ملف فيديو لبيك روحي بصوت محمد الحجيرات

لبيك روحي(مكتوبة)

الرادود:محمد الحجيرات

 

لبيك روحي او كل حياتي وعمري لبيك
لبيك مالي او كل عيالي وذخري لبيك
لبيك شرياني او دمائي ونحري لبيك
لبيك ابكلشي اللي املكه ربي لبيك

 

سبحانك فرد ما نازعك ثاني
انه احسين او دموعي تشرح احزاني
علي ضاگت اله القدرة اوطاني
صرت بين انتقل لو ارضي عدواني
ابايع لو تصب دموم شرياني
وانه لجلك اقدم روحي قرباني

 

لبيك نفسي او كل وجودي واسمي لبيك
لبيك كل مفصل يعيش ابجسمي لبيك
لبيك كل قطرة تنادي ابدمّي لبيك
لبيك ابكلشي اللي املكه ربي لبيك

 

لبيك روحي او كل حياتي وعمري لبيك
لبيك مالي او كل عيالي وذخري لبيك
لبيك شرياني او دمائي ونحري لبيك
لبيك ابكلشي اللي املكه ربي لبيك

 

تركت الحجه والباقي فقط يومين
تسألني البشر ليش اتركت يحسين
وين المسرى يا سبط النبي لاوين
گلت رايح البي دعوة الداعين
تركت اببيتك خفت لا يدخله الطاغين
وانه هذا خروجي بي حفظ للدين

 

لبيك احرامي او طوافي وحلي لبيك
لبيك صحبي او كل بنيني واهلي لبيك
لبيك كل آية ابهوادج رحلي لبيك
لبيك ابكلشي اللي املكه ربي لبيك

 

لبيك روحي او كل حياتي وعمري لبيك
لبيك مالي او كل عيالي وذخري لبيك
لبيك شرياني او دمائي ونحري لبيك
لبيك ابكلشي اللي املكه ربي لبيك

 

شديت الرحل والراحلة سارت
وملائك رحمتك فوك الظعن دارت
علي اشباح ليل النايبة جارت
وانه ابعزمي عقول العالم احتارت
امد للذل يميني هايه ما صارت
انه نفسي تموت الاجلك اختارت

 

لبيك اطفالي او رحالي وظعني لبيك
لبيك كل دمعة تجاري حزني لبيك
لبيك كل خطوة اتجاهك مني لبيك
لبيك ابكلشي اللي املكه ربي لبيك

 

لبيك روحي او كل حياتي وعمري لبيك
لبيك مالي او كل عيالي وذخري لبيك
لبيك شرياني او دمائي ونحري لبيك
لبيك ابكلشي اللي املكه ربي لبيك

 

اذا رحل الهواشم هذا يتقدم شيصير ابكربلا انت الذي تعلم
كاني كعبة بيها او سيفهم احرم يطوف اعلي رمح الصالية او مخذم
اذا هاجر طفح الها نبع زمزم
زينب يطفح الها چم نبع من دم

 

لبيك كل دم اللي يصب من جرحي لبيك
لبيك لو راسي تعالى رمحي لبيك
لبيك لو ليلي انقتل وي صبحي لبيك
لبيك ابكلشي اللي املكه ربي لبيك

 

لبيك روحي او كل حياتي وعمري لبيك
لبيك مالي او كل عيالي وذخري لبيك
لبيك شرياني او دمائي ونحري لبيك
لبيك ابكلشي اللي املكه ربي لبيك

 

كاني بالحرم بالخيمة مجموعة
توِن من العطش وتمالت اللوعة
اصوات الظمآيا البيها مسموعة
واخوي اعلى النهر چفينا مگطوعة
والحرة العقيلة بعدها مفجوعة
وانه التكسير خيول الفاجعة اضلوعة

 

لبيك صدري او كل ضلوعي وعظمي لبيك
لبيك لو جسمي تشوفه مرمي لبيك
لبيك لو تنظر وريدي يهمي لبيك
لبيك ابكلشي اللي املكه ربي لبيك

 

لبيك روحي او كل حياتي وعمري لبيك
لبيك مالي او كل عيالي وذخري لبيك
لبيك شرياني او دمائي ونحري لبيك
لبيك ابكلشي اللي املكه ربي لبيك

 

كاني بالبنين او صحبي تتبضع على رمل البوادي كلها تتگطع
جثث تروي ابدماها ساحة المصرع
عليها اسيوف بالطـف تسجد او تركع
عليها نايحات الذاري تتجمع
نجوم اعلى الارض بالخيل تتوزع

 

لبيك اوصال البقت عالغبرة لبيك
لبيك كل فرقد وگع للعترة لبيك
لبيك عبد الله رضيعي او نحره لبيك
لبيك ابكلشي اللي املكه ربي لبيك

 

لبيك روحي او كل حياتي وعمري لبيك
لبيك مالي او كل عيالي وذخري لبيك
لبيك شرياني او دمائي ونحري لبيك
لبيك ابكلشي اللي املكه ربي لبيك

 

كاني من بعد ما انذبح عطشان
خيام المصطفى تتوجر ابنيران
وفوارس بالخيل اتحاوط الصيوان
وبعدها ينحمل راسي على المران
حرم بيت الرسالة تگطع الوديان
اهل هاي الارض تصبح بلا اوطان

 

لبيك گلبي او مثله ثغري يضمى لبيك
لبيك لو سهم المنايا يجسمه لبيك
لبيك اول كلمة آخر كلمة لبيك
لبيك ابكلشي اللي املكه ربي لبيك

 

لبيك روحي او كل حياتي وعمري لبيك
لبيك مالي او كل عيالي وذخري لبيك
لبيك شرياني او دمائي ونحري لبيك
لبيك ابكلشي اللي املكه ربي لبيك