ملف فيديو نعي أستشهاد فاطمة الزهراء (عليها السلام) بصوت الشيخ زمان الحسناوي

نعي أستشهاد فاطمة الزهراء (عليها السلام)(مكتوبة)

الرادود:الشيخ زمان الحسناوي

وقامت تحاچي زينب:
مالي غيرك... يا حبيب أم العشية...
مالي غيرك... يل چنت خيمة عليه...

«ما منا إلا مسموم أو مقتول»؛ في الرواية الشريفة: ما منا إلا مسموم أو مقتول... هالشكل هذا... كلهم هالشكل هذا...
ولست أدري خبر المسمار...
ولست أدري خبر المسمار
سل صدرها خزانة الأسرار...

بسد الباب من يحچي سمعته...
الرجس چتال للمحسن عرفته...
يابه لذت بالباب لاچن ما فتحته...
يابه لذت بالباب لاچن ما فتحته...
عصرني وكسر ضلوعي بعصرته...
يابه عصرني وكسر ضلوعي بعصرته...
يا خايب ليش للمحسن قتلته؟
يا خايب ليش للمحسن قتلته؟ قتلته...
بويا قمت للباب لاچن ما علي حجاب...
بويا قمت للباب لاچن ما علي حجاب...
حس بي الرجس من لذت خلف الباب...
عصرني يا بويا والجنين انصاب...
يا بويا ومحسن ياهل أيست منه...
خصك الله بكل علم دون الأصحاب...
وصرت تعلم بالذي يحضر وغاب...
يصير ما تدري اش جرى بعتبة الباب علي؟!
إذا ما تدري أخبرك محسن سقط بعتابها...

آه يا الباب! يقول أمير الشعراء الخالد الكبير عبود غفلة:
آه يا الباب وفتك بسمارها...
مالي واعمل گلب نجارها...
ولك ليش يا النجار ما عندك حساب...
تترك البسمار طالع ورا الباب؟!
لو دريت بيا صدر خلف صواب...
صدر روح المصطفى المختار...
بعد شيكول أمير الشعراء:
باب من جذوع وثجيلة وزن...
ولو هوت ع الگاع ترجفها رجف...
انطبگت على أم الحسن طبگة جفن...
وگام يعصرها الزنيم بحيله...
عصر بت المصطفى وطگ الضلع...
عصر بت المصطفى وطگ الضلع...
ونبت بسمار الحقد ما ينشلع...
واسگطت محسن الماتم تسع...
وصار من دم الصدر تغسيله...

من أكثر المواقف اللي تأذيني بمصيبة الزهراء، لما أخذوا عليا إلى المسجد...
گالت لفضة: «سنديني إلى صدرك... الزميني، ودخليني للمسجد أريد أرجع علي، لأن علي ما راح يبايع، وإذا ما بايع ذوله يقتلوه، هم يريدون حجة عليه، كون أخلص علي من القتل...»
گالت لها: «حالتك ما تسمح؛ جنينك مسقط، ضلوعك مكسرة، دم صدرك يجري، ما تگدرين تدخلين للمسجد».
گالت لها: «لبسيني عبايتي، والزميني من إيدي، من خلفي الزميني، والحسن والحسين يصيرون أمامي، أخلي إيد على متن الحسن وإيد على متن الحسين وندخل للمسجد، بس أرجع علي أخلصه من القتل...»
لبستها عبايتها ولزمتها من خلف، يعني تچت لها بهالطريقة هاي، لزمتها من خلفها، والحسن والحسين أمامها، هي خالة إيد على متن الحسن وإيد على متن الحسين، وترجف وهما ينظران إليها ويبكيان، يشوفون أمهم بهاي الحالة...
دخلت بيها فضة إلى المسجد، صاحت:
«خلوا ابن عمي أو لأكشفن للدعاء رأسي... وأشكو للإله شجوني...»
ما رجعوا لها علي.
يقول صاحب كتاب الاحتجاج، الطبرسي، يقول: مالت إلى قبر رسول الله، عافت علي. والله الطبرسي هيك يقول، في كتاب الاحتجاج أنا بعيني قاري:
يقول: تركت عليا ومالت على قبر رسول الله، وقفت عند قبره منادية: «أبتاه يا رسول الله... وحقك عندي إذا علي ما يرجعوه أكشف عن راسي...»
يقول الصادق: فارتفعت حيطان مسجد النبي، وهبت ريح صفراء في المدينة اصطفقت أبواب المسجد، الجماعة خافوا! بالبداية رجعوا لها، قنفذ ضربها، گالت له: «ما أرجع إلا بعلي، فلان علان ما أرجع...»
لما شافوا الجو تغير، الحالة تغيرت، قالوا: «رجعوا لها علي، رجعوا لها علي...»
قبل هاي، الإمام دز سلمان، من شاف المسجد ارتفعت حيطانه، غضب الله بين، قال له: «يا سلمان، ارجع لفاطمة صبرها قبل أن تقلب الدنيا بأهلها!»
يقول: إجيتها كسرة قلبي ترجف، أولادها يباوعون إلها ويبكون...
قلت لها: «إن الله بعث أباك رحمة، ليش انتي تصيحين يم قبر أبوك؟ الله غضب لغضبك، والدنيا راح تنقلب بأهلها سيدتي بسببك».
گالت له: «سلمان، هل رأت عيناك، سمعت أذناك أن أمة صنعت بابنة نبيها كما صنعت هذه الأمة؟! سلمان، وحق أبويا محمد، لو علي لو أكشف عالراس... وما أرجع إلا بعلي...»
رجعوا لها علي، لزمته من إيده، دخلت وياه للبيت، سدت الباب، باوعت لعلي، گالت له: ليش هالشكل أبا الحسن؟...

تگول له:
الوجن من ألم صدري...
الوجن من ألم صدري...
وبيدي ألازم ضلوعي...
ومحسن سقط من عندي...
وتجري للمحسن دموعي...
وانت يصير ما تقعد يا حيدر؟ ترد راعي...
دمي يسيل من صدري، ودمعي على الوجن يجري، وانت يصير ما تدري؟!

عتابها لأمير المؤمنين. الشاعر شنو يگول للزهراء؟ يگول لها:
رديتي علي ورجعتي يا الزهراء...
نجحتي... علي خلصتيه من القتل...
رديتي علي ورجعتي يا الزهراء... ورجعتي يا الزهراء...
بس زينب تگوم وتگع عالغبرة...
شوكت؟
من طاح أبو اليمة من ظهر مهره...
وصلتي بس أبو السجاد فات أمره...
من أكثر الأبيات اللي تؤذيني بكربلاء: لما زينب وصلت للحسين، قال لها: شلون اندليتيني بهالحالة بين 70 ألف خيال؟ السماء تمطر دم، الأرض هبت غبرة سوداء وصفراء وحمراء، جبرائيل يصيح واحسيناه بالسماء، زينب تصيح واحسيناه بالأرض، تلتقي صيحة السماء بصيحة الأرض، تصير صيحة واحدة: واحسيناه!
شلون اندليتيني بكل هاي الضجة والهوسة يا زينب؟
تگول له: إجيتك إجيتك على ريحة الخوة...

تگول له:
إجيتك على ريحة الخوة...
خويا لا تگول ما عندك مروة...
أنا عنك خذوني القوم گوة...
خويا شحاله اليباري له عدوة؟!
ما تدري الشمر بي ايش سوى؟
ويا ما تدري الشمر بي ايش سوى...
بسوطه على متوني تلوى...

هذا بيت الدعاء وأسألكم بالدعاء، طولت عليكم، ضوجتكم الليلة... بيت الدعاء هذا، تگول:
أنا ماشية والنوق ظلعة...
أنا ماشية والنوق ظلعة...
يا يابا ظلعة... إي يا ظلعة...
وياهو اللي يفزع لي من افزع له؟!
عفت إخوتي على القاع صرعى...
بحر الشمس عشرة وسبعة...
بين الذي مسلوب درعه... إخوتي...
وبين الذي مكسور ضلعه...
وبين الذي مكسور ضلعه... وبين الذي مقطوع إصبعه...
يابا بين الذي مقطوع إصبعه...
تمنيت يمهم أظل أنعى...
لاچن الحادي قاسي طبعه...
حدا بناقتي ومجبورة أتبعه...