ملف فيديو بويه شلون بصوت السيد فاقد الموسوي

بويه شلون(مكتوبة)

الرادود:السيد فاقد الموسوي

 

ضاع الهوه والروح مخنوگه
عالفارگوني ضلوعي مطبوگه
بويه شلون آنه الكم دوم أشتاگ
بويه شلون ما يرحم هذا افراگ
عالفارگوني ضلوعي مطبوگه

العافوها أهلها الله يساعدها
تموت البنيه اخلاف والدها
غيبة أبوها محد يسدها
والروح طلعت جيب لي يردها

يا روحي يا روحي كون الليله تموتين
يا روحي يا روحي ما اعيش بدون حسين

دگة گهوة بچفاك مدگوگه
عالفارگوني ضلوعي مطبوگه

أحباب گلبي الأحب لمتهم
مثل الرماح اعلي غيبتهم
عافوني ليش وآنه بنيتهم
عمري وحياتي ما مزعلتهم

عافوني عافوني وآنه الهم دوم أشتاگ
عافوني عافوني ما گالوا هذا افراگ

بنار الهجر هالليله محروگه
عالفارگوني ضلوعي مطبوگه

كل ساع أگولن يا هلا بيهم
وي روحي أسولف عود ألاگيهم
يا بويه كون أوصل وأحاچيهم
عن حالي والعباس أبچيهم

عن حالي عن حالي لو تدرون تموتون
من دموعي من دموعي ما ظلت عندي عيون

گلبي عليكم طاگ بشوگه
عالفارگوني ضلوعي مطبوگه

تعلعل گضيت اخلافك أيامي
دامي الجفن والگلب هم دامي
وي روحي خلصت نامي ما نامي
من راسي جرحك واصل جدامي

يا بويه يا بويه لا ظلت عين وحيل
يا بويه يا بويه بدموعي مخلصه الليل

روحي وغلاتك سحگ مسحوگه
عالفارگوني ضلوعي مطبوگه

طحن الرحى بچفاك مطحونه
هيچ اليحبكم چا تكتلونه
حرگت ضعنكم تاكل عيوني
شلون المريض بگلبه تچوونه

لو تدري لو تدري ليليه شگد أنعاك
لو تدري لو تدري بعت الروح لملگاك

من ضيمي گلبي يبست اعروگه
عالفارگوني ضلوعي مطبوگه

بظهر المشه والعايف ادياره
گلبي انگطع وانگطعت اخباره
چنت آنه لو دفيت اكتاره
بگلبي عدل دگّاه مسماره

هم سامع هم سامع بصواب الحب يطيب
يا بويه يا بويه طفله آنه شجاب الشيب

كل ضحكه مني اليوم مبيوگه
عالفارگوني ضلوعي مطبوگه

ضاع الهوه والروح مخنوگه
عالفارگوني ضلوعي مطبوگه