ملف فيديو هجيني جرحك بصوت سيد سلام الحسيني
منذ ٣ أسابيع
٤١
المشاية المقدسة لشهر صفر 1448 هجري
هجيني جرحك(مكتوبة)
الرادود:سيد سلام الحسيني
هجيني جرحك من الالف للياء
ربيني عاشوراء
واصنعني للزهراء بچفك يا ساقي
عيني انته الها
علم لي هاي العين تمطر على الخدين
وبشوفي كون حسين بس هوه باقي
بمتاهات السنين انضيع مولاي
وانته التنتشلنه بكل متاهه
شده وما تحلها انته اشد هاي
اضل فشلان كل عمري وراها
ومن تجلي شده اتناها عالناس
ومن تجلي شده اتناها عالناس
انا العباس حاضر لي وقضاها
يا بو فاضل مشتهي اعمى حتى تمسح على عيوني
ومشتهي يسكت لساني حتى انتم تحچوني
كلشي بالدنيا امله وما امل من الانطوني
تحضره الحمله مايل دخيلك يا بو فاضل
تحضره الحمله مايل دخيلك يا بو فاضل
الزم اديه هالدنيا بيه تگود
وبيه ترد ردود
ضايع اخاف يعود قلبي اليودك
جرة جربتك من بيها تاخذ ماي
خذ روحي يا مولاي
املي من دنياي دمعاتي عندك
جرة جربتك من بيها تاخذ ماي
خذ روحي يا مولاي
املي من دنياي دمعاتي عندك
يا من تأمر وتنهي على الماي
فجر عين قلبي وخلها تجري
انظر ليه صح ما استحق هاي
بس الناس احب عباس تدري
اقبل قدري ينقص بين القلوب
ورحمتك ما رضى يقللها قدري
برحمتك روحي صوبها يلي ما تخطي بصوابك
برحمتك روحي صوبها يلي ما تخطي بصوابك
سجدة الحب يا بو فاضل رايد اسجدها باعتابك
حتى اكسر بعد جنحي وابقى متعلق ببابك
احبك حب كافل دخيلك يا بو فاضل
احبك حب كافل دخيلك يا بو فاضل
خضر عطاشى بنص روحي يا منان
وبيه تصحر بان
انخى بقلب ذبلان الشفه الذبوله
اختم ثباتي واسجنّي بيك ارجاك
محلفك باخت تنخاك
متقاسمه ويا ضماك يا بو الرجوله
جمر رمل الظهاري بيوم عاشور
وحيرة طفله عمها اعله النهر طاح
لهسه يمر مصابك بيه مولاي
واسمعنه قصص ما عايشه جراح
الراحه البيه اكتلها يعباس
الراحه البيه اكتلها يعباس
مرتاح انته حتى المثلي يرتاح
ارزقني منك ولو جمره يا كبر حظ الترزقه
يا ملك جامع الضدين عالرجوله وعلى الرقه
يا ملك جامع الضدين عالرجوله وعلى الرقه
لو رحت من اخوك حسين يا قمر ظهره ما يبقى
لو رحت من اخوك حسين يا قمر ظهره ما يبقى
جمر احزان سائل دخيلك يا بو فاضل
جمر احزان سائل دخيلك يا بو فاضل
