ملف فيديو ياشريكة المصاب بصوت سيد سلام الحسيني
منذ شهرين
٧٨
مجلس عزاء السيدة زينب الحوراء عليها السلام 1447 هجري
ياشريكة المصاب(مكتوبة)
الرادود:سيد سلام الحسيني
حسين آه حسين آه
بعيني غربة وانطفيت
توسدت على التراب يمه
اتذكرتچ وبچيت
يا شريكة المصاب يمه
راح اموتن ونويت
ابچي واذكر العذاب يمه
يا ام البنين انه
زينب لو تسمعيني
احاچيچ وگرب موتي
بخرابة راح اسد عيني
بخرابة راح اسد عيني
ظل اخر نفس بيه
واريد ابچي على حسيني
اتمنيتچ تجين اليوم
للشام وتودعيني
للشام وتودعيني
بليليتي الاخيرة لو تجين
تساعديني يم گلب حنين
نبچي انه وانتي عالحسين
نبچي انه وانتي عالحسين
حسين آه
گلبي رايد الوداع
واهلي ادري ما يجون يمه
وحدي والدمع متاع
الفرگة حرگت العيون يمه
راح اموتن على گاع
بيها ذكرى للظعون يمه
اريدن احچي يا يمه
من المشه وجافاني
شعجب شح الوداع وياي
ومحد بالغرب جاني
شعجب شح الوداع وياي
ومحد بالغرب جاني
اليوم انه وصل موتي
وريدت عباس دفاني
واريد اسمعه الله وياچ
من گلوب خواني
ارفع ايدي وانه عالجمال
من عفتهم وبيدي حبال
وداعة الله ياختي ياهو گال
وداعة الله ياختي ياهو گال
حسين آه
انه لسه بيه روح
ومتني بي الم چبير يمه
وگلبي كعبة للجروح
وجاي اشم نفس اخير يمه
هوايه عيني بيها نوح
لصوب اخوتي عين ادير يمه
اذكرت وانه بفراش الموت
عصر عاشور فوگ التل
من انقطع صوت حسين
واريد انزل وما اندل
صحت يا يمه عينيني
حيلي من الهضم موشل
صحتله ادركنا وانه ادري
يطلع صوتي ما يقبل
انه بس اشبگه چنت اريد
وشفته اليه گوه يرفع ايد
شلون اودع اخويه من بعيد
شلون اودع اخويه من بعيد
حسين آه
غصة بالگلب تنام
آه اخويه ضامي مات يمه
حايرة وگبري شام
ودمعي ينزف امنيات يمه
راح امدد الچدام
واذكر العلى الفرات يمه
تمنيته يجي عباس
واشوفنه شكثر ميتة
بچفه يحطني بتابوت
وعلى چتافه يشيل اخته
يشيعني ويودعني
ويرش على الگبر بخته
واسمع صوت ها ياختي
ولا موتي يظل سكتة
الخوة صارت اخر الكلام
بگلبي حسرة يمه راح انام
وحدي اموتن ويدفني شام
وحدي اموتن ويدفني شام
حسين آه حسين آه
