إن شاء الله

إن شاء الله ما تعمى عيني
حتى اشوف اعيونكم
إن شاء الله وبكل مسى نگعد
واگول شلونكم
إن شاء الله

بالسلامة إن شاء الله وماكو ألم
سالم حسيني وسلامتها الخيم
ما يطيح إن شاء الله چف والعلم
وبسلامة الجود من طاري السهم

أبچي ويسولف لي القلب
ويگلي عينچ عالدرب
يم القمر ما ظل صعب
باچر يجوني من الغرب

وبجاهكم مو عالرماح الوادم يشوفونكم
وبجاهكم فوگ الأصايل حتى يتلگونكم
إن شاء الله

إن شاء الله ما تعمى عيني
حتى اشوف اعيونكم
إن شاء الله وبكل مسى نگعد
واگول شلونكم
إن شاء الله

أدعي سلمهم إلهي من الخطر
لا سهم يوصل ولا رمية حجر
ما ردت عالمشرعة كسرة ظهر
والأخو بعد الأخو يكتله القهر

لا أب يفارگ له إبن
لا والدة تشيب حزن
لا أسمع بثكلة تون
ويلاه يا دهري الما يحن

شيجيبكم ها يالمشيتوا ما ترف جفونكم
شيجيبكم يبعدهم الله الرادوا يبعدونكم
إن شاء الله

إن شاء الله ما تعمى عيني
حتى اشوف اعيونكم
إن شاء الله وبكل مسى نگعد
واگول شلونكم
إن شاء الله

من يعود اوليدي وافرح بالخبر
حتى اگولن الله لا رد السهر
بيه بوست خنصر وبوست نحر
وبيه طيحة ظامي يم جاري النهر

خلي يرد لو بس نفس
ما ساحگ بعظمه فرس
وبصدره ما واحد رفس
ولسانه مو خشبة ويبس

وأدعي لكم يحبابي خو ما رادوا يعطشونكم
وأدعي لكم ماكو ظليمة ولا صهل ميمونكم
إن شاء الله

إن شاء الله ما تعمى عيني
حتى اشوف اعيونكم
إن شاء الله وبكل مسى نگعد
واگول شلونكم
إن شاء الله

بالطريق إن شاء الله زينب لفت
مو على الهزلة بحمايتكم إجت
للسبي إسم الله عليها ما مشت
لا حبل بچفوفها ولا شيبت

ما طلعت ابين الزلم
لا سمعت صياح وشتم
والعدها كافل تنحشم
مرتاحة ترجع لي المهم

وبجالكم ترجع أميرة و چفها فوگ متونكم
وبجالكم محد يشوف خيالها أم عونكم
إن شاء الله

إن شاء الله ما تعمى عيني
حتى اشوف اعيونكم
إن شاء الله وبكل مسى نگعد
واگول شلونكم
إن شاء الله