ملف فيديو بالعافية بصوت باسم الكربلائي
منذ شهر
١٣٣
ملف فيديو بالعافية بصوت باسم الكربلائي
بالعافية(مكتوبة)
الرادود:باسم الكربلائي
بالعافيه نوم العوافي يبو روح الصافيه
بالعافيه عالناگه أسهر وانت عينك غافيه
بالعافيه نوم العوافي يبو روح الصافيه
بالعافيه عالناگه أسهر وانت عينك غافيه
خويه نوم العافيه ابراس الرمح
خويه نوم العافيه ابراس الرمح
يا جرح وعله الجرح حفنة ملح
مدري ليش الفرگه خنجرها يلح
مدري ليش الفرگه خنجرها يلح
والتريده ابساعة العازه يشح
والتريده ابساعة العازه يشح
ليش آني جرحي بلا دوه
ليش آني يخنگني الهوه
ليش آني جرحي بلا دوه
ليش آني يخنگني الهوه
عالمشرعه مات الضوه
عالمشرعه مات الضوه
يا وسفه مامتنه سوه
يا وسفه مامتنه سوه
ما سامعه هالفتره چلمه بيها ملحه أو دافيه
إخت الهواشم بالصحاري أو حافيه
ما سامعه هالفتره چلمه بيها ملحه أو دافيه
إخت الهواشم بالصحاري أو حافيه
بالعافيه
بالعافيه نوم العوافي يبو روح الصافيه
بالعافيه عالناگه أسهر وانت عينك غافيه
بالعافيه نوم العوافي يبو روح الصافيه
بالعافيه عالناگه أسهر وانت عينك غافيه
يا بالعافيه
آنه بنت اللي يحل ليش أنچتف
آنه بنت اللي يحل ليش أنچتف
واني اخت البالكلايف ينعرف
تالي ماتالي ولاني المايعف
تالي ماتالي ولاني المايعف
ولا يرد المستحه اعيون الصلف
جرح السبي ينزف عتب
بعيوني ينشاف التعب
جرح السبي ينزف عتب
بعيوني ينشاف التعب
يم إختك الحادي إقترب
راسك بقه إبرمحه إشعجب
راسك بقه إبرمحه إشعجب
ما جيتني كلها جفتني أو دنيتي متجافيه
ما جيتني ورموشي بيضه وانت أخذت العافيه
ما جيتني كلها جفتني أو دنيتي متجافيه
ما جيتني ورموشي بيضه وانت أخذت العافيه
بالعافيه
بالعافيه نوم العوافي يبو روح الصافيه
بالعافيه عالناگه أسهر وانت عينك غافيه
بالعافيه نوم العوافي يبو روح الصافيه
بالعافيه عالناگه أسهر وانت عينك غافيه
يا بالعافيه
حزت اعظامي تره احبال اليسر
أثّرت بوجوهنه شمس الظهر
حزت اعظامي تره احبال اليسر
أثّرت بوجوهنه شمس الظهر
چنك إتكلي الصبر ثم الصبر
چنك إتكلي الصبر ثم الصبر
أصبر اوعينك ونام اعله الجمر
ما تنسه ارسومك أبد
ذاك الحچي الينگط شهد
ما تنسه ارسومك أبد
ذاك الحچي الينگط شهد
عايفني خيمه ابلا عمد
وبراسي دمك مابرد
وبراسي دمك مابرد
ووداعتك آني اچبيره أو عالمصايب وافيه
لكن دموعي إعله النهر مو كافيه
ووداعتك آني اچبيره أو عالمصايب وافيه
لكن دموعي إعله النهر مو كافيه
بالعافيه
بالعافيه نوم العوافي يبو روح الصافيه
بالعافيه عالناگه أسهر وانت عينك غافيه
بالعافيه نوم العوافي يبو روح الصافيه
بالعافيه عالناگه أسهر وانت عينك غافيه
يا بالعافيه
ما أگلك زينه والحادي الشمر
والحمد لله يخويه إعله الستر
ما أگلك زينه والحادي الشمر
والحمد لله يخويه إعله الستر
خل أوصف حالتي بس أختصر
چالعمامه أو طاحت إبمخلب نسر
هاي الشبيها الطَفِل
والصعبه والما تنعقل
هاي الشبيها الطَفِل
والصعبه والما تنعقل
زينب يچتفوها إبحبل
زينب يچتفوها إبحبل
والعثره يم شامت چتل
والعثره يم شامت چتل
عباسنه تنزف جروحه لسه مامتافيه
وانه أدري بثگال المصايب لافيه
عباسنه تنزف جروحه لسه مامتافيه
وانه أدري بثگال المصايب لافيه
بالعافيه
بالعافيه نوم العوافي يبو روح الصافيه
بالعافيه عالناگه أسهر وانت عينك غافيه
بالعافيه نوم العوافي يبو روح الصافيه
بالعافيه عالناگه أسهر وانت عينك غافيه
يا بالعافيه
آني زينب وانطويت امن الحزن
لا اخو عندي ولا عندي إبن
آني زينب وانطويت امن الحزن
لا اخو عندي ولا عندي إبن
أنظر الراسك يبو فاضل واحن
أنظر الراسك يبو فاضل واحن
اني ما سمعك لچن أشعر تون
اني ما سمعك لچن أشعر تون
ردتك ولو بس تلتفت
حتى أگلك ها شفت
ردتك ولو بس تلتفت
حتى أگلك ها شفت
ياحره وي ظالم عفت
بيمن ألوذ ان لو خفت
بيمن ألوذ ان لو خفت
ما صايحه لكن أون ونتي مو خافيه
ظليت ألوج أو جمرتي ما طافيه
ما صايحه لكن أون ونتي مو خافيه
ظليت ألوج أو جمرتي ما طافيه
بالعافيه
بالعافيه نوم العوافي يبو روح الصافيه
بالعافيه عالناگه أسهر وانت عينك غافيه
بالعافيه نوم العوافي يبو روح الصافيه
بالعافيه عالناگه أسهر وانت عينك غافيه
يا بالعافيه
چنه وين احنه او صفينه إبيا وضع
هسه ساكت وانه أسولفلك دمع
چنه وين احنه او صفينه إبيا وضع
هسه ساكت وانه أسولفلك دمع
انت ذاك الچان إلي خيمه أو درع
انت ذاك الچان إلي خيمه أو درع
تالي ما بين الضباع إخت السبع
ياويلي والماتوا هله
ما يسمع إبجلمة هله
ياويلي والماتوا هله
ما يسمع إبجلمة هله
ها يالتعدل المايله
عالناگه المعاتب حله
عالناگه المعاتب حله
بسياطهم ماتوگع إيدي أو للوضع متلافيه
تعبانه والتحدي الظعن متعافيه
بسياطهم ماتوگع إيدي أو للوضع متلافيه
تعبانه والتحدي الظعن متعافيه
بالعافيه
بالعافيه نوم العوافي يبو روح الصافيه
بالعافيه عالناگه أسهر وانت عينك غافيه
بالعافيه نوم العوافي يبو روح الصافيه
بالعافيه عالناگه أسهر وانت عينك غافيه
يا بالعافيه
انت يالطبِعَك تجي ما تبتعد
ننطي كل اچفوفنه أو چفك يرد
انت يالطبِعَك تجي ما تبتعد
ننطي كل اچفوفنه أو چفك يرد
آنه إختك يابو فاضل وارتعد
آنه إختك يابو فاضل وارتعد
واليگود الناگه ينظرلي إبحقد
ويگلي صرتي إميسره
چا وينه سبع الگنطره
ويگلي صرتي إميسره
چا وينه سبع الگنطره
گبلچ ولا صارت تره
يا هاشميه اميسره
يا هاشميه اميسره
حداينه نادَوا يسمعونه الرعاع الهافيه
احنه الذبحنه السيد امن القافيه
حداينه نادَوا يسمعونه الرعاع الهافيه
احنه الذبحنه السيد امن القافيه
بالعافيه
بالعافيه نوم العوافي يبو روح الصافيه
بالعافيه عالناگه أسهر وانت عينك غافيه
بالعافيه نوم العوافي يبو روح الصافيه
بالعافيه عالناگه أسهر وانت عينك غافيه
يا بالعافيه
يا عجب عدله بعدني ومامتت
يا عجب عدله بعدني ومامتت
واني بيد المايخاف الله طحت
واني بيد المايخاف الله طحت
آني أمشي ويه الشمر والله وكت
آني أمشي ويه الشمر والله وكت
وسفه محد گال ابشري من صحت
وسفه محد گال ابشري من صحت
وينه الچبل يمسح أثر
خطواتي ويحس إبخطر
وينه الچبل يمسح أثر
خطواتي ويحس إبخطر
طفّوا الضوه وصيروا بحذر
زينب إجت غضوا النظر
زينب إجت غضوا النظر
ها وينهم اذكر دلالي وللتعب منافيه
ماظنها حربي ويه الشمر متكافيه
ها وينهم اذكر دلالي وللتعب منافيه
ماظنها حربي ويه الشمر متكافيه
بالعافيه
بالعافيه نوم العوافي يبو روح الصافيه
بالعافيه عالناگه أسهر وانت عينك غافيه
بالعافيه نوم العوافي يبو روح الصافيه
بالعافيه عالناگه أسهر وانت عينك غافيه
