ملف فيديو وداعتك |محرم 1448 هـ بصوت حيدر البياتي
منذ ٣ أسابيع
٩٨
ملف فيديو وداعتك |محرم 1448 هـ بصوت حيدر البياتي
وداعتك(مكتوبة)
الرادود:حيدر البياتي
أرد أكلّك وداعتك
وداعتك، نار المخيم، برد يم نار الكلبك، وداعتك.
وداعتك، عالريحة جيتك، ماكو عين التشوف دربي، وداعتك.
كالت لو دعتك، ما ضكت خوية الماي من كالو الي اشرب، وداعتك.
وداعتك، نار المخيم،
برد يم نار الكلبي، وداعتك.
وداعتك، عالريحة جيتك،
ماكو عين تشوف دربي، وداعتك.
وداعتك، ما ضگته خويه،
الماي من گالولي اشرب، وداعتك.
عباس خويه يا عباس.
عباس خويه يا عباس.
جيت اعلكيف بجدمي محروك،
انلجم من أمشي شريعة.
وظلمه الطفوف وكلشي ماشوف،
بهالليل وين الكه الشريعة.
وبمن تصد لاختك يا عباس،
وعامينها العين الوسيعة.
ومنين الزمك وارد بيك،
وثنينهن كفوفك كطيعه.
وبمن تصد لاختك يا عباس،
وعامينها العين الوسيعة.
ومنين الزمك وارد بيك،
وثنينهن كفوفك كطيعه.
خويه خويه بعازتك،
زينب اخيتك تره ظلت محد الها بعازتك.
بعازتك، زينب اخيتك تره ظلت محد الها بعازتك.
عباس خويه يا عباس.
انه وخواتك مو من السوط،
هذا البجي من مستحانه.
لن باجر نروح عالنوك،
ونعوفك ممدد ورانه.
تعذرنا ما موتنا بجفاك،
وظل يصعد وينزل هوانه.
ونشوف طولك من الخيول،
كل ساعة يتغير مكانه.
ساحكك ثقل الحوافر،
عمت عيني جاي رايح ساحكك.
ساحكك ثقل الحوافر،
عمت عيني جاي رايح ساحكك.
عباس خويه يا عباس.
كل اليتامه تسأل عليك،
ثمانين طفله تصيح وينه.
فضلت اسكت احسن هواي،
من العمه كلشي مالكينه.
يالكان طولك بالسماوات،
الصدلك لفوك ايشيل عينه.
هسه كعدنا كعود بالكاع،
ونجمع اوصالك بيدينا.
هامتك مهشومه ويلي،
وانت جان الهوى ميمر هامتك.
هامتك مهشومه ويلي،
وانت جان الهوى ميمر هامتك.
وداعتك، نار المخيم،
برد يم نار الكلبي، وداعتك.
عباس خويه يا عباس.
وساده لرقبتك ايدي سويت،
وشابكت الضنوع البقتلي.
حسيت مني تنزل ادموع،
ومن سهم عينك دم نزلي.
صار الفجر ورماد فرشيت،
والتربه نهبوها اشخلي.
أذن صحتلك خويه عباس،
جا ليش ماتكعد تصلي.
ابراحتك من كون عذرك،
خويه زينب راس ماكو ابراحتك.
ابراحتك من كون عذرك،
خويه زينب راس ماكو ابراحتك.
وداعتك، نار المخيم،
برد يم نار الكلبي، وداعتك.
عباس خويه يا عباس.
قامت إبراسك تفتر الخيل،
وانا اركض وافتر وراهن.
وكلمن لزم كف وركض بيه،
الله يضيع الضيعاهن.
ضليت اصيحن بيش ماكان،
أشريهن امين السليبين.
بس حيره اليسلبون ألف،
شلون انعرف ياهو الخذاهن.
شايلك وسفه رمحهم،
وانت جان الكون قوه شايلك.
شايلك وسفه رمحهم،
وانت جان الكون قوه شايلك.
وداعتك، نار المخيم،
برد يم نار الكلبي، وداعتك.
عباس خويه يا عباس.
