يا سائلي تبكي لمن(مكتوبة)
الرادود:باسم الكربلائي
يا سائلي تبكي لمن؟.. أمنا البتول
أبكي على أم الحسن.. أمنا البتول
يا سائلي تبكي لمن؟.. أمنا البتول
أبكي على أم الحسن.. أمنا البتول
جمرة حزن ما تنطفي.. جمرة حزنها
وألطم وعيني بالدمع.. غارگ جفنها
الله خلقها وما خلق.. بالدنيه منها
خادمها ابقه وللأبد.. خادم لإبنها
أم الذبيح المؤتمن.. أمنا البتول
أبكي على أم الحسن.. أمنا البتول
ربي خلقني لفاطمه.. خادم خلقني
واطلب ثار أم الحسن.. محد سبقني
يكفيني من نار الحشر.. حبها اعتقني
لو ما محبتها فلا.. ربك رزقني
ويه النبي بجنة عدن.. أمنا البتول
أبكي على أم الحسن.. أمنا البتول
أبچي لحد ما تنعمي.. عيني ببچيها
عالتشهد بنار الحطب.. چويات إيديها
عالما رعوا بيها أبد.. حرمة نبيها
وبدم لجلها اتخضبت.. لحية عليها
مولاها من لفها بچفن.. أمنا البتول
أبكي على أم الحسن.. أمنا البتول
سوط الضرب وجه أم حسن.. تارك علامه
هذا الأمر يوم الحشر.. وحده قيامه
خدمتها تبقه بكل زمن.. أشرف خدامه
الينحرم منها ينحرم.. فزعة إمامه
ينحرم من أعظم وطن.. أمنا البتول
أبكي على أم الحسن.. أمنا البتول
شيعي ولا أجامل أبد.. وأعلنت براءه
من العصابه الحاربت.. أعظم نساءه
والحرگ باب أم الحسن.. يعرف جزاءه
مثل الذبح سبط النبي.. بطف كربلاءه
لازم يجي ويدفع ثمن.. أمنا البتول
أبكي على أم الحسن.. أمنا البتول
لا تگلي سد هذا الحچي.. هاي طائفيه
لا والله مو هين أبد.. قتل بنت نبيه
ما اسكت لحد ما أرى.. قائم وصيه
ينظر بمقتل فاطمه.. أول قضيه
ويحاكم الرفضوا سنن.. أمنا البتول
أبكي على أم الحسن.. أمنا البتول
ليش أسكت وكل من سكت.. يعرف مصيره
شيطان أخرس ينحسب.. بايع ضميره
صوتي يظل ضد الفتن.. صرخة بصيره
وتبقه شعيرة فاطمه.. أعظم شعيره
للدهر آلام وشجن.. أمنا البتول
أبكي على أم الحسن.. أمنا البتول
اعرف سكوتي عالجرى.. أعظم خيانه
فاطم أمانه وما خنت.. صاحب أمانه
ما اسكت وحق فاطمه.. صوتي لسانه
لو هالسكوت ادفع ثمن.. دمي بمكانه
واعرف علي بظهره انطعن.. أمنا البتول
أبكي على أم الحسن.. أمنا البتول
