اشهد يامحمد(مكتوبة)
الرادود:جليل الكربلائي
أشهد أشهد يا محمد أشهد أشهد يا محمد
وانته ابگبرك تدري وتعلم لمن ضلع الزهره اتهشّم
وانته ابگبرك تدري وتعلم لمن ضلع الزهره اتهشّم
أشهد أشهد يا محمد أشهد أشهد يا محمد
ابدمع المحاجر يا رسول الله اليوم
وابلَفْحات الهم والحسره
أروي لك آلام ومصايب وهموم
وانته ابكل حال اعلم وادرى
بالباب تعلم يا ضلع ظل مهشوم
يوم الّلي هجموا عالزهره
لحال الوديعه تجري دمعتنه ادموم
ما تنشف أمواج العبره
بالمصايب والنوايب
چن وجه الكون أصبح أظلم
لمن ضلع الزهره اتهشّم
أشهد أشهد يا محمد اشهد اشهد يا محمد
وانته ابگبرك تدري وتعلم لمن ضلع الزهره اتهشّم
لمن رحت يالهادي بيمن وصّيت
واصحابك چنت اتناديهم
وصّيتهم بالمصحف وأهل البيت
ابهاي الثقلين اتوصّيهم
بس ما غبت عن النظر وتواريت
بيّن كل الحقد اللي بيهم
بالعتره ما وصّيت گومك يا ريت
اخلافك تدري اشصار اعليهم
هالوصايه امن البدايه
ما حفظوا عتره ولا محكم
لمن ضلع الزهره اتهشّم
أشهد أشهد يا محمد اشهد اشهد يا محمد
وانته ابگبرك تدري وتعلم لمن ضلع الزهره اتهشّم
يا هادي بسما نورك الطاهر غاب
چن غابت وياك الرحمه
والنعتبرهم چانوا اوياك أصحاب
وانگول ابنهجك ملتزمه
لنهم كفر وانگلبوا اعله الأعقاب
ولن عدوانك طلعوا همه
ابدافع حقد مستور هجموا عالباب
وانتهكت أستار العصمه
واحنه نسأل منهو يعقل
واعليهم يا دافع حتّم
لمن ضلع الزهره اتهشّم
أشهد أشهد يا محمد اشهد اشهد يا محمد
وانته ابگبرك تدري وتعلم لمن ضلع الزهره اتهشّم
عالدار هجموا هجمة احقاد وجور
حي ريتك وتشوف المنظر
بالباب لاذت والدمع ظل منثور
تستنهض بيك وتتحسّر
تتسند ابهمها وضلعها المكسور
والمدمع من دم يتنثّر
واصرخت صرخه الجبل من عندها يمور
يا هالوادم ضلعي انكسر
والأعادي اشما تنادي
چن ركن الإسلام اتهدّم
لمن ضلع الزهره اتهشّم
أشهد أشهد يا محمد أشهد أشهد يا محمد
وانته ابگبرك تدري وتعلم لمن ضلع الزهره اتهشّم
