بنظرة عيني(مكتوبة)
الرادود:السيد فاقد الموسوي
أخيتك بالنهار أتيه شلون بليل ألوفك
أخيتك بالنهار أتيه شلون بليل ألوفك
والطف متروس دخان ما أشتم عطر منك
والطف متروس دخان ما أشتم عطر منك
الله يعاقب ذيچ الخيل وي الـگـاع ساونك
الله يعاقب ذيچ الخيل وي الـگـاع ساونك.. وي الـگـاع ساونك
ريتهه السحـگـات بيه.. رايحة زينب سبية
ريتهه السحـگـات بيه.. رايحة زينب سبية.. رايحة زينب سبية
يا زينب.. يا زينب
يا زينب.. يا زينب
آه..
صعدت لخاطرك يحسين ذاك التل عشر مرات
صعدت لخاطرك يحسين ذاك التل عشر مرات.. ذاك التل عشر مرات
صعدت لخاطرك يحسين ذاك التل عشر مرات.. ذاك التل عشر مرات
مرة أصعدله بچفوفي ومرة أگضيهه بالعثرات
مرة أصعدله بچفوفي ومرة أگضيهه بالعثرات
أگومن والظهر مكسور وهذا التل يريد إثبات
أگومن والظهر مكسور وهذا التل يريد إثبات
وأعاين بلكي هم بي روح وأگولن ها عدل ها مات
وأعاين بلكي هم بي روح وأگولن ها عدل ها مات
حسين خلصت هاي هيه.. رايحة زينب سبية
حسين خلصت هاي هيه.. رايحة زينب سبية.. رايحة زينب سبية
يا زينب.. يا زينب
يا زينب.. يا زينب
آه..
بچف الطف يخوي حسين وعلي السبي بچفه
بچف الطف يخوي حسين وعلي السبي بچفه
عثرت ناگتي بنص سوگ وبي أعداك تتشفه
عثرت ناگتي بنص سوگ وبي أعداك تتشفه
غريب الشام عن أختك لا عرفه ولا ولفه
غريب الشام عن أختك لا عرفه ولا ولفه
ثگيلة هاشم بديوان وزلم ما تعرف العفه
ثگيلة هاشم بديوان وزلم ما تعرف العفه
كلها تتفرج عليه.. رايحة زينب سبية
كلها تتفرج عليه.. رايحة زينب سبية.. رايحة زينب سبية
يا زينب.. يا زينب
يا زينب.. يا زينب
آه..
نرد بچدام مچوية فوگ الـگـاع گوة ندوس
نرد بچدام مچوية فوگ الـگـاع گوة ندوس
صوغة يجيب المسافر وآنه أرجع لخوتي بروس
صوغة يجيب المسافر وآنه أرجع لخوتي بروس
صوغة يجيب المسافر وآنه أرجع لخوتي بروس
صوغة يجيب المسافر وآنه أرجع لخوتي بروس
من عفتك چنت عطشان والطف بس لهيب شموس
من عفتك چنت عطشان والطف بس لهيب شموس
اگعد خل أشربك ماي هذا العلقمي متروس
اگعد خل أشربك ماي هذا العلقمي متروس
بالحبل مشدودة إديه.. رايحة زينب سبية
بالحبل مشدودة إديه.. رايحة زينب سبية.. رايحة زينب سبية
يا زينب.. يا زينب
يا زينب.. يا زينب
آه..
بنظرة عيني ودعتك مو ديرة وجه مني
بنظرة عيني ودعتك مو ديرة وجه مني
ودي أرفع لك چفوفي بس الحبل يمنعني
ودي أرفع لك چفوفي بس الحبل يمنعني
والهزيلة بمشيها تميل وخفت من أفتر تذبني
والهزيلة بمشيها تميل وخفت من أفتر تذبني
لو بيدي الأمر يحسين چا خليتك بحضني
لو بيدي الأمر يحسين چا خليتك بحضني
آه...
ريتهه السحـگـات بيه.. رايحة زينب سبية
ريتهه السحـگـات بيه.. رايحة زينب سبية
يا زينب.. يا زينب
يا زينب.. يا زينب
