ملف فيديو يم الرمح انام بصوت محمد الجنامي

يم الرمح انام(مكتوبة)

الرادود:محمد الجنامي

ما بين أحچي وبيّن يجر بالدمع ينقال
مو انت هذا عله الرمح.. قلبي اختلف ينشال
يم الرمح أنام
لو بيّن الظلام
لو بيّن الظلام .. إنت قمر ليلي

ما بين أحچي وبيّن يجر بالدمع ينقال
مو انت هذا عله الرمح.. قلبي اختلف ينشال
يم الرمح أنام
لو بيّن الظلام
إنت قمر ليلي

يازینب شلون تغمض لچ عيون
هيك أسولف ويّه روحي الدرب كلّه
بيچ الوكت خان.. وما عندچ إخوان
وعقب أبو فاضل صعدتي بناقة هزله
هنياله رمحك من ماخذ دور العيون
يالشتلتك بمتني تعال وشوف المتون
هنياله رمحك من ماخذ دور العيون
يالشتلتك بمتني تعال وشوف المتون
شلونچ يسألوني وأقولن مالي كل لون
بعدك يا عباس.. بعدك يا عباس

لو انذبح مية ذبح.. ما أسمعك عتاب
فوق الرمح لو سلمت.. أسمع لك جواب
لو انذبح مية ذبح.. ما أسمعك عتاب
فوق الرمح لو سلمت.. أسمع لك جواب
عليكم السلام .. لو بيّن الظلام
لو بيّن الظلام .. إنت قمر ليلي
ما بين أحچي وبيّن يجر بالدمع ينقال
مو انت هذا عله الرمح.. قلبي اختلف ينشال
يم الرمح أنام
لو بيّن الظلام
إنت قمر ليلي

أحچيها بإحساس.. شلونك يا عباس
تقلي يا ختي شلونـي وإنتي بچفچ حبال
أحچيها بإحساس.. شلونك يا عباس
تقلي يا ختي شلونـي وإنتي بچفچ حبال
والچف مقطوع.. ما يمسح دموع
الناقة محنية شفتها همومچ ثقال
عباس مملوحة السوالف دوم ويّاك
مرات أضيّع دمعتي وبعيوني ألقاك
عباس مملوحة السوالف دوم ويّاك
مرات أضيّع دمعتي وبعيوني ألقاك
صدقني ألف عام وكسر كبّرني فرقاك
بعدك يا عباس.. بعدك يا عباس

مخنوقة وأحتاجك هوى.. يا شمي لعذيب
بيّن ترى من فارقتك.. بعصابتي الشيب
مخنوقة وأحتاجك هوى.. يا شمي لعذيب
بيّن ترى من فارقتك.. بعصابتي الشيب
وياك الدمع كان.. لو بيّن الظلام
لو بيّن الظلام .. إنت قمر ليلي
ما بين أحچي وبيّن يجر بالدمع ينقال
مو انت هذا عله الرمح.. قلبي اختلف ينشال
يم الرمح أنام
لو بيّن الظلام
إنت قمر ليلي

ليش الوكت دار.. طولك رمح صار
نصّك على الشاطي ظل والثاني ويّاي
لو صار الغروب.. تضوي لي الدروب
أعطش وألقاك يمّي چنّك الماي
ظلمة وأدوّر عن قمر وألقاك موجود
وأتمنى عينك ما تشوف متونّا السود
بتوت القلوب مقطوعة تشبه قطع الزنود
بعدك يا عباس.. بعدك يا عباس

من أتعب وألقاك يمّي الروح ترتاح
مو راس أشوفنك يا خوي خيمة برماح
يا شمعة الخيام.. لو بيّن الظلام
لو بيّن الظلام .. إنت قمر ليلي
ما بين أحچي وبيّن يجر بالدمع ينقال
مو انت هذا عله الرمح.. قلبي اختلف ينشال
ما بين أحچي وبيّن يجر بالدمع ينقال
مو انت هذا عله الرمح.. قلبي اختلف ينشال
يم الرمح أنام
لو بيّن الظلام
إنت قمر ليلي

متانيتك تعود.. بالراية والجود
روحي لهسه ما تصدق إنت مذبوح
وين وصرت وين.. يا عيون الحسين
فارقتني وصار عمري جروح بجروح
كل يوم أحاچي عيوني ابچن دم يالعيون
عنّچ مشوا أهل المحنة وما يرجعون
الشمّات بجفاك عله دمع أختك يضحكون
بعدك يا عباس.. بعدك يا عباس

چم ونة چم دمعة عتب چم عثرة بالسوق
عباس من كلمة سبي ظل قلبي محروق
چم ونة چم دمعة عتب چم عثرة بالسوق
عباس من كلمة سبي ظل قلبي محروق
يرميني بالسهام.. لو بيّن الظلام
لو بيّن الظلام .. إنت قمر ليلي
ما بين أحچي وبيّن يجر بالدمع ينقال
مو انت هذا عله الرمح.. قلبي اختلف ينشال
ما بين أحچي وبيّن يجر بالدمع ينقال
مو انت هذا عله الرمح.. قلبي اختلف ينشال
يم الرمح أنام
لو بيّن الظلام
إنت قمر ليلي

بعيني الدمع صاح.. ما يرجع الراح
وأبچي لأيامي الچنت بيهن أميرة
شقد صعبة تنقال.. مجتوفة بحبال
بلا عشيرة هاي أخت بدر العشيرة
ما ميّتة عاشور الظهر موّتني الفراق
يالعايش بليلي بدر كل ليلة أشتاق
درب السبي بعدك ترسته دموع وأشواق
بعدك يا عباس.. بعدك يا عباس

ساعة بعد ساعة أعد لأربعينك
من أرجع تراب السبي تمسحه بيمينك
ساعة بعد ساعة أعد لأربعينك
من أرجع تراب السبي تمسحه بيمينك
يم قبرك الختام.. لو بيّن الظلام
يم قبرك الختام.. لو بيّن الظلام
لو بيّن الظلام .. إنت قمر ليلي
ما بين أحچي وبيّن يجر بالدمع ينقال
مو انت هذا عله الرمح.. قلبي اختلف ينشال
ما بين أحچي وبيّن يجر بالدمع ينقال
مو انت هذا عله الرمح.. قلبي اختلف ينشال
يم الرمح أنام