ملف فيديو نعي ٢٠ صفر وصول الضعن الى كربلاء يوم الاربعين بصوت السيد جاسم الطويرجاوي

ملف فيديو نعي ٢٠ صفر وصول الضعن الى كربلاء يوم الاربعين بصوت السيد جاسم الطويرجاوي

 نعي ٢٠ صفر وصول الضعن الى كربلاء يوم الاربعين(مکتوبة)

السيد جاسم الطويرجاوي


 [المقدمة والرثاء الأولي]
وقامت تحاچي زينب:  
مالي غيرك... يا حبيب أم العشية...  
مالي غيرك... يل چنت خيمة عليّه...  

 

 [ورود ذكرى الأربعين وحديث فضل الزيارة]
الليلة زينب واقفة عند الحسين...  
زينب تقيم العزاء الليلة في كربلاء، وذلك لما وفدوا اليوم إلى كربلاء، وهذا اليوم يومٌ مهم، وهو يوم أربعين الحسين عليه السلام.  

قال النبي صلى الله عليه وآله لجابر بن عبد الله الأنصاري:  
«يا جابر، زر قبر ولدي الحسين في يوم أربعينه، يا جابر، زر قبر الحسين في يوم أربعينه، فإن زيارته في يوم أربعينه تعدل ثواب مئة حجة من حججي»  
(صلوات الحاضرين: اللهم صل على محمد وآل محمد).  

 

 [ورود جابر بن عبد الله الأنصاري إلى كربلاء وزيارته للمرقد الشريف]
وكان أول زائر من أهل الأرض للحسين هو جابر بن عبد الله الأنصاري رضوان الله عليه. لما وصل إلى كربلاء واغتسل بالفرات، طلب من عطية العوفي أن يمر به على القبور، وجاء به إلى القبور.  
قال: «يا ابن عطية، ألمسني القبر، قبر الحسين».  
قال له: «سيدي، هذه قبور كثيرة، وأنا لا أعرف قبر الحسين من بينها».  
قال له: «يا ابن عطية، مرّ على القبور قبراً قبراً، وأنا أعرف قبر الحسين».  
وفعلاً مرّ به على القبور قبراً قبراً، وكل قبر يأخذ من ترابه يشمّه، حتى شمّ تربة الحسين، فقال: «هذا قبر حبيبي أبي عبد الله، أشمّ به رائحة رسول الله»...  
ثم احتضن القبر وقال:  
«السلام عليك حبيبي يا حسين... لمَ لا حبيبٌ يجيبُ حبيبه؟! وأنّى لك بالجواب وقد شُخِبَت أوداجك على أثباجك...»  

ثم التفت إلى قبور الأنصار وقال:  
«السلام عليكم يا طيِّبون... أشهد أنّا شاركناكم...»  
قال له عطية: «كيف شاركناهم والقوم فُصِلت رؤوسهم عن أجسادهم، ونحن في بيوتنا مع نسائنا وأولادنا، فما هبطنا معهم وادياً ولا صعدنا جبلاً؟!»  
قال: «نعم، إنّا شاركناهم، لأني سمعت حبيبي رسول الله صلى الله عليه وآله يقول: "من أحب عمل قوم أشركه الله معهم في عملهم، ومن والى حجراً حشره الله معه يوم القيامة"، وأنا أحب عمل هؤلاء القوم وأواليهم».  

 

 [استقبال جابر لضعن سبايا أهل البيت عليهم السلام]
ثم قال: «يا عطية، أخبرني رسول الله صلى الله عليه وآله، وقال لي: في يوم أربعين الحسين يرجع ضعن السبايا، فاذهب وانظر إلى طريق الشام، فلئن رأيت سواداً تطاول وهم أهل البيت فأنت حر لوجه الله».  
راح عطية العوفي، بعد قليل رجع وقال: «قم يا جابر واستقبل حرم الله وحرم رسوله!»  
قال: «كيف عرفت ذلك؟»  
قال: «رأيت سواداً وجمعاً من النساء والأطفال، فعرفتهم أهل البيت من نداء امرأة، سمعت حرمة بين هالسبايا، بين هالجمع هذا تصيح وتقول:  
يا نازلين بكربلاء هل عندكم... (يا الله وياي!)  
يا نازلين بكربلاء هل عندكم... خبرٌ بقتلانا وما أعلامها  
ما حال جثةِ ميتٍ في أرضكم... بقيت ثلاثاً لا يزار مقامها»  
فقال: «هم والله!» فقام جابر واستقبل ضعن السبايا.  

 

 [لقاء الإمام زين العابدين بجابر بن عبد الله الأنصاري]
الإمام زين العابدين من بعيد يشوف واحد تلقاه من هالجمع من هالبشر، واحد حقق النظر وإذا هو جابر بن عبد الله الأنصاري.  
يقول: نزل الإمام عن ظهر ناقته واستقبل جابر عانقه...  
جابر قال له: «أعليٌّ هذا؟»  
قال له: «نعم يا عم».  
قال: «بنيّ يا علي، أين أبوك الحسين؟ أين عمك العباس؟»  
قال له: «حِي...  
أنا يا جابر ونحى بوياه... ونحى بوياه...  
وأنا بهالمعارة فگدت ولياي...  
رأيتك يا جابر تقصد ليه...  
من صوّل العسكر عليه...  
والله سلّب كل علل هو والحليها...  
ونار القوم شبت بالمخيّم...»  

 

 [إقامة المأتم والنعي عند القبر المطهر]
هذا المأتم يا بويا، احنا عندنا مأتم وين ناصبينه؟ يم قبر الحسين، يوم أربعين الحسين، ليلة اللي عيال الحسين عنده... والله بكت زينب وصاحت: «يا ولينا، يا عمّة قبر أبوك حسين وين؟»  
القبر ذاك وجرت عينه...  
تحنّت له وگلبها اشتعل واضرم...  
والله تحنّت له وگلبها اشتعل...  
(آه حسين... آه حسين...)  

خويا يا خوي...  
خويا لفينا من اليسر للغاضرية...  
يا خويا ضيوف عندك هالمسية...  
(إي والله لفينا من اليسر للغاضرية... يا خويا ضيوف عندك هالمسية...)  
يا أبا سجاد جيناك بشچية...  
لفونا يزيد بالديوان شتّة... (الله أكبر!)  
تگله: يا بو علي، خويا يزيد راس حسين من جاه، وخواتك سبايا طابّات...  

هاي التعزية، هاي كربلاء، هذا المشي، هاي الصرخة، هاي الليلة العزاء، الليلة زينب بنات علي ضيوف عند الحسين، من سوى لهم عشاء؟ من سوى لهم أكل؟  
وين الرايات چانت وينها؟ من بقى بالطف وحيد حسين؟  
تگله: يزيد راس حسين من جاه، وخواتك سبايا طابّات...  
بطبول يمحمّد بطبول... بطبول يا خويا تلاگاك...  
والله طب للنسى يضرب بما داس، جمعاً جمع منهن تعدّى...  
أظن الضعن راضه صار ممشاه... هذا وبعد بالأعظم هنا، وين يا زينب؟  
تگله: يا خويا هالمجلس وصلنا، وصلنا مجلس يزيد توسطنا، يا بو علي ومن الفكر تاه، وحسين راسه تحت يمنا...  
والله حسين راسه تحت يمنا، وراس البطل عباس واللوا...  
يترنم ويهتف بسلفه... والله ثار الوليد يقول أخذنا...  
واحد بعشرة استبصلنا... وأمر على النسوان تدنى...  

 

 [سقوط الفواطم من على النياق على القبر الشريف]
خويا يا خوي... أمر على النسوان تدنى...  
تدنى وقفنا بمكان الما وقفنا، ما وقفنا، وقفنا وشتم حيدر سمانا...  
والله وقفنا وشتم حيدر سمانا...  
حتى العدو قلبه كسرناه... والله حتى العدو قلبه كسرناه...  

«عمة علي، وينه قبر أبوك؟»  
يقلها: «ذاك القبر».  
لمن دلاها على القبر وشافته، هنا شنو رأيك؟ يعني زينب انتظرت لمن ينوخون الناقة وتنزل؟ لا، والناقة تمشي وقعت من على ظهر الناقة! مو وحدها، هي والعيال والأطفال...  
فلا طاح، على قبر حسين طاح...  
والله فلا طاح، على قبر حسين طاح...  
طاحن ينوحن، توم الفصيل علينه ناحا...  
شلون صياح يم القبر صاحت: «يا راعي القبر جتك نساء...»  

هذا قبر الحسين يمنا... احنا الآن هسه نريد نحوط قبر الحسين، نخليه بيناتنا... بس مو تتصور قبر الحسين مثل ما تشوف هسه، شباك وقبة ذهب وفضة وبناء وأضوية، لا، چان كومة من تراب بذيك الروابي الخالية المقفرة، التلال، نعم الأودية، الأشواك، الرمال... وإجن بنات علي كلهن والتمّن داير ما داير القبر...  
تگله: قبرك قبرك... أريد ونه ونه ويا الزهراء...  
والله لو ينكشف يا حسين قبرك...  
أنا شبي ديدت عمري دون عمرك... والله وأنت اللي تچفني يا حسين...  

 

 [استئذان السيدة سكينة من عمتها زينب ونعي السيدة رقية عليها السلام]
هنا سكينة إجت، شوفوا الأدب، شوفوا التربية، إجت لعمتها زينب تگول لها:  
«عمة، ترخصين لي أبكي على أبوي؟»  
عجيب! يعني طفلة ويتيمة وفاقدة أبوها ووقعت، ماكو داعي تجي تسأل زينب، تجي يم قبر أبوها تلطم تفرغ شجونها، شتريد تسوي تسوي، لكن تترخص من عمتها زينب:  
رخصيني يا عمة يا زينب رخصيني...  
أريد أحچي ويا أبويا ونور عيني...  
شو حال القبر بينك وبينه...  
وصار جمع النساء وونة زينب:  
تگله: من عفتها من عفتها، يا حسين زينب من عفتها...  
للشام ذوله بهوكتها... واليوم إجت يتدللها...  
تگلك: وصيتك نفذتها، أنا والعيال يا ابن أمي حفظتها... عن طفلتك رقية وينها؟  
تگله: عن طفلتك لو ناشدتها، يا أخت اليتيمة ما شفتها...  
تگلك ودمعتها تچدها، أنا بالشام يا ابن أمي دفنتها...  
إي والله بالشام يا ابن أمي دفنتها...  

 

 [خطاب السيدة زينب لكافل الضعينة أبي الفضل العباس عليه السلام]
عادت هنا زينب تگول للحسين عليه السلام:  
أمانة، اسمع!  
أمانة صرت يا حسين لعيالك، وبفقدك فقد واحد منهم...  
أمانة إجيت وإلك عندي، أمانة ثوب چانت تلبسه رقية...  
والله ثوب چانت تلبسه رقية...  
عقب ما قطعت من حسين أخوها الياس، قالت للحرم: «قوموا لنعد عباس...»  
قامت تمشى... قومن يا الحرم قومن تمشى...  
نمشى لعند اللي تكفلنا وأمنا...  
نريده يقوم ويردنا لوطنا، مثل ما جابنا وبينات عزه...  
تگله: مهضومة يا خويا اعتنيتك...  
وعلى الشريعة دورتك... لا تقول يا خويا نسيتك...  
أنا كل سوط يضربني نخيتك...  
والله كل سوط يضربني نخيتك...  
خويا أنا جيتك والهوى يعفرني بالثوب... وأنا المطالعة ولا ماشية دروب...  
يا عباس انطل وجه يا صوب؟ يا صوب أنا قلبي ۱۸ نشان مصيوب...  

 

 [قصة الأم المضحية من تلعفر ونعي أم البنين عليها السلام]
أنا أمس كنت أقرأ في مجلس، وأخبروني أن جماعة من أهل تلعفر جايين وصابتهم المصايب بالطريق، اكو حرمة من ذيك المنطقة عندها أربعة أولاد شباب، ذوله جايين للزيارة وأمهم وياهم، فعبوة ناسفة بالطريق قتلت الأولاد الأربعة، ذوله انقتلوا... أسألكم سؤال، وأسأل الله يبعد عنكم الشر: فإذا مثلاً أولادك الأربعة ينقتلون وأنت بعد قريب من أهلك تقدر ترجع، تعوفهم وتجي للزيارة لو تنشغل بيهم وتدفنهم؟  
هاي المرة خلتهم، قالت لهم: «يا يمة وداعة الله، وأنا رايحة أزور الحسين أبا عبد الله وأسلم عليه، وأقول له أريد تخلي ولادي ويا ولاد أم البنين، الأربعة!»  
الله! هاي التضحية، هذا الفداء!  
أم البنين تقول:  
ولا جو، أنا أم الأربعة الراحوا ولا جو...  
عليهم أرض ما تلمني ولا جو...  
واش كثر ونوا على الغبرة ولا جو...  
رفعوا رأس بجهاد الغاضرية...  

 

 [التخلص إلى مظلومية الصديقة الشهيدة فاطمة الزهراء عليها السلام]
أنا عندي فرد بيتين أريد أقرأ، وأسألكم الدعاء:  
البيت الأول أقول بيه على لسان الزهراء تگول لأبوها:  
بسمار... يا بويا ما حلا لي العيش ببسمار...  
ويوم فقدك عليّ ببسمار...  
يا بويا نبتوه بالصدر بسمار...  
يا بويا وأسقطوا محسن على الوطية...  
يا بويا أسقطوا محسن على الوطية...  
أبو علي صلح الحال، عليك المحسن يا سيدي...  
ولك ثار، يا صاحب الزمان... ولك ثار متى تنهض يا بو صالح ولك ثار؟  
ويمتى نشوف عچ خيلك ولك ثار؟  
تنسى حسين وأطفاله؟  
ولك ثار هجوم الدار وبثار الزكية...  

 

 [نعي كسر الضلع والمسمار]
على يمن مرصفة الجمهور؟  
على يمن هجموا على الدار؟  
على يمن حطب سد الباب؟ على يمن تشب بيه النار؟  
على يمن ينبت المسمار الخلى بكل كبد مسمار؟  
على يمن والضلع كسروه؟ على يمن عصروا الزهراء؟  
الزهراء ويانا هسه، فد ونة على وليتها الحسين، وأسألكم الدعاء...  
أنا قضيت كل عمري حزينة...  
أنا الزهراء... أنا القضيت كل عمري حزينة...  
أنا زينب وأخت حامي الضعينة...  
أنا القضيت كل عمري حزينة، أنا زينب وأخت حامي الضعينة...  

 

 [مشهد احتضار الحسين عليه السلام كما ترويه العقيلة]
دولاب نزل زمان خلف علينا...  
بس ما وقع واحنا انولينا...  
والله يطقونا ونشگف بإيدينا...  
أنا أدوي بالمعارة حسين وينه...  
سمعني وعليه شبح عينه...  
يوني ويفت روحه بونينه...  
إي والله قعدت يمه حزينة، لقيته شلون متوسد يمينه...  
ولن الشمر - يا الله! - ولن الشمر مجبل علينا...  
طردني وقطع رقبة وليد...  
(إي واحسيناه! واإماماه! واشهيداه!)  
طردني وقطع رقبتها... انوليت...  
ارفعوا إيديكم بالدعاء:  

 

 [الدعاء الختامي والتوسل بآية المضطر]
بسم الله الرحمن الرحيم:  
﴿أَمَّنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ﴾ (ترديد جماعي ٥ مرات).  

يا الله! اطلبوا من الله، اطلبوا أول طلبة:  
اللهم عجل فرج إمامنا صاحب الزمان، واجعلنا من أنصاره وأعوانه، وانصر المسلمين، ووحد كلمتهم، واحفظ شيعة أهل البيت في كل مكان وفي كل زمان.  
اللهم إني أسألك بحق الحسين، وأولاد الحسين، ومصيبة الحسين، يا الله، أن ترزقنا زيارة الحسين، وزيارة العباس، دائماً آمنين مطمئنين.  
اللهم عجل فرج إمامنا صاحب العصر والزمان.  
إخواني الحاضرين والسامعين والمؤسسين، اللهم شافِ مرضاهم، واقضِ حوائجهم، وارزق زوار الحسين بقضاء حوائجهم.  
وألتمسكم الدعاء، وأسأل من الله أن يعيد علينا هاي الليلة ونحن نتمتع بالأمن والأمان، والعافية، وعز الإسلام، وإلى أموات الشهداء الذين استشهدوا في طريق الحسين، نهدي للجميع ثواب الفاتحة قبلها الصلوات، وألتمسكم الدعاء.  
(اللهم صل على محمد وآل محمد).

التعليقات

Profile of User
Loading...