ملف فيديو خليني أخدم كل سنة بصوت نزار القطري

خليني أخدم كل سنة(مكتوبة)

الرادود:نزار القطري

گَلبي ذاب من العشگ والروح بيك مسودنه
مروتك يا بو علي خليني اخدم كل سنه

شگد چبير ومن تحن ما منها دوم محنتك
صويحبك يصبح ملك يا عشرة تشبه عشرتك
بجاه امك فاطمه وفقني دوم لخدمتك
يا ذهب وابن الذهب وگليب خالص معدنه
مروتك يا بو علي خليني اخدم كل سنه

گَلبي ذاب من العشگ والروح بيك مسودنه
مروتك يا بو علي خليني اخدم كل سنه

هوايه گالولي ش عجب شو ما تفارگ مجلسه
وانه بيه اتعلگت مثل الطفل بالمدرسه
عندي اغلى من الهوا ومثل النفس اتنفسه
هوه سلطان الگلب والروح يمه ساكنه
مروتك يا بو علي خليني اخدم كل سنه

گَلبي ذاب من العشگ والروح بيك مسودنه
مروتك يا بو علي خليني اخدم كل سنه

ردت اقيس محبتك بالحجم وشگد وشكثر
بالنتيجه انت طلعت مولاي اغلى من العمر
روحي لجدامك فده يا شيخنه وتامر امر
واليحبك سيدي كربله صارت موطنه
مروتك يا بو علي خليني اخدم كل سنه

گَلبي ذاب من العشگ والروح بيك مسودنه
مروتك يا بو علي خليني اخدم كل سنه

انته كل خادم تره مولاي جبته من العدم
فدوه عينك سيدي خليها حارس عالخدم
الراح رجعه للدرب واغفرله لو زل الجدم
التوبه عندك تنقبل والرده يمك ممكنه
مروتك يا بو علي خليني اخدم كل سنه

گَلبي ذاب من العشگ والروح بيك مسودنه
مروتك يا بو علي خليني اخدم كل سنه

مو قياده ولا عرش صفيها واخدم من صدگ
بنارهم مثل الخيم محتاجه گلبك يحترگ
شلون عابس من فزع راوينا صوره من العشگ
ذبها روحك عاللطم والحيل إلمن دافنه
مروتك يا بو علي خليني اخدم كل سنه

گَلبي ذاب من العشگ والروح بيك مسودنه
مروتك يا بو علي خليني اخدم كل سنه