ملف فيديو اللهم ارزقني الاشتياق بصوت حيدر البياتي

قصيدة [ اللهم ارزقني الاشتياق ] - 1448 هـ / 2026 م

اللهم ارزقني الاشتياق(مكتوبة)

الرادود:حيدر البياتي


السافر بعيد... ويرجع أكيد
أحبابه تسأل وينه طول عنه هواي

اللهم ارزقني الاشتياق... ولوعة الفراق... لصاحب الزمان
اللهم ارزقني الاشتياق... ولوعة الفراق... لصاحب الزمان

شوگك إلي أكبر... يمه الوصف يصغر
شوگك إلي أكبر... يمه الوصف يصغر
گمت أسأل بروحي... يمته إلك أسهر
يمته إلك أسهر
مو بس سؤال الوينك تعال
مو بس سؤال الوينك تعال
كون التاني ذايب مثل الشمعة بليل
العنده حبيب عايش غريب
العنده حبيب عايش غريب
يقره بدعاء الندبة بشوگ ودمعه يسيل
أحبك وأريدك تحبني عليك الرضيع
أحبك وأشوفك أمان وبدونك أضيع
أحبك غريب وقريب وحبيب وشفيع... شفيع... شفيع...
أحبك وأريدك تحبني عليك الرضيع
أحبك وأشوفك أمان وبدونك أضيع
أحبك غريب وقريب وحبيب وشفيع... شفيع... شفيع...

اللهم ارزقني الانكسار... بهذا الانتظار... لصاحب الزمان
اللهم ارزقني الاشتياق... ولوعة الفراق... لصاحب الزمان

هذا الحچي واقع...
هذا الحچي واقع... عمري بلهو ضايع
وعايش أنه لغيره... وبس بالدعاء خاشع
هذا الحچي واقع... عمري بلهو ضايع
وعايش أنه لغيره... وبس بالدعاء خاشع
كل عمري چان لخاطر فلان
كل عمري چان لخاطر فلان
اركض ورا المايسوى وعايف وجه الخير
والله حرام متعب الإمام
والله حرام متعب الإمام
عايف إمامي بغربة وعايش ويه الغير
إليك اعتذاري بقصيدة عشق عالمي
يا مهدي قدمت وعفوك عن مقدمي
أجيلك حسيرا أسيرا كسيرا ظمي... ظمي... ظمي...

اللهم ارزقني الاقتراب... وحرقة المصاب... لصاحب الزمان
اللهم ارزقني الاشتياق... ولوعة الفراق... لصاحب الزمان

لو صاحبك يرحل... تشتاگ له وتسال
لو صاحبك يرحل... تشتاگ له وتسال
بس صاحب الغيبة... محد عليه يسأل
محد عليه يسأل:
«اسأل... اسأل روحك... احنا نسأل على صاحب الزمان؟ مثل ما نسأل على أصدقائنا وإخواننا؟ ثلاث أيام إذا ما شفته لو ما اتصلت بيه تخابره: وينك إنت؟ مشتاگ لك خويا... مشتاگ لك والله... من نحچي ويا صاحب الزمان نگله مشتاقين؟»
لو صاحبك يرحل... تشتاگ له وتسال
لو صاحبك يرحل... تشتاگ له وتسال
بس صاحب الغيبة... محد عليه يسأل... محد عليه يسأل
السافر بعيد ويرجع أكيد
أحبابه تسأل وينه طول عنه هواي
بس الغريب ماله قريب
نفكر بهلنا بحرگة وما فكرنا بهاي
السافر بعيد ويرجع أكيد
أحبابه تسأل وينه طول عنه هواي
بس الغريب ماله قريب
نفكر بهلنا بحرگة وما فكرنا بهاي
أغمض عيوني وأنام وأعوفك وحيد
أبويا وصديقي وأخويا وأحسك بعيد
أغمض عيوني وأنام وأعوفك وحيد
أبويا وصديقي وأخويا وأحسك بعيد
حياتي بدونك ضياع وحسرتي شتفيد... شتفيد... شتفيد...
---
اللهم ارزقني بالصلاة... وخالص الدعاء... لصاحب الزمان
اللهم ارزقني بالصلاة... وخالص الدعاء... لصاحب الزمان
اللهم ارزقني الاشتياق... ولوعة الفراق... لصاحب الزمان
اللهم ارزقني الاشتياق... ولوعة الفراق... لصاحب الزمان

يالمبتعد عنك... جيت اعتذر منك
يالمبتعد عنك... جيت اعتذر منك
شاركني بهمومك... وانطيني من حزنك
وانطيني من حزنك
عايش سنين وحدك حزين
تدور أمان وإنت الرحمة لهاي الناس
تدور أمان وإنت الرحمة لهاي الناس
عين الحياة دمعك فرات
مد جفك إلنا لخاطر چف عمك عباس
مد جفك إلنا لخاطر چف عمك عباس
يا ساقي عطاشى انتظارك محنة وغرام
صفاتك تواضع ملك بالصحاري تنام
يا ساقي عطاشى انتظارك محنة وغرام
صفاتك تواضع ملك بالصحاري تنام
وسلم عليك وتگلي عليك السلام... السلام... عليك السلام...

اللهم ارزقني الاحترام... بفعلي والكلام... لصاحب الزمان
اللهم ارزقني الاشتياق... ولوعة الفراق... لصاحب الزمان

يالمنذبح جدك... بسهم انمرد چبدك
يالمنذبح جدك... بسهم انمرد چبدك
كلما يجي عاشر... تحط عالرمل خدك
كلما يجي عاشر... تحط عالرمل خدك
تبچي بأنين وتصرخ حسين
تبچي بأنين وتصرخ حسين
يالمنتظر كل حافر يسحك صدرك چان
ع التل تروح لزينب تنوح
ع التل تروح لزينب تنوح
ذبحوا أخوها الكافل ووقفت بالديوان
ذبحوا أخوها الكافل ووقفت بالديوان... مولاي...
غريبة وسليبة وسبية وتنادي حسين
وعليها ترسنا الأرض والسما بالونين
غريبة وسليبة وسبية وتنادي حسين... حسين... الحسين...
تبچي بأنين وتصرخ حسين
يالمنتظر كل حافر يسحك صدرك چان
ع التل تروح لزينب تنوح
ذبحوا أخوها الكافل ووقفت بالديوان
غريبة وسليبة وسبية وتنادي حسين
وعليها ترسنا الأرض والسما بالونين
انتظار العليلة انتظرنا لظهورك سنين... سنين... سنين... حسين...

 

اللهم ارزقني كربلاء... والدمعة والعزاء... لصاحب الزمان
اللهم ارزقني الاشتياق... ولوعة الفراق... لصاحب الزمان

التعليقات

Profile of User
Loading...
ليثمنذ أسبوعين
٠
جيد
reply