ملف فيديو صولة غيور بصوت خضر عباس

صولة غيور(مكتوبة)

الرادود:خضر عباس

 

إرخصني آخذ ثارك أو ثاري
بيميني موت وبرزخ إيساري
يا حسين.. إرخصني

إرخصني آخذ ثارك أو ثاري
بيميني موت وبرزخ إيساري
صولة غيور وهاشمي عطشوا هله
ذخر الصميدة للصعب والمعضلة

صولة غيور وهاشمي عطشوا هله
ذخر الصميدة للصعب والمعضلة

إرخصني آخذ ثارك أو ثاري
بيميني موت وبرزخ إيساري
صولة غيور وهاشمي عطشوا هله
ذخر الصميدة للصعب والمعضلة

إذا مات الخجل صار الخلل والنعمة تنداس
إذا شبه الزلم حكموا زلم ما يبقى مقياس
متى صار النذل حاكم عدل وجفوفه تنباس؟!
متى صار الجدم صاحب همم ويزامط الراس؟!

ابن الدعية يحكم وآنا حي؟!
ابن الدعية.. أشرف منية.. موتي على الحق أشرف منية

ابن الدعية يحكم وآنا حي؟!
ابن الدعية.. أشرف منية.. موتي على الحق أشرف منية

ما نرضى إحنا الطاغي يحكمنا
عندنا الإمامة والأصل عدنا
خل تنطلق لا الرفض من كربلا
ذخر الصميدة للصعب والمعضلة

إرخصني آخذ ثارك أو ثاري
بيميني موت وبرزخ إيساري
صولة غيور وهاشمي عطشوا هله
ذخر الصميدة للصعب والمعضلة

أنا شبل الأسد منطي وعد والموعد الماي
أنا من أنوصف سبعين ألف چن سبعة وياي
منو يمنع نهر أنطيه خبر لتشوفه عيناي
إهي قطعت نفس بس يا حرس أبا الفضل جاي

أرفع يميني يسكت شكو صوت
أرفع يميني.. عباس!
اللي يجيني يعرف أنا موت
اللي يجيني.. عباس!

أرفع يميني يسكت شكو صوت
أرفع يميني.. عباس!
اللي يجيني يعرف أنا موت
اللي يجيني.. عباس!

بجبيني طفحت غيرة الأنزع
وبراسي صوت من الخيم إفزع
سيفي عطش خل الركب تستقبله
ذخر الصميدة للصعب والمعضلة

إرخصني آخذ ثارك أو ثاري
بيميني موت وبرزخ إيساري
صولة غيور وهاشمي عطشوا هله
ذخر الصميدة للصعب والمعضلة

إذا راح الضوه وضاق الهوى واهتزت القاع
بدى سيف الأجل ينسل زعل ويغير أوضاع
إذا بنت الأبو رادت أخو للهوة فزاع
أنا چلمة وفى بيوم الجفا والشاري ما باع

إيدي الحراسة عالمي منو قال؟!
إيدي الحراسة.. عباس!
أگطعله راسه وأحلف على هاي
أگطعله راسه.. عباس!

إيدي الحراسة عالمي منو قال؟!
إيدي الحراسة.. عباس!
أگطعله راسه وأحلف على هاي
أگطعله راسه.. عباس!

مو گدي ذوله الهجموا عليه
گالوا لي كثرة وطلعوا شوية
ما خلي منكم واحد يعود لهله
ذخر الصميدة للصعب والمعضلة

إرخصني آخذ ثارك أو ثاري
بيميني موت وبرزخ إيساري
صولة غيور وهاشمي عطشوا هله
ذخر الصميدة للصعب والمعضلة

أنا أرفض قتل من يندهل والشارِد وخاف
أنا أسأل أكو عدهم كفو ينعد بآلاف؟!
أنا رايد شمر قالوا جسر يا ريته ينشاف
أنا أجسم شرط بالنص ضبط وبجسمتي إنصاف

أغضب وجيهم أعصف هوى ونار
أغضب وجيهم.. عباس!
أرمي عليهم رمية أبابيل
أرمي عليهم.. عباس!

أغضب وجيهم أعصف هوى ونار
أغضب وجيهم.. عباس!
أرمي عليهم رمية أبابيل
أرمي عليهم.. عباس!

آني القيادة وبيدي المحتّم
خليني أروي المشرعة بالدم
آني الأصالة والشرف والمرجلة
ذخر الصميدة للصعب والمعضلة

إرخصني آخذ ثارك أو ثاري
بيميني موت وبرزخ إيساري
صولة غيور وهاشمي عطشوا هله
ذخر الصميدة للصعب والمعضلة

ولا من الجرف چفي يغرف والوادم شهود
أنا وسط النهر وبلا حذر إلا أترس الجود
ولا يبقى أبد راس بجسد لو عني مسدود
وإذا يروى الطفل ويظل عدل يستاهل زنود

أشرب حشاني وأعرف ظما أخوي؟!
أشرب حشاني.. عباس!
أحسن أعاني وأبقى بلا ماي
أحسن أعاني.. عباس!

أشرب حشاني وأعرف ظما أخوي؟!
أشرب حشاني.. عباس!
أحسن أعاني وأبقى بلا ماي
أحسن أعاني.. عباس!

خليني ظامي والعذب بيدي
لا ما أشربه ويعطش عضيدي
ما أرتوي قبل الأخو والعايلة
ذخر الصميدة للصعب والمعضلة

إرخصني آخذ ثارك أو ثاري
بيميني موت وبرزخ إيساري
صولة غيور وهاشمي عطشوا هله
ذخر الصميدة للصعب والمعضلة