ملف فيديو الطف مستمر بصوت حيدر البياتي

 الطف مستمر(مكتوبة)

الرادود:حيدر البياتي

الطف مستمر لحد يوم الحشر
شارك بي بأي شي تگدر عن حسين لا تتأخر

حرب عالمية حسين وأمية
حدد موقفك زين
الشرف والهداية اعله ولد البغايا
واعرف موقعك وين

تبقه بكل دهر ما تنتهي حرب العقيدة
وانت بهالحرب إليا درب گلبك يريده
حسين لثورته ولبيعته هالمادلك إيده
ارفع صرختك گله بخدمتك
گله افديك دم المنحر عن حسين لا تتأخر

الطف مستمر لحد يوم الحشر شارك بي بأي شي تگدر عن حسين لا تتأخر

انتفض گله حاضر إلك روحي ناذر
خادم تحت يمناك
سلم لليودك حرب لليضدك
لآخر نفس وياك

وحسين وشمر حرب الفكر هالمستمرة
من طف كربله لهذا الزمن باقية الثورة
عين حسين إلك يتنطرك چفك ينصره
لحسين انتصر وافديله العمر
طف عاشور ظل يتكرر عن حسين لا تتأخر

الطف مستمر لحد يوم الحشر شارك بي بأي شي تگدر عن حسين لا تتأخر

اگصده بعقيدة التحبه وتريده
قدمه لثورة حسين
بسعف ابني موكب وفقط اسمه اكتب
واهمل دمعة العين

شهره من يهل فوگ السطح خليله راية
وببيتك ولو انت وهلك سويله قراية
انت وقدرتك ماي الذي توزعه كفاية
امشي ويه الخدم وارفعلك علم
عالزوار لو بس تسهر عن حسين لا تتأخر

الطف مستمر لحد يوم الحشر شارك بي بأي شي تگدر عن حسين لا تتأخر

عرش خصمه ينهد إذا تلبس أسود
من لونه يخافون
عله مصابه لطمة رعب تملي خصمه
من لطمك يرجفون

عاشور الحزن ثورة دمع ويه ابو اليمة
بكل مجلس حزن لطمة صدر يرتهب خصمه
اكتب باللطم ابن النبي ما مات دمه
المجلس اعتنيه وارفع صرخة بيه
من الطغيان الله اكبر عن حسين لا تتأخر

الطف مستمر لحد يوم الحشر
شارك بي بأي شي تگدر عن حسين لا تتأخر