أم گلبی انتي(مكتوبة)
الرادود:مسلم الوائلي
بكل شي ردتچ وياي
وگليبي يسأل هواي
بماي أغسل اليموت بيش أغسل الماي؟
بيش أغسل الماي؟
خاطر يتيمة الكسره العشتها
رافقني حزني مثل الهوه
السطره اعله خدچ ومحد يسندچ
ويم عتبة الفي مات الضوه
يعصرونچ وأنتِ تونين
شنهو السر حتى تصيحين؟
بكل شهگه يا يمه حسين يا يمه حسين
بابچ اندفع حيل والعصر صبح ليل
بكل ألم تصيحين يعينك الله عالخيل يعينك الله عالخيل
بكل شي ردتچ وياي وگليبي يسأل هواي
بماي أغسل اليموت بيش أغسل الماي؟
وصّيتي گليبي بولدچ يلمهم
وگلت اطمئني همّچ إلي
وشفت انكساري شو چنه ضلعچ
من رحتي محّد وصّه بعلي وصّه بعلي
بس آنه الكلساعه يموت
ميت بس شايل تابوت
يا زهره أنفاسي تفوت أنفاسي تفوت
آنه عايش الآه محني باقي مگفاه
الماشي خلّه لبعيد كونه يمشي وياه كونه يمشي وياه
بكل شي ردتچ وياي وگليبي يسأل هواي
بماي أغسل اليموت بيش أغسل الماي؟
أم گليبي إنتِ وكسرولي گليبي
وگليبي شيجبره من ينكسر
من جذمي أسرع شيب الطلع لي
أتجاسر عليه الشيب اشكثر الشيب اشكثر
الما فارگ مثلچ مرتاح
عايش بس بإيد الذباح
وچفوفي شگد بيها أصفاح شگد بيها أصفاح
تخنگه من تهب ريح ويم فرگتچ يطيح
يا علي العمر راح كلشي بعدچ يصيح كلشي بعدچ يصيح
بكل شي ردتچ وياي وگليبي يسأل هواي
بماي أغسل اليموت بيش أغسل الماي؟
ضلعچ لمسته وگليبي لچمني
من شفته مدمي سنيني جزن
ما شوفه ضلعچ ضمّيته عنه
ولو شافه محني يموت الحسن يموت الحسن
يم ضلعچ چفي يلاگيچ
وعذريني خاف ألچم بيچ
بنفسي أظل بس لزمة إيدچ بس لزمة إيدچ
طولچ إنتِ موجوع يحني كسر الضلوع
ردني من تروحين عشره ويه الدموع عشره ويه الدموع
بكل شي ردتچ وياي وگليبي يسأل هواي
بماي أغسل اليموت بيش أغسل الماي؟
هسه أدفنچ لو گليبي أدفنه؟
حيرة غريب مضيَّع هله
بدموعي أغسلچ بس ليش أچفنچ؟
وبين البواچي ضاعت هلا ضاعت هلا
ما خايف وجروحي تگول
بس عمري خافنّه يطول
بس ردي وأحزاني تزول وأحزاني تزول
بدونچ أبقى ما نام وما تمرني الأحلام
لفگدچ أنه مكسور حالي حال الأيتام حالي حال الأيتام
بكل شي ردتچ وياي وگليبي يسأل هواي
بماي أغسل اليموت بيش أغسل الماي؟
