ملف فيديو اقدس واهم خطواتي بصوت سيد سلام الحسيني

 اقدس واهم خطواتي(مكتوبة)

الرادود:سيد سلام الحسيني

آه...
أمشي وعلى عيوني غشه
أمشي وعلى عيوني غشه
ابديرة نبي بس موحشه
اقتادوا علي.. لا من حشه.. علي...

أقدس وأهم خطواتي.. أطلع وأردك سالم
مكسورة وبحسراتي.. وبحالي الله العالم
يترادفن نكباتي.. حيدر رهين الظالم.. علي...
كل خطوة أخطيها.. عينك أصد ليها
من كسرة ضلوعي.. أكبر أحس بيها
كل خطوة أخطيها.. عينك أصد ليها
من كسرة ضلوعي.. أكبر أحس بيها
أكمل عباداتي.. أفزعلك ابذاتي
أكمل عباداتي.. أفزعلك ابذاتي
تتطشر دموعي.. خلها على خطواتي.. علي...

أقدس عبادات الأرض
أطلع وأرد أوجب فرض
يا ديني والگلبي نبض.. علي...
إنت التغذي أهل السمه
شلهم بعد غيرك حمه؟
يا كفؤ صار لفاطمة.. علي...
يا إمامي.. ويا مجيري
إنت كفئي.. يا أميري
يا إمامي.. ويا مجيري
إنت كفئي.. يا أميري

هي المسافة اگصيرة.. كون الضلع ما مدمي
لكن شكبر الحيرة.. وآنه علي مو يمي
موقف صعب تصويره.. بيت الحمى ما محمي.. آه...
ستر الله چلبابي.. وآنه اندفع بابي
ولو ما يريد حيدر.. راح أرفع احجابي
ستر الله چلبابي.. وآنه اندفع بابي
ولو ما يريد حيدر.. راح أرفع احجابي
ما أدري باطفالي.. والمحسن اببالي
ما أدري باطفالي.. والمحسن اببالي
وايدي على ضلوعي.. أتبع أبو عيالي.. علي...

أمشي وعلى عيوني غشه
أمشي وعلى عيوني غشه
ابديرة نبي بس موحشه
اقتادوا علي.. لا من حشه.. علي...
عاين علي والتفت
ودنگ قبل ما دنگت
هالچلمة بس وما صحت.. علي...
يا إمامي.. ويا مجيري
إنت كفئي.. يا أميري
يا إمامي.. ويا مجيري
إنت كفئي.. يا أميري

الكون الله يمشي بكيفه.. صارن غصب خطواته
يمشي بحبايل سيفه.. الما ندري شكثر غزواته
مشهد صعب توصيفه.. حد صبري وي مأساته.. آه...
گتله علي دونك.. ما أرجع ابدونك
گتله علي دونك.. ما أرجع ابدونك
محسن فده انطيته.. علا يصيبونك
حط عينك بعيني.. وهي التحاچيني
ايدي خلت منك.. رد إلزم ايميني
لا توصي بالسكتة.. لو معصبي وانته
لا توصي بالسكتة.. لو معصبي وانته
لو أمحي خلق الله.. واتغير الردته.. علي...

أهل الأرض ما عرفتك
وافت لئيم وخانتك
عبروا على حد عتبتك.. علي...
ما يصلح الآن الصبر
ما غيرك يجبره الكسر
محتاجتك لا تعتذر.. علي...
يا إمامي.. ويا مجيري
إنت كفئي.. يا أميري
يا إمامي.. ويا مجيري
إنت كفئي.. يا أميري

فدوة ابني فدوة اضلاعي.. بس كون أشوفك راجع
فدوة ابني فدوة اضلاعي.. بس كون أشوفك راجع
إنت علي موضوعي.. عمري بدونك ضايع
ضلعي تره بدموعي.. والدم يا حيدر ناگع.. آه...
يالما لحت روحي.. رد ضمد جروحي
آه يالما لحت روحي.. رد ضمد جروحي
ارجع على دارك.. خل ينگطع نوحي
أطفالك اببيتي.. ارحم لي حنيتي
خل نرجع ونسأل.. يا نارنا انطفيتي؟.. علي...
يتانونه ما بين اللهب
بيت الله بيتك والحسب
محد يطفيها شعجب؟!
علي... علي...
ما أدري بيها يا علي
يبچون إلك مدري إلي
دفعوا ثمن أن الولي.. علي... علي... علي...