ملف فيديو المن بعدني عايش بصوت محمد الجنامي

المن بعدني عايش(مكتوبة)

الرادود:محمد الجنامي

إلمن بعدني عايش حزين بنوحي
فوگ الجراح شخلي واداوي جروحي
ما ادري بديه دافن هلي لو روحي
يا مماتي يا مماتي

لو ميت بطف كربله ويه العايله ولا هالألم
لو بالحوافر منسحگ لو محترگ ويه الخيم
اذاني من شفت العدو بنحر الأبو زارع سهم
حسين حسين حسين
لو ميت بطف كربله ويه العايله ولا هالألم
لو بالحوافر منسحگ لو محترگ ويه الخيم
اذاني من شفت العدو بنحر الأبو زارع سهم

بالدنيا شتهنى بعد وشفت الشمر تچه وگعد حسين
ويسوغ ابوي من القهر كل ما يطبره اعله النحر حسين
حسيت چن گلبي احترگ ساعة البالخيل انسحگ حسين
آنه الشفت بعيوني نحور اخواني
والله ومهد عبد الله اشكثر بچاني
كل هالألم واسألك بعد شمتاني
يا مماتي يا مماتي

إلمن بعدني عايش حزين بنوحي
فوگ الجراح شخلي واداوي جروحي
ما ادري بديه دافن هلي لو روحي
يا مماتي يا مماتي

لخيامي اجت خيل وزلم هذا علم مدري حلم
فرن خواتي بهالأرض طلعن ركض بين الزلم
فرن خواتي بهالأرض طلعن ركض بين الزلم
والحرمه لو صاحت علي من تنولي تسمع شتم

البيه بالخيمة احترگ واللي يطلع بخيل انسحگ عذاب
الما تركض بنص كربله يلحگها خولي وحرمله عذاب
وسفه ربيبات الستر شبعن من اسياط الشمر عذاب
واگبال عيني زينب يسبها الشامت
زينب زينب زينب
واگبال عيني زينب يسبها الشامت
وآنه غصب عليه اشوف وساكت
واگبال عيني زينب يسبها الشامت
وآنه غصب عليه اشوف وساكت
حچي الشماتة رمحه بدليلي نابت
يا مماتي يا مماتي

إلمن بعدني عايش حزين بنوحي
فوگ الجراح شخلي واداوي جروحي
ما ادري بديه دافن هلي لو روحي
يا مماتي يا مماتي

الكوفة دخلناها الفجر اباب القصر حد الضحى
الكوفة دخلناها الفجر اباب القصر حد الضحى
والشامت احچاياته سم ماكو رحم لا مستحه
وچفوفي مشدودة بحبل دمعي يهل بيش امسحه
والمشهد اليدمي الگلب القصر ابن مرجانه نطب حرام
هوه اعله كرسيه أفه وگباله زينب واگفه حرام
هوه اعله كرسيه أفه وگباله زينب واگفه حرام
نسمع ضحك نسمع حچي وشبعت يتامانه بچي حرام
كوفة ابونه هذي اشگلبها علينه
من بعد ذاك عزنه تره انذلينه
خلصوا ذبح زلمنه منو يحامينه
يا مماتي يا مماتي

إلمن بعدني عايش حزين بنوحي
فوگ الجراح شخلي واداوي جروحي
ما ادري بديه دافن هلي لو روحي
يا مماتي يا مماتي

للشام اجينه وللعدو عيد ابتدى بقطع النحر
للشام اجينه وللعدو عيد ابتدى بقطع النحر
واطبولهم دگت فرح حسين انذبح عدهم خبر
واستقبلونه من السفر برمي الحجر هذا القهر
واستقبلونه من السفر برمي الحجر هذا القهر
والمجلس يزيد ادخلت والراس گدامه ابطشت يا ويل
والمجلس يزيد ادخلت والراس گدامه ابطشت يا ويل
بالخيزرانه يگلبه ونوبه اعله شفته يضربه يا ويل
لحظتها زينب من بچت عباس من رمحه التفت يا ويل
لحظتها زينب من بچت عباس من رمحه التفت يا ويل
والوجه ابويه اعاين تغير شكله
والوجه ابويه اعاين تغير شكله
لون بوجه حبيبي الذبح ما خله
كل هذا وآنه عايش ابد مو سهله
يا مماتي يا مماتي

إلمن بعدني عايش حزين بنوحي
فوگ الجراح شخلي واداوي جروحي
ما ادري بديه دافن هلي لو روحي
يا مماتي يا مماتي
إلمن بعدني عايش حزين بنوحي
فوگ الجراح شخلي واداوي جروحي
ما ادري بديه دافن هلي لو روحي
يا مماتي

لأرض الخرابه ننتقل كافي هزل كافي حزن
لأرض الخرابه ننتقل كافي هزل كافي حزن
لأرض الخرابه ننتقل كافي هزل كافي حزن
خل نستراح اعله الترب كافي ضرب فوق المتن
هذي رقية اششايفه اشگد خايفه فزت تون
هذي رقية اششايفه اشگد خايفه فزت تون
جابوا الراس وشافته مدت اديها وشبگته وداع
جابوا الراس وشافته مدت اديها وشبگته وداع
مو سامع بعيني شفت صاحت وماتت عالطشت وداع
ولمن خذتها للدفن شفت الزراگ العالمتن وداع
ولمن خذتها للدفن شفت الزراگ العالمتن وداع
يالشام اخذت مني حبيبة عمري
يالشام اخذت مني حبيبة عمري
من راحت وبعدها شسوي بعمري
ريت الذبح ابويه گطعلي نحري
يا مماتي يا مماتي

إلمن بعدني عايش حزين بنوحي
فوگ الجراح شخلي واداوي جروحي
ما ادري بديه دافن هلي لو روحي
يا مماتي يا مماتي
إلمن بعدني عايش حزين بنوحي