ملف فيديو ارجع الي بصوت الشيخ حسين الأكرف

ارجع الى(مكتوبة)

الرادود:الشيخ حسين الأكرف

صورة قمر وانشطر منك الرأس
إرجع إلي يا علي ميتة الأنفاس
رايح بلا جيه وانه الحزن بيه
ميتة الأنفاس

جمره من عمق المشاعر بيه ما تبرد أبد
ام شهيد بهمي انعى وانتحب يمه الولد
يا عمد خيمة حياتي من طحت طاح العمد
وروحي راحت من لقيتك ليه راجع بس جسد

أمك الحبيبه وفرقتك مصيبه
كوكب بليل امنياتي ووسفه شفتك اتغيب
ما هي قصة اجروح جابوا ابني مذبوح
وبين اه وبين احاسيس افتخاري وحزني جرحي ما يطيب

يمّه الولد ماكو رد والصدى آه
كل شي يون من أون واعلياه
نورك خمد ضيّه وانه الحزن بيّه
ميتة الأنفاس

صورة قمر وانشطر منك الرأس
إرجع إلي يا علي ميتة الأنفاس
رايح بلا جيه وانه الحزن بيه
ميتة الأنفاس

مددوك اگبالي يبني ومددوا عشرة عمر
قطعه قطعه امقطعينك ورد چنك منتثر
يا شهيد امضحي نفسك ما يسليني الصبر
لكن بيوم الشهاده يحق لي لمن افتخر

يا غصن حناني ويا حصن أماني
اشلون اضمك والله حيره خاطر امك انصاب
صعبه من اجمعك وانت قاسي وضعك
يا علي حضني مكانك مو مكانك تراب

من مصرعك يرفعك حضني مشتاگ
دمك نزف وانعرف معنى الفراگ
جاي انذبح ليّه وانه الحزن بيّه
ميتة الأنفاس

صورة قمر وانشطر منك الرأس
إرجع إلي يا علي ميتة الأنفاس
رايح بلا جيه وانه الحزن بيه
ميتة الأنفاس

انت عنوان الرجوله والشجاعه والأمل
واشرف الناس بوقوفك بالحرب وقفة جبل
ياللي رافع راسي عالي بالفدا وخير العمل
جيت اقبلك شفته قبلي السيف عالهامه نزل

غاليه الشهاده وموتة الإراده
ومشهد الأم عالجنازه تبچي يفتح آلام
تسوى يبني لدموع والله راسي مرفوع
ساعة استشهادك احيت للكرامه أحلام

شفت الجرح عالجرح والدما تسيل
ضلعي انكسر من أثر حافر الخيل
عاف الهوا الريه وانه الحزن بيه
ميتة الأنفاس

صورة قمر وانشطر منك الرأس
إرجع إلي يا علي ميتة الأنفاس
رايح بلا جيه وانه الحزن بيه
ميتة الأنفاس

الام اذا فقدت قمرها تمشي خلفه اتشيعه
وما مشت اجدامي خلفك جثتك متوزعه
روح يبني امودع الله وانه خلني امروعه
حافر البضّع جمالك عمري بعدك بضّعه

شمعتي طفوها عيني عذبوها
بس بقت كلمه اخيره وادري تسمع الصوت
اسمك بوريدي من كتب شهيدي
في سبيل الله اللي يقتل باقي حي ولا يموت

جنة عدن لك وطن والنبي هناك
يروي الظما وفاطمه حاضره وياك
اجرك على النيه وانه الحزن بيه
ميتة الأنفاس

صورة قمر وانشطر منك الرأس
إرجع إلي يا علي ميتة الأنفاس
رايح بلا جيه وانه الحزن بيه
ميتة الأنفاس