ملف فيديو يهالعالم بصوت محمد باقر الخاقاني

يهالعالم(مكتوبة)

الرادود:محمد باقر الخاقاني

أنا اوليدي وگع ظامي
يصيح ويحلف بجده
الرمل يلهب چوى جدامي
وأنا أدري اوليدي ترف خده

يا هالعالم
أنا ابني رمية لگیته
ونينه وصلني واجيته
أحضنه وأشم هوا ريته
يا هالعالم

ربى بحضني بظهر عاشر
عرفته حسيني بالگوّة
شفت جسمه صحت ويلي نزف دم نحره على الخوّة
صحت يبني العطش والحر يوالي بجسمك شسوى
وصلت يمه وفركت ايدي وأگولن هو مو هو

حسين آه حسين

يا هالعالم
أنا ابني وإخوته ضحايا
قضوا عالغبرة ظمايا
وخواته خذوها سبايا

يا هالعالم
انكطع گلبي لمن شفته
سليب وحاضن اوليده
على وسادة رمل نايم
حبيبي ومچفي على البيداء
أثر حافر على ضلوعه
وگعدت اشتمه بوريده
جروح ألف وتسعمية
وشفت ماكو أصبع بإيده

حسين آه حسين

يا هالعالم
دمعتي وراها مصيبة
أنا أغلى بناتي غريبة
وحبيبي ثيابه سليبة

يا هالعالم
وگع محد عليه سمى
ولا أم صاحت اسم الله
عزيز امه جسد عاري
وغبار الحومة عليه صلى
لچن والخيل إذا غارت
منو اليمنعها توصله
المصيبة اوليدي مو وحده
وگع وبحضنه عبد الله

آه حسين آه

يا هالعالم
أنا ابني غربته چبيرة
حبيبي فگد له عشيرة
ضحايا واختهم أسيرة

يا هالعالم
أنا اوليدي وگع ظامي
يصيح ويحلف بجده
الرمل يلهب چوى جدامي
وأنا أدري اوليدي ترف خده
اشتهوا بابي وخذوا ثوبه
وبقى فوگ الثرى لوحده
بحوافرهم يدوسونه
وبقى يفك چفه ويسده

حسين آه حسين