منو اليسند خشب بابي(مكتوبة)
الرادود:باسم الكربلائي
منو اليسند خشب بابي.. گبل لا يندفع
يا رب سترك أريد احمي.. حجابي والضلع
يا چتالي شلك يمي.. إلك عندي ثار؟
ولا تذكر أبد ناسي.. كرم هاي الدار
أسف والله تگصد داري.. عدو ومو خطار
وانا الحرة الإلي شارة.. وأهل حامي الجار
أنا أم الإله دمعة.. محب تطفي النار
أما فيكم رجل عاقل.. ورع بي دم حار؟
أردد آية الكرسي.. وانا بعيني الدمع
يا رب سترك أريد احمي.. حجابي والضلع
منو اليسند خشب بابي.. گبل لا يندفع
يا رب سترك أريد احمي.. حجابي والضلع
طلع وجه الحقد واضح.. طغى علـ معروف
يا من بالقوة أسلمتوا.. ومكر ما مألوف
لجل تسلم تجارتكم.. تأسلمتوا صفوف
حذر ضربة علي وحمزة.. تشاهدتم خوف
على الله العوض بيكم.. غدر مد الشوف
نطيناكم عفو ورحمة.. الرگب مال سيوف
هذولا انتم على أعتابي.. تهجمون بجمع
يا رب سترك أريد احمي.. حجابي والضلع
منو اليسند خشب بابي.. گبل لا يندفع
يا رب سترك أريد احمي.. حجابي والضلع
شفت دمع الحسن يهمل.. فجع گلب البين
واجه ليه بألم يركض.. بچى گبال حسين
ممات أمي وقدر مر و.. ذبح شوف العين
وانا بين الضنى وموتي.. حرت بين أمرين
صحت وين الإله يلحگ.. بني هاشم وين؟
ألم عصرة ودفع بابي.. وعلي نجيبه منين؟
على عيال النبي الهادي.. تجرء المو سبع
يا رب سترك أريد احمي.. حجابي والضلع
منو اليسند خشب بابي.. گبل لا يندفع
يا رب سترك أريد احمي.. حجابي والضلع
يهل تحرگ خشب بابي.. أتعرف بابي شچان؟
رمز حارس كلام الله.. ودرع للقرآن
أدور له وصف يكفي.. وحرت يا عنوان
عطر طرگ النبي الفوگه.. اختلط بالدخان
أما قال النبي اطلبوا.. الإذن بالبيبان؟
منو الـگـالكم تطلبون.. الإذن بالنيران؟
أعاين للجمر وانا.. يحيرني الوضع
يا رب سترك أريد احمي.. حجابي والضلع
منو اليسند خشب بابي.. گبل لا يندفع
يا رب سترك أريد احمي.. حجابي والضلع
المهم أنا بحجابي أبقى.. الضلع فدوة يروح
الستر فوگ الضلع شانه.. وأعز من الروح
ألم ضرب العدو ببابي.. إله الكون ينوح
يلوعني مثل ذر.. الملح عالمجروح
وره الباب وتصل لأذني.. خطط موت تفوح
چتل أمي وسبي وسم و.. حچي عن مذبوح
إلهي هايه يم بابي.. خططهم تنسمع
يا رب سترك أريد احمي.. حجابي والضلع
منو اليسند خشب بابي.. گبل لا يندفع
يا رب سترك أريد احمي.. حجابي والضلع
أنا الچان النبي يگلي.. بعطف يا زهراء
طلبتچ طلبة من الله.. وسمع صوتي وشاء
يا بنتي وأمي يا ضي وي.. ضوة المصحف جاء
يا كوكب دري من عفة.. وشرف واستحياء
نطرتچ أشبه إحساس.. العطش بالصحراء
يرزق الله النطيتيني.. حياة مثل الماء
أنا الضي اليريدونه.. يبطل ما يشع
يا رب سترك أريد احمي.. حجابي والضلع
منو اليسند خشب بابي.. گبل لا يندفع
يا رب سترك أريد احمي.. حجابي والضلع
