ملف فيديو بقصرهم حرب تنعاد بصوت باسم الكربلائي

بقصرهم حرب تنعاد(مكتوبة)

الرادود:باسم الكربلائي

 

بقصرهم حرب تنعاد بخطابة علي السجاد
يا أيها الناس آنه الماعرفني منين
من جذمي للراس ابن الطاعن برمحين

انطانه ستة بس فضلنه بالسبعة
السماحة والفصاحة والعلم شمعة
وشجاعة والمحبة والحلم سمعه
وانطانه النبي وحيدر وضوه البضعة
وحسبنه من المختار وحسبنه من الطيار
ومن عدنه صديق كلمة ما تصير اثنين
لمهديها تطبيق ابن الطاعن برمحين

بقصرهم حرب تنعاد بخطابة علي السجاد
يا أيها الناس آنه الماعرفني منين
من جذمي للراس ابن الطاعن برمحين

آنه ابن المن غدركم ما سلم ضهره
يصلي ولتربته وصلت الطبره
اديكم نفس اديكم كتلت الزهره
وابويه خيولكم داست على صدره
شفتكم بدون احساس بديكم فصلتو الراس
بغضا بحيدر لصدره الخيل اجت صوبين
وبعيونه كوثر ابن الطاعن برمحين

بقصرهم حرب تنعاد بخطابة علي السجاد
يا أيها الناس آنه الماعرفني منين
من جذمي للراس ابن الطاعن برمحين

وكت خله ابن مكة والصفا بديوان
واگف منكسر ما عنده بس نسوان
على صوته وكلامه اهتزت الجدران
من گال ابن زمزم من ذبح عطشان
عرفتو العطش چتال نسيتو برگبته عيال
يا مرخص الماي صار برگبته سجين
من يقنع بهاي ابن الطاعن برمحين

بقصرهم حرب تنعاد بخطابة علي السجاد
يا أيها الناس آنه الماعرفني منين
من جذمي للراس ابن الطاعن برمحين

كل واحد أخذ دوره برساله ومات
من طه لحد عبد الله بالهيهات
رسالتنه علينه احترگت الخيمات
ملوك احنه وقبلنه بالخرابه انبات
رسالة محمد هاي برضاته نرد حفاي
برماد الخيام يكمل افتخار حسين
وآنه وي ليتام ابن الطاعن برمحين

بقصرهم حرب تنعاد بخطابة علي السجاد
يا أيها الناس آنه الماعرفني منين
من جذمي للراس ابن الطاعن برمحين

احنه اللي نحامي الناس من النار
وانتم عاليتامه تشامرون احجار
قميص حسين دوه المعلول والمحتار
وسلبتوه وظل فوگ الرمل طشار
ابن قاطع الاصلاب والمفرق الاحزاب
بضرب الخراطيم هوه الضارب بسيفين
قسمها تقسيم ابن الطاعن برمحين

بقصرهم حرب تنعاد بخطابة علي السجاد
يا أيها الناس آنه الماعرفني منين
من جذمي للراس ابن الطاعن برمحين

آنه ابن اللي أنتزر وارتده بثوب احرام
مو يبقى بشمس عاري ثلثة ايام
آنه ابن اللي انتعل واحتفى للإسلام
مو حفاي بناته وبيها حرگ اخيام
تفرهن شماته بسوگ ترد تفتح الصندوگ
والخيزرانه تلاعبها على الشفتين
وتعرف زمانه ابن الطاعن برمحين

بقصرهم حرب تنعاد بخطابة علي السجاد
يا أيها الناس آنه الماعرفني منين
من جذمي للراس ابن الطاعن برمحين

فرق ما بينك وبيني فرغ ضهرك
خيط من الخيم ما قارنه بقصرك
ذهب بيبانك وطغيانك وقدرك
هذن كلهن حطب ينشافن بگبرك
أذكرك منو الطاووس علي اللي سحگ عالروس
طحن الرحى يصير والشاهد أحد وحنين
من كل جهه يدير ابن الطاعن برمحين

بقصرهم حرب تنعاد بخطابة علي السجاد
يا أيها الناس آنه الماعرفني منين
من جذمي للراس ابن الطاعن برمحين