شعندة وياك الحجار - فيديو (مكتوبة) - حيدر البياتي
|1
منذ 6 ساعات
١٠
استشهاد النبي الاعظم محمد (ص)
شعندة وياك الحجار(مكتوبة)
الرادود:حيدر البياتي
شعنده وياك الحجار يطلبك يالنبي ثار
امس بالحجر صابوك ابجبينك
ونفس الحجر بي صابوا حسينك
امس بالحجر صابوك ابجبينك
ونفس الحجر بي صابوا حسينك
يا محمد يا محمد
امس بالحجر صابوك ابجبينك
ونفس الحجر بي صابوا حسينك
امس بالحجر صابوك ابجبينك
ونفس الحجر بي صابوا حسينك
يا محمد يا محمد
گبل ما تعلن الوحي چانت الوادم تعبده
منه للاصنام تبني وبالجهل چانت تگصده
من گلت عنه جماد ابلا نفع
ما رضت بيك آل اميه تقتنع
والحجر بگلوبهم ظل منجمع
عدوانك يأذوك تصلي وبي يراموك
ويسمع چان بيت الله ونينك
ونفس الحجر بي صابوا حسينك
يا محمد يا محمد
شعنده وياك الحجار يطلبك يالنبي ثار
امس بالحجر صابوك ابجبينك
ونفس الحجر بي صابوا حسينك
يا محمد يا محمد
ما دريت شسووا بعدك من غبت يا نبي الامه
وبالحطب چف ضدك على باب الزهره لمه
بي يرامون اعله بيتك من غبت
وره الباب الحال بنتك ما شفت
انت شمبقي وديعه هيه بت
محتاره بدمعها وبسمار ابضلعها
انت بگبرك والها حنينك
ونفس الحجر بي صابوا حسينك
يا محمد يا محمد
شعنده وياك الحجار يطلبك يالنبي ثار
امس بالحجر صابوك ابجبينك
ونفس الحجر بي صابوا حسينك
يا محمد يا محمد
بكربلاء حسين ردتك چنت ويه حسين حاضر
تشوف يالهادي حبيبك بي شصار ابيوم عاشر
اعليه التمت يا رسول الله البشر
تنزف جروحه ويراموه بالحجر
لحد ما ظل جسمه بارض الطف وذر
وطاح ابرمح مطعون وعليه بالخيل يمشون
لو حاضر عليه دم تجري عينك
ونفس الحجر بي صابوا حسينك
يا محمد يا محمد
شعنده وياك الحجار يطلبك يالنبي ثار
امس بالحجر صابوك ابجبينك
ونفس الحجر بي صابوا حسينك
يا محمد يا محمد
طاح والناس ابحقدها اتعنت وحرگت خيامه
بحجر يالهادي ومشاعل بي يرامون اليتامى
شردت النسوان من نار الخيم
وبالحجاره عداك يرمون الحرم
وچم طفل يالهادي بي راسه انهشم
وزينب بين الاجناب مثلك راسها انصاب
وچم مره بحزن نادتك وينك
ونفس الحجر بي صابوا حسينك
آه امن السبي وضيمه بيش تحمل الحره
بحديد امگيده النسوان وصعدن عالهزل اسرى
كلها تشفى الا لچمات السبي
بالحجر شمروا حرمكم يالنبي
وهن يتسترن ظلن بالعبي
كلها تشفى الا لچمات السبي
بالحجر ضربوا حرمكم يالنبي
وهن يتسترن ظلن بالعبي
واخر حجر بالسوگ گلبك منه محروگ
على هاذا الحزن الله يعينك
ونفس الحجر بي صابوا حسينك
يا محمد يا محمد
شعنده وياك الحجار يطلبك يالنبي ثار
امس بالحجر صابوك ابجبينك
ونفس الحجر بي صابوا حسينك
