ملف فيديو يا ام العباس بصوت حيدر حسين السعد

يا ام العباس(مكتوبة)

الرادود:حيدر حسين السعد

يم العباس دخيلچ دخيلچ يم العباس
يم العباس دخيلچ دخيلچ يم العباس

يم البنين بمروتچ ضاگت الدنيا بعيني
حاجات عندي معسره ومديت الچ چفينـي
انطيتي لحسين الگمر معقوله ما تنطيني
يالخيرچ مغطيني يالخيرچ مغطيني
گالولي اقرا الفاتحه ولام البنين اهديها
كل شده عندك لا تهم وام الگمر تقضيها
وانه اجيت بحاجتي ومن عندچ امتانيها
وانه اعرف تسهليها وانه اعرف تسهليها
لاخر انفاس دخيلچ دخيلچ يم العباس
يم العباس دخيلچ دخيلچ يم العباس

مكسور گلبي من الزمن يم البنين وجيتچ
اقسم عليچ بكل عزه لحسين صار ببيتچ
اقسم عليچ بكل نحر مذبوح من ذريّتچ
مهضوم واتعنيتچ مهضوم واتعنيتچ
اقسم عليچ بزينب الصعدت هزل من تالي
اقسم عليچ بسكنه ورقيه بنات الغالي
اقسم عليچ براس الحسين اعلى رمحه العالي
يا يمه انظري لحالي مولاتي انظري لحالي
بوضعـي الحساس دخيلچ دخيلچ يم العباس
يم العباس دخيلچ دخيلچ يم العباس

يم الكفيل الهاشمي الي يروينه بالحب جوده
فقره وعلى الفطره الچ نفرش سفر ممدوده
والمنها ياخذ ينرزق والله برحمته يزوده
وتخلص ايامه السودَه وتخلص ايامه السودَه
الما عنده ذريه باذن ربنا ولد تنطينه
المشلول من يتوسلچ تركض ترد رجلينه
چي عين عباس انطفت كل اعمى ترجع عينه
لو شال الچ چفينه لو شال الچ چفينه
بعين العباس دخيلچ دخيلچ يم العباس
يم العباس دخيلچ دخيلچ يم العباس

دگيت بيبان شكثر وتندمت بالتالي
ورجعت تارستني الخجل بس چفي منهم خالي
بس انتي يم الاربعَه صحتي هلا بالغالي
وبيدچ ترستي سلالي وبيدچ ترستي سلالي
بابچ ولا ينسد ابد والخير منچ دايم
ما مره جيت لعتبتچ ورجعت منچ نادم
وتدللينه بالاخص لحسين كلمن خادم
من بين كل الوادم من بين كل الوادم
خذلتني الناس دخيلچ دخيلچ يم العباس
يم العباس دخيلچ دخيلچ يم العباس

ممنون منچ واشكرچ يم البنين هوايه
انحلت الشده لمن باسمچ عگدت الرايه
فرحان صحت ام الگمر ما قصرت ويايه
والزهره احلى احچايه والزهره احلى احچايه
من فرحتي انثر ورد وانثر دموع عيوني
والناس يمي تجمعو من كل كتر حاطوني
گالو شنو السر يا اسم تتنخه بي سألوني
واسمچ لمع بعيوني واسمچ لمع بعيوني
يا تاج الراس دخيلچ دخيلچ يم العباس
يم العباس دخيلچ دخيلچ يم العباس