الخوة الشيعية - فيديو (مكتوبة) - السيد فاقد الموسوي
|1
منذ 3 أسابيع
١٠٤
مشاية الأربعين 1448 هـ
الخوة الشيعية(مكتوبة)
الرادود:السيد فاقد الموسوي
طلعوا مشاية تلگاهم
طلعوا مشاية
يا محلا الراية الفوگاهم طلعوا مشاية
طلعوا مشاية تلگاهم طلعوا مشاية
يا محلا الراية الفوگاهم طلعوا مشاية
يا محلا الراية الفوگاهم طلعوا مشاية
هاي العشرة الماتنباك العشرة الصدگية
بين الخادم والزوار الأخوة الشيعية إحنه الينطي عيونه نگوله مقصر وشوية
إحنه الينطي عيونه نگوله مقصر وشوية
أي والله شوية
تخدم تربح بالزوار ما تخدم خاسر
للجنة يطب حتى البيت اليدخل بي زائر
ماكو الدنيا الدنيا احسين من يوم العاشر
تتعطل خاسر
خدمتهم سوتنا كبار الله يباوع للزوار
هاي الخدمة تطفي النار حيهم خدامه
حيهم خدامه
بس تنزل قبرك ننساك هاي الخدمة أفضل أوباك
غاد حسين اليلگاك حيهم خدامه
حيهم خدامه
غاد حسين اليلگاك حيهم خدامه
وحسين الغاية بممشاهم وحسين الغاية
طلعوا مشاية تلگاهم
طلعوا مشاية يا محلا الراية الفوگاهم طلعوا مشاية
يا محلا الراية الفوگاهم طلعوا مشاية
موكب مال أطفال ازغار لمن تلگاهم
تلگى الزهرة هناك تروح تخدم وياهم
موكب مال أطفال ازغار لمن تلگاهم
نيتهم كانت لحسين وحسين انطاهم
عبد الله وياهم
نيتهم كانت لحسين وحسين انطاهم
عبد الله وياهم
وأم عبد الله وليدي تگول كون بموكبكم
وتگلهم لو ما مذبوح چا هسه بقدكم
بالطف هذا الماي اوكون يشرب من عدكم
وأم عبد الله وليدي تگول كون بموكبكم
وتگلهم لو ما مذبوح چا هسه بقدكم
بالطف هذا الماي اوكون يشرب من عدكم
كون وياكم يخدم كون يشرب ماي امن الوعيون
بس لو أگلكم مات شلون يا يمه أوليدي
سهم اتوسط نحره ورفرف بيد حسين ومات
طير وفوك الرمح هيات يا يمه أوليدي
سهم اتوسط نحره ورفرف بيد حسين ومات
شنحط لها وننساهم شنحط لها
طلعوا مشاية تلگاهم
طلعوا مشاية يا محلا الراية الفوگاهم طلعوا مشاية
يا محلا الراية الفوگاهم طلعوا مشاية
كون أتلم عقول الناس اتفسر بس هايه
ليش الغربة تصير إخوان إبدرب المشاية
كون أتلم عقول الناس اتفسر بس هايه
ليش الزاير كلبه يطيح وما هد الراية
بس بالمشاية
أمي الخلص بيها الحيل لاذت بكتاره
تگض قبل الطفلة تگوم تخدم زواره
يعني اليخدم مو بالكيف هذا الله اختاره
أمي الخلص بيها الحيل لاذت بكتاره
تگض قبل الطفلة تگوم تخدم زواره
يعني اليخدم مو بالكيف هذا الله اختاره
حي الله أنصاره
نمشي ونمسح كل عنوان ابن فلان أو ابن فلان
بالمشاية نصير إخوان والحب يجمعنه
بس حسين الشيخ العام ماكو أشوخ الكل خدام
ذلي بعمرك أحلى أيام والحب يجمعنه
نمشي ونمسح كل عنوان ابن فلان أو ابن فلان
بالمشاية نصير إخوان والحب يجمعنه
بس حسين الشيخ العام ماكو أشوخ الكل خدام
ذلي بعمرك أحلى أيام والحب يجمعنه
والشط أمايه اتعناهم والشط أمايه
طلعوا مشاية تلگاهم
طلعوا مشاية يا محلا الراية الفوگاهم طلعوا مشاية
يا محلا الراية الفوگاهم طلعوا مشاية
هذا الحب المو تعلوم حب اعله النية
هذا الحب
يطلع من بطن أمه إيريد إيسوي إحسينية
هذا الحب المو تعلوم حب اعله النية
الذر عمرك بس لحسين دليه أو مكثيه
حب اعله النية
اتعب واخدم بالموجود يال عندك شيمه
تدري الينطي إگلاص الماي چن طفه الخيمه
واذكر من تگعد بالبيت زينب بالهيمه
بالعندك شيمه
لو ما عندك وزع ماي راح إيسجله حسين اهواي
من يبرد كلب المشاي يرتاح احسينك
هيچ حسين الگيس اوياه ازغر موكب أكبر جاه
زائر لمن تلگاها يرتاح احسينك
هيچ حسين الگيس اوياه ازغر موكب أكبر جاه
زائر لمن تلگاها يرتاح احسينك
من كل ولاية الشفناهم من كل ولاية
طلعوا مشاية تلگاهم
طلعوا مشاية يا محلا الراية الفوگاهم طلعوا مشاية
يا محلا الراية الفوگاهم طلعوا مشاية
يسبحان الله يحسين دربك راوانه
چم شايب بالقوة يگوم طالع ويانا
يعني اتخيل ماكو حسين عدنه ابديانه
تخرب دنيانه
يسبحان الله يحسين دربك راوانه
چم شايب بالقوة يگوم طالع ويانا
يعني اتخيل ماكو حسين عدنه ابديانه
تخرب دنيانه
صيتك جاهك عمرك غاد ما تاخذ منه
أسمك سجله أويه الزوار ابوجهك للجنة
هذا الحب وعابسك كون يحچيلك عنه
بوجهك للجنة
بس للجنة أنطب بعدين إحنه انريد انشوف حسين
شارب ماي ونگاها زين هاي الردناهه
بس للجنة أنطب بعدين إحنه انريد انشوف حسين
شارب ماي ونگاها زين هاي الردناهه
تلتم يم حسين الناس ونجوس إچفوف العباس
يابو الخوة اتشيل الراس والجببناهه
بس للجنة أنطب بعدين إحنه انريد انشوف حسين
شارب ماي ونگاها زين هاي الردناهه
تلتم يم حسين الناس ونجوس إچفوف العباس
يابو الخوة اتشيل الراس والجببناهه
عباس الثاية الدگهاهم عباس الثاية
يا محلا الراية الفوگاهم طلعوا مشاية
يا محلا الراية الفوگاهم طلعوا مشاية
