ملف فيديو باب الكلابية بصوت سيد سلام الحسيني

باب الكلابية(مكتوبة)

الرادود:سيد سلام الحسيني

هنا يامن تريد خدمة بصدق نية
يالرايد تعيش بجو العبودية
تذلل على اعتاب باب الكلابية

بس تسئل ام عباس تلگة جوابها
خدام يامه سوه جدر اثوابها
بس تسئل ام عباس تلگة جوابها
خدام يامه سوه جدر اثوابها

دگ بابها الها انحني ودگ بابها
دگ بابها والها انحني ودگ بابها
بعتابها صب الدمع بعتابها

بس مد يمينك متروسة ترجع خير وبواچي وحزن
هنانه القلوب المكسورة تشفى وتتجبر وتطمئن
بس مد يمينك متروسة ترجع خير وبواچي وحزن
هنانه القلوب المكسورة تشفى وتتجبر وتطمئن

ذكرچ مامات باب الحاجات

يالطايح بضيج وجرحك صعب شده
يالگلبك بنار اندل منو يبرده
باب ام البنين بس دگة بالشدة
يالطايح بضيج وجرحك صعب شده
يالگلبك بنار اندل منو يبرده
باب ام البنين بس دگة بالشدة

بس انوي واقره الفاتحة وانخاها
بالبسملة تگضي الشدد تلگاها
بس انوي واقره الفاتحة وانخاها
بالبسملة تگضي الشدد تلگاها

طرواها يطيب العلل طرواها
وياها عاگدلي راية وياها

هاي الكريمة المن گد بجيها صاباها تالي العمه
السلم عليها گدامه تنفك بوب الارض والسمه
هاي الكريمة المن گد بجيها صاباها تالي العمه
السلم عليها گدامه تنفك بوب الارض والسمه

ذكرچ مامات باب الحاجات

لو صابك العوز العطاي اندله
لو تغرگ بماي هم طلعتك سهله
بس انخه عباس وبامه توجهله
لو صابك العوز العطاي اندله
لو تغرگ بماي هم طلعتك سهله
بس انخه عباس وبامه توجهله

حلف الگمر بام الگمر وتشوفه
حلف الگمر بام الگمر وتشوفه
يگصدك وشايل رايته بچفوفه

معروفة شاراتها معروفة
موصوفة ام الگمر موصوفة

دنيلها مره ويا هو المثلها مشتريه ماي الگصص
الدنيا فرصة والذلة يمها اغلى واعز الفرص
دنيلها مره ويا هو المثلها مشتريه ماي الگصص
الدنيا فرصة والذلة يمها اغلى واعز الفرص

ذكرچ مامات باب الحاجات

يالناذر نذور لو سهلت امرك
ما عدها شباچ وتخلي بي نذرك
بيبانها تراب بترابها تبرك
يالناذر نذور لو سهلت امرك
ما عدها شباچ وتخلي بي نذرك
بيبانها تراب بترابها تبرك

اتوجه لابنها وانخه وادعي بحسره
وين الله صحن ام البنين نعمره
اتوجه لابنها وانخه وادعي بحسره
وين الله صحن ام البنين نعمره

بالعبره اتمنى بس بالعبره
للزهرة هم نبني گبر الزهرة

بجاه الكريمة من الله نطلب رد البقيع لهله
بجاه الكريمة من الله نطلب رد البقيع لهله
نعيش الخدامة يمها بمشاعر من نخدم بكربله
نعيش الخدامة يمها بمشاعر من نخدم بكربله

ذكرچ مامات باب الحاجات