ملف فيديو يريح الهاب بصوت حيدر حسين السعد

یریح الهاب(مکتوبة)

الرادود:حيدر حسين السعد

يا ريح الهاب وياك ودّيني
أزور أحباب غياب عن عيني
يا ريح الهاب وياك ودّيني
أزور أحباب غياب عن عيني
سفرهم طال وأنا بهالحال
أزور أحباب غياب عن عيني
سفرهم طال وأنا بهالحال أزور أحباب غياب عن عيني

عليلة وذاب دلالي خلص بالآه والونة
أبوي حسين فارگني خبر لليوم ما منه
أخذ وياه كل أهلي وگطع رجواي والظنة
أريد وياك تاخذني يا ريح الهاب وأتعنه
على النسمات يا ريح خليني
وأشوفن وين ولياي دليني
ظعنهم شال وأنا بهالحال أزور أحباب غياب عن عيني
يا ريح الهاب وياك ودّيني أزور أحباب غياب عن عيني
سفرهم طال وأنا بهالحال أزور أحباب غياب عن عيني

بوجود حسين يتناضح ملاحة وطيب مراعيه
عفاني شلون أتحمل غصص وهموم دنيايه
وأنا الما چان يتهاون شريح الروح ويايه
ندهني وسار للممشى وعگبني وشال حدايه
حدى الحداي ناديت تانيني
يا حادي النوك وياك مشيني
حدى الحداي ناديت تانيني
يا حادي النوك وياك مشيني
مشوا لا گال وأنا بهالحال أزور أحباب غياب عن عيني
يا ريح الهاب وياك ودّيني أزور أحباب غياب عن عيني
سفرهم طال وأنا بهالحال أزور أحباب غياب عن عيني

جزاني وفات حاديهم عساه يكون لا طوّح
گطع بالنوك وعيوني على الركبان تتشبّح
مشى وظلّيت عالبيداء بنظر مأيوس أتلمّح
ترك بالروح حسراتي ومصب العين دم يسفح
علل وهموم والبين واليني
وسعير الشوك لو هاج ياذيني
الهجر چتّال وأنا بهالحال أزور أحباب غياب عن عيني
يا ريح الهاب وياك ودّيني أزور أحباب غياب عن عيني
سفرهم طال وأنا بهالحال أزور أحباب غياب عن عيني

يا ريح الهاب أحچيلك وأنا الحسبات تشغلني
نذر أنطيك كل عمري لو ان وياك تحملني
أسوم عليك باريك بظعن ولياي وصلني
وأبوي حسين لو شفته يا ريح الهاب نزلني
أسوم عليك باريك بظعن ولياي وصلني
وأبوي حسين لو شفته يا ريح الهاب نزلني
تراني الضيم والبين عاميني
ومن الحسبات مليت تدريني
شيظل عالبال وأنا بهالحال أزور أحباب غياب عن عيني
يا ريح الهاب وياك ودّيني أزور أحباب غياب عن عيني
سفرهم طال وأنا بهالحال أزور أحباب غياب عن عيني

أبوي حسين دوّهنّي نحت والنوح يحلالي
يريت الروح لا عاشت لو انّه يروح عن بالي
عساه الموت ياخذني وعساها تحين آجالي
مشى وظلّيت أنتظر ولا مرسال ودّالي
أبوي الـ راح ميصير ناسيني
ولا مبعوث للدار يلفيني
ولا مرسال وأنا بهالحال أزور أحباب غياب عن عيني
يا ريح الهاب وياك ودّيني أزور أحباب غياب عن عيني
سفرهم طال وأنا بهالحال أزور أحباب غياب عن عيني

يا ريح الهاب لو تدري شحملت هموم بغيابه
غزاني الشيب من زغري وحِمَم بحشاي لهّابة
شبيه الطير دلالي خفگ لغياب أحبابه
لفاني الليل بالحسرة وگضيته بروح مرتابة
ظلام الليل بالآه يجزيني
ذهيلت راي والشيب غازيني
ظلام الليل بالآه يجزيني
ذهيلت راي والشيب غازيني
على هالمنوال وأنا بهالحال أزور أحباب غياب عن عيني
يا ريح الهاب وياك ودّيني أزور أحباب غياب عن عيني
سفرهم طال وأنا بهالحال أزور أحباب غياب عن عيني

نهاري يروح باللوعة ويجيني الليل بهمومه
ظلام وخوف يترادف وأطش دموع لنجومه
وأشوف الدار وحشتها تخلي الروح ملومة
نياح النوك لحبابي نحت والعين معدومة
لو ان الموت ما راد يطويني
هضم دنياي والنوح يكفيني
الدمع همّال وأنا بهالحال أزور أحباب غياب عن عيني
يا ريح الهاب وياك ودّيني أزور أحباب غياب عن عيني