ملف فيديو كلهن عباس بصوت السيد فاقد الموسوي

كلهن عباس(مكتوبة)

الرادود:السيد فاقد الموسوي

عباس صوت القارعة
عباس صورة واقعة
عباس شمس المشرعة
كلهن عباس كلهن عباس

يا اول من يتقدم وكت المردم ويطگ الدم حار بحار
يا ريح اشتد وزمهر عات وصرصر هب ودمر لمن غار
عباس السيف الانزع منه وتگطع هذا اليطلع عالكرار
بليل اليل يندل گنبا چن چل شامخ وعبال گمرة ونار
عباس سيفك ما لصق
عباس گد ما دم غرق
عباس بالنص والطرف
كلهن عباس
عباس بعيون العدة
عباس جيش لوحده
عباس حيدر مطلعه
كلهن عباس

لولج بالروس عرج يمضيج الفج يا يم وغمج ما لاگوه
يالتحرگ من تتنفس وتصير اشرس ليل وعسعس لو غاضوه
وبقوة چفك دمدم ربك واقسم ثاقب واظلم ما شافوه
من صوت الصور اليطلع لا ان تسرع لمن تفزع عالعادوه
عباس وكت الملحمة
عباس يمشي عل السمه
عباس عين الفاطمة
كلهن عباس
عباس صاح الما عرف
عباس عارك لو خطف
عباس كلها مگطعة
كلهن عباس

يالسني ويردم كل سد ما يتهدد ويروح ابعد چن الموت
يالتوجع من قبل الطگ طوگ وطوق من سيف اسبق ومن الصوت
انت اقدم من المطلع والگتله اسمع ذو النون اطلع من الحوت
يا سد اسكندر كله يضيع بظله ومحد يعلوه وهد فوت
عباس اول ما صرت
عباس راية تسلمت
عباس بيها تگمطت
كلهن عباس
عباس چفك زلزله
عباس زلزل كربله
عباس موت وفاجعة
كلهن عباس

يا غيمة روس ونقط والگاط الگط يمسوي الشط دم وروس
موت ممدد شوف ترش وتلم وتطش سيفك يفرش وانت تدوس
خليت الخيالة تسل للشط تنزل وتگول يقل ما متروس
تطشر وترد تصطف وانت عل الطف يا شمس بصف الفانوس
عباس لو طلعوا سوه
عباس ياخذ ع الضوه
عباس يا صفنة وهوة
كلهن عباس
عباس لو زاد العدد
عباس صاح اكثر بعد
عباس گاع الواسعة
كلهن عباس

من تنفض سيفك ترجع گمرة وتلمع يا نور اوسع من الكون
يا لون الماي واصفى شلون نوصفه الله يعرفه وگلب معون
من عينك عينك تخجل لليتوكل للما يندل صرت عيون
والناس تصيحك حيهم لو طگ همهم توگف يمهم من يشكون
عباس فارسك الحلم
عباس ونساها الزلم
عباس والحر يفتهم
كلهن عباس
عباس لو واحد قصد
عباس للضايع سند
عباس يمسح مدمعه
كلهن عباس