ملف فيديو سلام ياحسين بصوت خضر عباس

سلام ياحسين(مکوبة)

الرادود:خضر عباس

سلامٌ لكَ ضامي سلام
لكَ دامي سلام
يا إمامي حسين حسين

ها يلنايم اعله الكاع احجي وياك تسمعني
اجيتك شايطه ابهالليل انه اختك يبعد ابني
ها يلنايم اعله الكاع احجي وياك تسمعني
اجيتك شايطه ابهالليل انه اختك يبعد ابني
خليلي مجان وياك والسجاد يدفني
غير انت النفس يحسين اموتن من تفاركني
اموتن من تفاركني

سلامٌ لكَ ضامي سلام
لكَ دامي سلام
يا إمامي حسين حسين

هيه الما الها خوان خرسه وما يهابوها
هيه الما الها خوان خرسه وما يهابوها
محد يحسب الها احساب تسكت من يشتموها
تسكت من يشتموها
أسأل يخوتي ترضون زينبكم يذلوها
وبكيف الشمر لهناك لو لهنا يودوها
وبكيف الشمر لهناك لو لهنا يودوها

سلامٌ لكَ ضامي سلام
لكَ دامي سلام
يا إمامي حسين حسين

كلشي اتحملت ويهون بس ما اكدر اعله الذل
والجان بوكت عباس ما بين الزلم يختل
هسه اعله الحرم رجال يشد بيده الحبل ويَفِل
واليكفلني ع الشط طاح مو كل اليجي ويكفل
اليكفلني ع الشط طاح مو كل اليجي ويكفل

سلامٌ لكَ ضامي سلام
لكَ دامي سلام
يا إمامي حسين حسين

اني ام الخدر والشور واذكر بيتنا العالي
من يجهب عليه خطار غالي وياخذ الغالي
اني ام الخدر والشور واذكر بيتنا العالي
من يجهب عليه خطار غالي وياخذ الغالي
عالناكه واكول شلون مرت سالفه ابالي
ما اكدر اطب للبيت كون من الزلم خالي
كون من الزلم خالي
كون من الزلم خالي

سلامٌ لكَ ضامي سلام
لكَ دامي سلام
يا إمامي حسين حسين

امشي وتكعد النسوان لو نشدنه شنكلهن
اذا كالَن العلوات ماردت محاملهن
ماشَفْنه زلم بالباب ها جا وين كافلهن
بيهن شامتات هواي ما كولن عرف كلهن
بيهن شامتات هواي ما كولن عرف كلهن

سلامٌ لكَ ضامي سلام
لكَ دامي سلام
يا إمامي حسين حسين

سدن بابجن يحنان كوْمَن ننصب قرايه
سدن بابجن يحنان كوْمَن ننصب قرايه
مو واحد ونبجي عليه تره الميتين هوايه
ودّولي اعله ام عباس هيه تصير ملايه
ودّولي اعله ام عباس هيه تصير ملايه
تشاركني العزا والنوح هاي ام الوفه هاي
إي هاي ام الوفه

سلامٌ لكَ ضامي سلام
لكَ دامي سلام
يا إمامي حسين