ملف فيديو ابوي تعود يمتى بصوت خضر عباس
منذ ٣ أشهر
٤٥
• محرم الحرام 2026م 1448هـ
ابوي تعود يمتى(مکتوبة)
الرادود:خضر عباس
بديت أموت .. أموت سكته
جزه صبري واخدني الشوگ عله طف كربلا
تره طبع العليل يموت إذا راحو هله
بديت أموت .. أموت سكته
أبوي.. أبوي.. تعود يمته؟
جزه صبري واخدني الشوگ عله طف كربلا
تره طبع العليل يموت إذا راحو هله
جزه صبري واخدني الشوگ عله طف كربلا
تره طبع العليل يموت إذا راحو هله
بديت أموت أموت سكته
أبوي أبوي تعود يمته؟
من أول ساعة بغيبتكم وأنه عيوني تفيض .. رحتو وصارن بيض
حسيت بيعقوب گبالي وشايل ثوب فراگ .. بي ريحة مشتاق
ابزمانه قميص النبي رد سالم وتشافه من العمه
يبويه قميصك ليش تمزگ وتلطخ بالدمه
ابزمانه قميص النبي رد سالم وتشافه من العمه
يبويه قميصك ليش تمزگ وتلطخ بالدمه
تره من ملبسك لو خيط يجي ليه أكتفي
أنه من ثوبك احتاجيت هوى يا يوسفي
تره من ملبسك لو خيط يجي ليه أكتفي
أنه من ثوبك احتاجيت هوى يا يوسفي
هواك بعيد وأريد جيته
أبوي أبوي تعود يمته؟
جزه صبري واخدني الشوگ عله طف كربلا
تره طبع العليل يموت إذا راحو هله
جزه صبري واخدني الشوگ عله طف كربلا
تره طبع العليل يموت إذا راحو هله
بديت أموت أموت سكته
أبوي أبوي تعود يمته؟
ما همتني العلة البيه ولا شاغلني الموت .. فگدك هم تابوت
من يوم الفارگتك وأنه شوية شوية نهار .. وعلة القبلة ندار
يبويه خسارة گلبي چبيرة وبس عله الله العوض
يبويه حادث الطف يكتلني ولا يكتلني المرض
يبو روحي وما زال وياك هلا بالدم هلا
أنه أرضى أنذبح بس كون أمشي لكربلا
يبو روحي وما زال وياك هلا بالدم هلا
أنه أرضى أنذبح بس كون أمشي لكربلا
أروح وراك دواي انتَ
أبوي أبوي تعود يمته؟
جزه صبري واخدني الشوگ عله طف كربلا
تره طبع العليل يموت إذا راحو هله
جزه صبري واخدني الشوگ عله طف كربلا
تره طبع العليل يموت إذا راحو هله
بديت أموت أموت سكته
أبوي أبوي تعود يمته؟
ما رحمتني الناس الغربة التنشد عنك وين .. شو ناسيچ حسين
غير انتي بنيته وعافيته ليش بدونچ راح .. ولو شافچ يرتاح
شماتة ولتني وحچي الشامت مر وما ينحمل
يگلي حبيبچ هسه ميت لا لا يمكن عدل
يجي يحچي ببرود أعصاب وأنه كلي أحترگ
هلي عدكم حرب بس لا الحچي يطلع صدگ
يجي يحچي ببرود أعصاب وأنه كلي أحترگ
هلي عدكم حرب بس لا الحچي يطلع صدگ
شعور حنين وأنين عشته
أبوي أبوي تعود يمته؟
جزه صبري واخدني الشوگ عله طف كربلا
تره طبع العليل يموت إذا راحو هله
جزه صبري واخدني الشوگ عله طف كربلا
تره طبع العليل يموت إذا راحو هله
بديت أموت أموت سكته
أبوي أبوي تعود يمته؟
جرحي أكبر من عمري هوايه يحمل ضيم الليل .. وفگدك رايد حيل
حسبت حسابي ومدّخرة الهاي الرحلة دموع .. يفهمها المفجوع
يبويه أشوف الدنيا مخالب وفراگك مجزرة
عفتني وحيدة وصار المنزل مو منزل مگبرة
يجي ليلي وأحن واشتاق وأنه محد إلي
صبرت لا اجة العباس ولا الأكبر علي
يجي ليلي وأحن واشتاق وأنه محد إلي
صبرت لا اجة العباس ولا الأكبر علي
دموع وداع ضياع عشته
أبوي أبوي تعود يمته؟
دموع وداع ضياع عشته
أبوي أبوي تعود يمته؟
جزه صبري واخدني الشوگ عله طف كربلا
تره طبع العليل يموت إذا راحو هله
جزه صبري واخدني الشوگ عله طف كربلا
تره طبع العليل يموت إذا راحو هله
بديت أموت أموت سكته
أبوي أبوي تعود يمته؟
لو أدري يذبحون الرضع چا عبد الله الروح .. ما خليته يروح
طف خالي من الإنسانية وخوان ومدسوس .. لذة بقطع الروس
لو أدري يذبحون الرضع چا عبد الله الروح .. ما خليته يروح
طف خالي من الإنسانية وخوان ومدسوس .. لذة بقطع الروس
يبويه أحس محزوزة أوداجك وانت مگطع وذر
يبويه لو ان يمك موجودة بإيدي أخيط النحر
سوة نتعذب أني وياك وأني هم أنرفس
اجي واگف خيال عليك ستر من الشمس
سوة نتعذب أني وياك وأني هم أنرفس
اجي واگف خيال عليك ستر من الشمس
جروح مصاب عذاب ضگته
أبوي أبوي تعود يمته؟
جزه صبري واخدني الشوگ عله طف كربلا
تره طبع العليل يموت إذا راحو هله
جزه صبري واخدني الشوگ عله طف كربلا
تره طبع العليل يموت إذا راحو هله
بديت أموت أموت سكته
أبوي أبوي تعود يمته؟
منتظرة بشباك الغربة وشفت بداري غراب .. دم من نحرك جاب
من جروحك مرغ جنحه وصاح بحرگة الطير .. گطعوا راس الخير
منتظرة بشباك الغربة وشفت بداري غراب .. دم من نحرك جاب
من جروحك مرغ جنحه وصاح بحرگة الطير .. گطعوا راس الخير
گلت له يا طير اشجبت من أهلي ومن عيال النبي؟
سمعته يگلي عشيرة هاشم نص موتة ونص سبي
گلت له يا طير اشجبت من أهلي ومن عيال النبي؟
سمعته يگلي عشيرة هاشم نص موتة ونص سبي
مشى ضعن العرش مأسور وأبو فاضل وگع
تره عماتچ من السوط دمه منهن طلع
مشى ضعن العرش مأسور وأبو فاضل وگع
تره عماتچ من السوط دمه منهن طلع
يصيح ذبيح كفيل اخته
أبوي أبوي تعود يمته؟
جزه صبري واخدني الشوگ عله طف كربلا
تره طبع العليل يموت إذا راحو هله
جزه صبري واخدني الشوگ عله طف كربلا
تره طبع العليل يموت إذا راحو هله
