ملف فيديو عادتك الاحسان بصوت محمد باقر الخاقاني

عادتك الاحسان(مكتوبة)

الرادود:محمد باقر الخاقاني

يا ماي بعدك نشربه يا ماي وإنت يا مولاي
عالثّرى تنادي يا جدّي العطش فت أحشاي
ونّتك بهداي
ولا خجل راج النّهر ليها رايح جاي
يا رخص دنياي العلقمي العذب كونه علقم

يا ماي بعدك نشربه يا ماي وإنت يا مولاي
عالثّرى تنادي يا جدّي العطش فت أحشاي
ونّتك بهداي
ولا خجل راج النّهر ليها رايح جاي
يا رخص دنياي العلقمي العذب كونه علقم

تستغفر لمثلي بإحسانك
مولاي وإنت يابس لسانك
يا مكثر سهامك وجاي يكملها ذنبي
تاخذ إساءة إحسان تنطيني
وأدري المعاصي لوثت طيني
وخوفي الذنب يبعدني عنك تالي دربي

أكو خادم لاچن يزل وأكو خادم باستقامة
أكو من يدعي لإمامه وأكو اليدعي له إمامه
أكو مثلي وأكو مثل الصائدي أبو ثمامة
لحظة ما ضيع صلاته حتى لا يضيع غرامه
لحظة ما ضيع صلاته حتى لا يضيع غرامه
قلبه ويه الآذان وهو بقلبه سهم
والمثلي غرقان مد لك إيد الندم
وحاشا ترد يمناي فإنت يا مولاي

عادتك الإحسان وسجيتك الكرم وسجيتك الكرم
إجعل قليلي هواي فإنت يا مولاي
عادتك الإحسان وسجيتك الكرم

يا ماي بعدك نشربه يا ماي وإنت يا مولاي
من الرمل مجمع وسادة والرمل چواي من عمت عيناي
بالشمس وغير الخيول عليك ماكو فياي
شلون أبطل بچاي ما أوفي لو أبچي من دم

يا ماي بعدك نشربه يا ماي وإنت يا مولاي
من الرمل مجمع وسادة والرمل چواي من عمت عيناي
بالشمس وغير الخيول عليك ماكو فياي
شلون أبطل بچاي ما أوفي لو أبچي من دم

يا مدمع اليوفيك يا مدمع
تلملم شتاتي وجسمك موزع
المثلي فلا عنده عذر ويكول عذرا
لهسه خيرك تارس چفوفي
شكرا إلك مولاي ما توفي
وچلمة شكرا هي هم تحتاج شكرا

مو فقط بلساني شكرا شكرا بكل الجوارح
شكرا بغض البصر لعيوني ودموعي السوافح
شكرا بسد المسامع إلا عن صوت النوايح
أشكرك حتى بخيالي بغيرك الما يوم سارح
أشكرك حتى بخيالي بغيرك الما يوم سارح

راسك عالمُران ونحرك ينزف نعم
حنان ومنان حتى بحرق الخيم
ولا عجب من هاي فإنت يا مولاي

عادتك الإحسان وسجيتك الكرم
مولاي إجعل قليلي هواي فإنت يا مولاي
عادتك الإحسان وسجيتك الكرم

آه يا ماي بعدك نشربه يا ماي وإنت يا مولاي
بالعطش وشفاهك ماتت لاگها يوهاي
وأنا بالإشفاه والنهر إنطاني سقو منكم أخذ سقاي
وزينب بلا راي خيم المسا بلا مخيم

يا ماي بعدك نشربه يا ماي وإنت يا مولاي
بالعطش وشفاهك ماتت لاگها يوهاي
وأنا بالإشفاه والنهر إنطاني سقو منكم أخذ سقاي
وزينب بلا راي خيم المسا بلا مخيم

كل عين كون دموم تتفجر
وأختك يا حبل الله بحبل تنجر
يمرون بيها عالنهر وتشوف مايه
تشوف القمر عالشاطي متواري
عباس راكد والنهر جاري
وهو الفرات الواقعي اليروي الظمَايا
تشوف القمر عالشاطي متواري
عباس راكد والنهر جاري
وهو الفرات الواقعي اليروي الظمَايا

من أدب ساقي العطاشى الناس تتعلم أدبها
دومه مستحضرك يمه ورفعته هذي سببها
من نزل ماي الشريعة شلون بأفكاره حسبها
چانت الشربة مباحة واغترفها وما شربها
چانت الشربة مباحة واغترفها وما شربها

اليدور عرفان بس عد راعي العلم
اليدور عرفان بس عد راعي العلم
ومن جود العطشان رايد غرفة شيم
إسگيني أدب مو ماي فإنت يا مولاي

عادتك الإحسان وسجيتك الكرم
إجعل قليلي هواي فإنت يا مولاي
عادتك الإحسان وسجيتك الكرم