ملف فيديو آخر ليلة بصوت باسم الكربلائي
منذ أسبوعين
١١٨
ليلة 10 محرم 1448هـ
آخر ليلة(مکتوبة)
الرادود:باسم الكربلائي
آخر ليله آخر ليله هاي اوياكم آخر ليله
باچر مصرعكم يحسين خل منكم تتروه العين
آخر ليله آخر ليله
آخر ليله آخر ليله هاي اوياكم آخر ليله
باچر مصرعكم يحسين خل منكم تتروه العين
باچر مصرعكم يحسين خل منكم تتروه العين
آخر ليله آخر ليله
زينب طلعت من خيمتها تتفگّد ليلة عاشور
تتفگّد ليلة عاشور
شافت من ابعيد ابن امها چان ابصحره الطف ايدور
چان ابصحره الطف ايدور
يقلع شوك الگاع ابإيده وبخده المدمع منثور
يقلع شوك الگاع ابإيده وبخده المدمع منثور
فهمت خوفه وگصدت يمّه مكسوره اتجبّر مكسور
مكسوره اتجبّر مكسور
لجل العيله لجل العيله أفهم خوفك لجل العيله
لجل العيله لجل العيله أفهم خوفك لجل العيله
خلّينا اعله الشوك اندوس بس لا ننظر گطع الروس
خلّينا اعله الشوك اندوس بس لا ننظر گطع الروس
آخر ليله آخر ليله هاي اوياكم آخر ليله
آخر ليله آخر ليله هاي اوياكم آخر ليله
باچر مصرعكم يحسين خل منكم تتروه العين
باچر مصرعكم يحسين خل منكم تتروه العين
آخر ليله آخر ليله هاي اوياكم آخر ليله
رجعوا يمشون ابهالعتمه إخوه وشبچوا إيد بإيد
إخوه وشبچوا إيد بإيد
عثرت لنه يگلها اسم الله ونظرتله وسرحت لبعيد
نظرتله وسرحت لبعيد
نظره وبيها احچاية باچر من تركض عگبه بهالبيد
من تركض عگبه بهالبيد
چم عثره الطف ايعثّرها ابدال اسم الله الضرب ايزيد
ابدال اسم الله الضرب ايزيد
ما تشكيله ما تشكيله ابيا هم سرحت ما تشكيله
ما تشكيله ما تشكيله ابيا هم سرحت ما تشكيله
ما رادت زود اتأذّيه مو هوّه ال بيه امكفّيه
ما رادت زود اتأذّيه مو هوّه ال بيه امكفّيه
آخر ليله آخر ليله هاي اوياكم آخر ليله
آخر ليله آخر ليله هاي اوياكم آخر ليله
باچر مصرعكم يحسين خل منكم تتروه العين
باچر مصرعكم يحسين خل منكم تتروه العين
آخر ليله آخر ليله هاي اوياكم آخر ليله
حاذوا چم خيمه ابرجعتهم كل خيمه ابأسرار اتپوح
كل خيمه ابأسرار اتپوح
سمعوا رمله اتگول لجاسم باچر فگدك نزعة روح
باچر فگدك نزعة روح
عريس وعرسك بالحومه والحنّه الدم المسفوح
عريس وعرسك بالحومه والحنّه الدم المسفوح
آيا ويله آيا ويله حالي اخلافك آيا ويله
آيا ويله آيا ويله حالي اخلافك آيا ويله
زينب هم صرخت بالويل شيهدّيها ابهذا الليل
زينب هم صرخت بالويل شيهدّيها ابهذا الليل
آخر ليله آخر ليله هاي اوياكم آخر ليله
آخر ليله آخر ليله هاي اوياكم آخر ليله
باچر مصرعكم يحسين خل منكم تتروه العين
باچر مصرعكم يحسين خل منكم تتروه العين
آخر ليله آخر ليله هاي اوياكم آخر ليله
زينب مرّه اتصبّر خيّهـا وايصبّر زينب مرّات
وايصبّر زينب مرّات
عبروا خيمة رمله وسمعوا من خيمة ليلى الشهگات
من خيمة ليلى الشهگات
چان امشابگها ابهالليله چن شخص ابآخر لحظات
چان امشابگها ابهالليله چن شخص ابآخر لحظات
ماتت چم موته الواحدها وبَعده الأكبر حي ما مات
وبَعده الأكبر حي ما مات
رمله أو ليلى رمله أو ليلى يا حال أصعب رمله أو ليلى
رمله أو ليلى رمله أو ليلى يا حال أصعب رمله أو ليلى
كل حال وأصعب من حال تتصدّع من عنده اجبال
كل حال وأصعب من حال تتصدّع من عنده اجبال
آخر ليله آخر ليله هاي اوياكم آخر ليله
آخر ليله آخر ليله هاي اوياكم آخر ليله
باچر مصرعكم يحسين خل منكم تتروه العين
باچر مصرعكم يحسين خل منكم تتروه العين
آخر ليله آخر ليله هاي اوياكم آخر ليله
خيمه اليمها اندگّت رايه ما تنسد خيمة عبّاس
ما تنسد خيمة عبّاس
خيمه اليمها اندگّت رايه ما تنسد خيمة عبّاس
ما تنسد خيمة عبّاس
اتگصده الأطفال العطشانه ويرويهُم عطف وإحساس
يرويهُم عطف وإحساس
احسين وزينب شافوا منظر من معناه ايشيب الراس
من معناه ايشيب الراس
يم عمها ومشغوله اسكينه اچفوفه الليله اشگد تنباس
اچفوفه الليله اشگد تنباس
منهد حيله منهد حيله احسين البنته منهد حيله
منهد حيله منهد حيله احسين البنته منهد حيله
زينب صاحت شوف اوياي بنتك تدري ابشاطي الماي
زينب صاحت شوف اوياي بنتك تدري ابشاطي الماي
آخر ليله آخر ليله هاي اوياكم آخر ليله
آخر ليله آخر ليله هاي اوياكم آخر ليله
باچر مصرعكم يحسين خل منكم تتروه العين
باچر مصرعكم يحسين خل منكم تتروه العين
آخر ليله آخر ليله هاي اوياكم آخر ليله
الخيمة أم عبد الله انجذبوا الصوت امناغاها المسموع
الصوت امناغاها المسموع
عطشان وناشف مرضعها اتريد اتسكّته وهوّه ايلوع
اتريد اتسكّته وهوّه ايلوع
هاي آخر دمعات ابعينه باچر يبچي ابغير ادموع
باچر يبچي ابغير ادموع
اگماطه الأبيض يصبح أحمر لو رد ابمنحر مگطوع
لو رد ابمنحر مگطوع
ابدمع اتسيله ابدمع اتسيله اتريد اترضعه ابدمع اتسيله
ابدمع اتسيله ابدمع اتسيله اتريد اترضعه ابدمع اتسيله
لو حتّى المدمع ما يفيد اتبلّل ريچ الطفل اتريد
لو حتّى المدمع ما يفيد اتبلّل ريچ الطفل اتريد
آخر ليله آخر ليله هاي اوياكم آخر ليله
آخر ليله آخر ليله هاي اوياكم آخر ليله
باچر مصرعكم يحسين خل منكم تتروه العين
باچر مصرعكم يحسين خل منكم تتروه العين
آخر ليله آخر ليله هاي اوياكم آخر ليله
همست خل أتزوّد منّك يا آهي الما بعدك آه
همست خل أتزوّد منّك يا آهي الما بعدك آه
يا آهي الما بعدك آه
احسين وكلّك عندي الليله باچر كلّك وين ألگاه
باچر كلّك وين ألگاه
الشمر ابراسك يغرس رمحه ايهزّه وتگطر فوگي ادماه
وابن سعد الجسمك يتقصّد يندب من يسحگ فوگاه
يندب من يسحگ فوگاه
اترضّك خيله اترضّك خيله ايصدّر أمره اترضّك خيله
اترضّك خيله اترضّك خيله ايصدّر أمره اترضّك خيله
ما تبقى ابصدرك أضلاع تتطشّر كلها اعله الگاع
ما تبقى ابصدرك أضلاع تتطشّر كلها اعله الگاع
آخر ليله آخر ليله هاي اوياكم آخر ليله
آخر ليله آخر ليله هاي اوياكم آخر ليله
باچر مصرعكم يحسين خل منكم تتروه العين
باچر مصرعكم يحسين خل منكم تتروه العين
