ملف فيديو دمعة الطف | ليلة 1 محرم الحرام 1448 بصوت محمد الجنامي
منذ شهرين
١١٢
ملف فيديو دمعة الطف | ليلة 1 محرم الحرام 1448 بصوت محمد الجنامي
دمعة الطف(مكتوبة)
الرادود:محمد الجنامي
دمعة الطف هذا عاشور اجاني
ولابس اسود بالمجالس لگاني
بگلبي جمرة من خيمكم تراني
عنك اسأل وينه صاحب زماني
دمعة الطف هذا عاشور اجاني
ولابس اسود بالمجالس لگاني
بگلبي جمرة من خيمكم تراني
عنك اسأل وينه صاحب زماني
شهر عاشور إجه وحبيبي ما إجه
بدونك وكتي والله وكت ما بيه رجا
تعال امروتك متت من غيبتك
حبيبك شايل اجروح دواهن شوفتك
محرم من يجي اهلاله ادوّر عن هلالك يغايب ادري عاشورك يعيش ابنص خيالك
جمال الدنيا ما اريده ردت شوفت جمالك تعال لعيني بس لحظه واخذ عيني حلالك
تعال لعيني بس لحظه واخذ عيني حلالك
عيني رادت لحظة لو طيف اشوفك
يمته ترجع حتى اقبّل چفوفك
لو اشوفك بالحلم ما اعوفك ولا اگولن سيد الروح نساني
دمعة الطف هذا عاشور اجاني
ولابس اسود بالمجالس لگاني
بگلبي جمرة من خيمكم تراني
عنك اسأل وينه صاحب زماني
دمعة الطف هذا عاشور اجاني
ولابس اسود بالمجالس لگاني
بگلبي جمرة من خيمكم تراني
عنك اسأل وينه صاحب زماني
إجه اهلال الشهر رسم خيمه ونحر
يمهدي وجيت اواسيك ابمحرم وابصفر
يا أغلى من الهوى شوكت نلطم سوة
يصاحب دمعتك وين استقر بيك النوى
يالمسوي عزه لوحدك على الشيبه الخضيبه منو يحضر لك المنبر منو يقره المصيبه
منو يبچيك من ينعى يزينب يا غريبه
عشيره من هلك راحوا عمايمهم سليبه
انتا وحدك عايش الطف مشاعر يالحبيبك فوگه سحگت حوافر
يا حسين
انتا وحدك عايش الطف مشاعر يالحبيبك فوگه سحگت حوافر
وبخيالك شايف اهواي مناحر والمناحر تبچي وتعد ثواني
دمعة الطف هذا عاشور اجاني
ولابس اسود بالمجالس لگاني
بگلبي جمرة من خيمكم تراني
عنك اسأل وينه صاحب زماني
دمعة الطف هذا عاشور اجاني
ولابس اسود بالمجالس لگاني
بگلبي جمرة من خيمكم تراني
عنك اسأل وينه صاحب زماني
لخادم مولاي الإمام الحجة الشاعر المخلص الموفق كرار حسين الكربلائي
تره الحب مو حچي سهر ليلي وبچي
يالمتعبك حچي الناس على متوني انتچي
اخذني اتوسلك عبد خليني إلك
انه وكل اهلي مولاي رحت فدوه لهلك
اضيّع اهلي واندلك ملاذ الضايع انتا
دعاء الندبه يالمهدي گبل اسمي حفظته
الحچي الما بيه حرف منك كرهته وما سمعته گلت كل العشگ باطل انه المهدي عشگته
اعترف لك انه مجنون واحبك
يا بو صالح فوگ الابهَر اكتبك
خاف اجرحك خل يسامحني گلبك
ليله ليله لطلعة الخير اتاني
دمعة الطف هذا عاشور اجاني
ولابس اسود بالمجالس لگاني
بگلبي جمرة من خيمكم تراني
عنك اسأل وينه صاحب زماني
دمعة الطف هذا عاشور اجاني
ولابس اسود بالمجالس لگاني
بگلبي جمرة من خيمكم تراني
عنك اسأل وينه صاحب زماني
يغايب عالأرض مكانك بالنبض
الگلب لو غيرك يشوف گبل ينطي رفض
گبل خلق العشگ احبك حب صدگ
عليك ابنار الفراگ مثل خيمه احترگ
إلك ارسم ورد ذابل واگلك هذا حالي يموت ابحسرته الغالي إذا فارگ له غالي
يشاغل بالك ابزينب إلك مشغول بالي تره المثلك سبوا عمته عليه صعبه الليالي
تره المثلك سبوا عمته عليه صعبه الليالي
والله صعبه من محرم يمرك يا هلال ابظهر الحسين يذكرك
والله صعبه من محرم يمرك يا هلال ابظهر الحسين يذكرك
بالبواچي والصبر گاضي عمرك والله كافي من عذابك تعاني
دمعة الطف هذا عاشور اجاني
ولابس اسود بالمجالس لگاني
بگلبي جمرة من خيمكم تراني
عنك اسأل وينه صاحب زماني
دمعة الطف هذا عاشور اجاني
ولابس اسود بالمجالس لگاني
بگلبي جمرة من خيمكم تراني
عنك اسأل وينه صاحب زماني
ألف عام وكسر لظهورك انتظر
شوكت يا بعد العيون على احبابك تمر
يبو الحق والعدل انتظارك مو سهل تره من غيبتك هاي طلع شيب الطفل
شوكت تنشر علم ثارك واصيح الثار قادم
ألا يا أيها العالم إجانا المهدي حاكم
ترد وتحكم الدنيا حكومة بني هاشم
نشوف الخير يتبدّه وبعد ما يبقى ظالم
دولة الحق ماكو دوله مثلها بيها زينب ترجع ابين اهلها
دولة الحق ماكو دوله مثلها بيها زينب ترجع ابين اهلها
هالغريبه تدري بس انتا إلها تنادي وينك مو شمرهم سباني
دمعة الطف هذا عاشور اجاني
ولابس اسود بالمجالس لگاني
بگلبي جمرة من خيمكم تراني
عنك اسأل وينه صاحب زماني
دمعة الطف هذا عاشور اجاني
ولابس اسود بالمجالس لگاني
بگلبي جمرة من خيمكم تراني
عنك اسأل وينه صاحب زماني
