ملف فيديو اسمع يعباس بصوت حيدر البياتي

اسمع يعباس(مكتوبة)

الرادود:حيدر البياتي

 

اسمع يا عباس يا رفعة الراس
زينب امانة ابرگبتك مو انة هية الربتك
اسمع يا عباس

اسمع وصيتي يا گمر اسمع وصيتي
زينب امانة ابذمتك يا بعد بيتي
لو بت علي عنك رضت يرتفع صيتي
يا بعد العيون عيلت علي ام عون

اريدك يا بوفاضل صگر فوگ المحامل
هلا ابصييتك يا كافل عباس يا بوفاضل
التحبك من زغرها يسمونك گمرها
چنت تمسح اثرها عباس يا بوفاضل

انته من الگماط تغلب بالزماط
من غيرة الله غيرتك زينب امانة ابرگبتك
اسمع يا عباس

يا شيلة امك يا ستر يا شيلة امك
ما ضمك لتالي العمر لختك اضمك
بياض وجهي يا كلف عباس احشمك
يهدیب يا زين يعيوني الاثنين

الك تحلى البطولة يمقياس الرجولة
اشحلات اسمك اگوله عباس يا بوفاضل
يالمرجف زلمها تطشرها وتلمها
خيم بيدك علمها عباس يا بوفاضل

مادامك ابخير ما ينذبح طير
راحة گلبها ابشوفتك زينب امانة ابرگبتك
اسمع يا عباس

للخيم جبتك يا شهم للخيم جبتك
وابني خيمها بالسمه لو رادت اختك
يالماي كل هاي الارض من فيض گصتك
يمبچي السباع ومغرگ الگاع

النهر يحچيلي عنك ترى الجربة على متنك
خذت هيبتها منك عباس يا بوفاضل
وصيتي وانته يمهم اذا تعطش حرمهم
نهر جيب لخيمهم عباس يا بوفاضل

يا سيد الماي يالتسوى كل ماي
ترويها چانت ضحكتك زينب امانة ابرگبتك
اسمع يا عباس

چفك وعينك مو الك چفك وعينك
اهجم ابعينك عالسهم لو صاح وينك
ولخاطر حسين ابتسم واگطع يمينك
اگطعها يمناك واليسرى وياك

سند لحسين اريدك ظهر صير لعضيدك
افتخر لو گطعوا ايدك عباس يا بوفاضل
شرف هاي الشهادة نلت بيها السيادة
خدر زينب عبادة عباس يا بوفاضل

وصيتك بهاي لا تشرب الماي
جيب لها غيمة بجربتك زينب امانة ابرگبتك
اسمع يا عباس

لحسين فدوة الاربعة لحسين فدوة
ربييت زلام وعلي ينطون نخوة
يدرون ما عندي مهم والمهم هوه
عدلين ميتين فدوة للحسين

ورد اسمه بلساني الحسين وماكو ثاني
خبر منك اتاني عباس يا بوفاضل
اصل هاي الحكاية گمر شايل لراية
اصيحن بالنهاية عباس يا بوفاضل

واخر كلمتين زينب والحسين
بالمعصب اعگد رايتك زينب امانة ابرگبتك
اسمع يا عباس