ملف فيديو عباس يابو الغيرة بصوت حيدر حسين السعد

عباس يابو الغيرة(مکتوبة)

الرادود:حيدر حسين السعد

 

(آهات ونواح...)

والخيل إجت يا كافلي
(عباس يابو الغيرة)
يالداگ صدرك يم علي
(عباس يابو الغيرة)

يابو فاضل يا كافلي الخيل إجتنه وإحنه نسوان إلحگ النه
بس علي السجاد عندي وتدري بالسجاد تعبان إلحگ النه
حتى لو بالعين نبلة وحتى لو من دون ذرعان إلحگ النه
گمت ما شوفن طريقي هنانه ناره هناك دخان إلحگ النه

أركض وره أطفالي لو أغطي بخيالي
تدري الستر غالي ومچلبة بعباتي
وتخيّل المنظر أركض وأخاف أعثر
امرية وتِهت بالبر تشهدلي طيحاتي تشهدلي طيحاتي

ترضاها زينب تِنوِلي؟!
(عباس يابو الغيرة)
يالداگ صدرك يم علي
(عباس يابو الغيرة)
والخيل إجت يا كافلي
(عباس يابو الغيرة)

جابوا الراس وإجوني وصاحوا الكافل ذبحناه يا هضيمة
الراية طيحناها منه وسيفه يا زينب كسرناه يا هضيمة
والعمامة الحلوة ظلت عالنهر والچف گطعناه يا هضيمة
والضعن هسه ملكناه يلا صيحي واكفيلاه يا هضيمة

ويلي ويلي
رادوا يقهروني خويه ويذلوني
ومعلّمة عيوني ما تبچي يم شامت
تفزعلي رايدتك بروح أمي حلفتك
ترضى بعذاب أختك حاچيني شو ساكت حاچيني شو ساكت

معقولة ما تفزع إلي؟!
(عباس يابو الغيرة)
يالداگ صدرك يم علي
(عباس يابو الغيرة)
والخيل إجت يا كافلي
(عباس يابو الغيرة)

الچانوا يلبدون منك هسه خويه صاروا سباع يا بو فاضل
الناگة خويه ركّضوها وطيّحوا هودجنا عالگاع يا بو فاضل
آنه مو بس نوع واحد شوفوني مصايب أنواع يا بو فاضل
محبس حسين وإصبعه ضاعن وحتى الخدر ضاع يا بو فاضل

والحادي لو طگني خاف اني يطيّحني
والناگة تسحگني وبالهيمة أظل ميتة بالهيمة أظل ميتة
دار الوكت بيه وأخذوني مسبية
خويه إلحگ عليه مهضومة وين إنت مهضومة وين إنت

شو ما گلتلي اتدللي؟!
(عباس يابو الغيرة)
يالداگ صدرك يم علي
(عباس يابو الغيرة)
والخيل إجت يا كافلي
(عباس يابو الغيرة)

الشام يا عباس خويه استقبلونا بطگ الحجار يا حزنه
والعصي تورّم ظهرنا وسوطهم فوق المتن حار يا حزنه
گوة يا خويه وصلنا والضعن يم القصر صار يا حزنه
وبالحبال وبالشتيمة دخلونا صغار وكبار يا حزنه

والظالم بحرگة راس الأخو طگّه
وظل دمه من حلگه ما ينگطع نزفه (حسين) ما ينگطع نزفه
يطگّه على سنونه ومرة على عيونه
ونحره يلچَمونه يا وسفة الوسفة يا وسفة الوسفة

وإحنه سبايا بلا ولي!
(عباس يابو الغيرة)
يالداگ صدرك يم علي
(عباس يابو الغيرة)
والخيل إجت يا كافلي
(عباس يابو الغيرة)