ملف فيديو كوكب نرجس بصوت خضر عباس

كوكب نرجس(مكتوبة)

الرادود:خضر عباس

 

يا صنع الله وابداعه سلطان الحب والطاعة
كتبتك سيد النصيحة لگيتك فطرتي الصحيحة
يمهدي وشوفتك حلم

يا كوكب نرجس وجمالك لؤلؤ مكنون
يالمهدي وغيبتك ثقيلة تريدلها عيون
تريدلها عيون

غايب عن انظاري وشفتك مو بابصاري
بالرؤية القلبية
شيبة تلاحگ شيبه هاي اعراض الغيبة
بعدك اثر بيه

يمتى اصبغ بابك حنة يا طاووس اهل الجنة
يمتى اصبغ بابك حنة يا طاووس اهل الجنة
وحق الكافل وضريحة لگيتك فطرتي الصحيحة
يمهدي وشوفتك حلم

يا صنع الله وابداعه سلطان الحب والطاعة
كتبتك سيد النصيحة لگيتك فطرتي الصحيحة
يمهدي وشوفتك حلم

حالياً ليلي ما انامه وروحي بلا راي
شاعل كم شمعة لانتظارك على جرف الماي
على جرف الماي

آنه بدونك ضايع وافتّر شارع شارع
عن هدهد لاخبارك
كل حي وسكانه گمت اطرق بيبانه
بلچي اوصل يم دارك

ظلمة وخطواتك كحلة شيخلص هاي الرحلة
ظلمة وخطواتك كحلة شيخلص هاي الرحلة
يمهدي الفاگد شيرِيحة لگيتك فطرتي الصحيحة
يمهدي وشوفتك حلم

يا صنع الله وابداعه سلطان الحب والطاعة
كتبتك سيد النصيحة لگيتك فطرتي الصحيحة
يمهدي وشوفتك حلم

دنيا بلا نعمة انتظارك قيمتها تراب
والما يتعذب على مودك ما يسوى عتاب
ما يسوى عتاب

مزدحمات جروحي بيدك رمم روحي
بغيابك مكسورة
مزدحمات جروحي بيدك رمم روحي
بغيابك مكسورة
هي الدنيا شبيها غير انت محليها
من دونك مهجورة

ترجمة الحب والرقة من عيونك مشتقة
ترجمة الحب والرقة من عيونك مشتقة
بحكاية خافقي الصريحة لگيتك فطرتي الصحيحة
يمهدي وشوفتك حلم

يا صنع الله وابداعه سلطان الحب والطاعة
كتبتك سيد النصيحة لگيتك فطرتي الصحيحة
يمهدي وشوفتك حلم

مليت العالم وضجيجه ومعشرهم ذاك
وذاكرتي من اهلي فرغتها وضليت وياك
ضليت وياك

آنه الهاجر ناسي وبس المهدي براسي
متجذر باعماقي
وقرني من عيوبي وطهرني من ذنوبي
ومنطيني استحقاقي

كلما احس بالحنية يعني انت مسلم عليه
كلما احس بالحنية يعني انت مسلم عليه
يابلسـم مهجتي الجريحة لگيتك فطرتي الصحيحة
يمهدي وشوفتك حلم

يا صنع الله وابداعه سلطان الحب والطاعة
كتبتك سيد النصيحة لگيتك فطرتي الصحيحة
يمهدي وشوفتك حلم

يالمهدي وامنية حياتي تخصك بالذات
يالمهدي وامنية حياتي تخصك بالذات
ارزقني الدمعة عالسّبايا وعالعلويات
عالعلويات

خليني ابچي هواية عالظل بلا راية
وعالشط عاف زنوده
كون اغرگ بدموعي ويطيحنون ضلوعي
للسحگوهـا اخدوده
خليني ابچي هواية عالظل بلا راية
وعالشط عاف زنوده
كون اغرگ بدموعي ويطيحنون ضلوعي
للسحگوها اخدوده

يالمهدي جروح ارزقني وابچي عليكم وفقني
يالمهدي جروح ارزقني وابچي عليكم وفقني
عليكم دمعي مستبيحة لگيتك فطرتي الصحيحة
يمهدي وشوفتك حلم

يا صنع الله وابداعه سلطان الحب والطاعة
كتبتك سيد النصيحة لگيتك فطرتي الصحيحة
يمهدي وشوفتك حلم