ملف فيديو يا ناعي طول الليلة مبجاك بصوت محمد باقر الخاقاني

مجالس ليالي إستشهاد سيدة النساء الطاهرة البتول الصديقة الكبرى فاطمة الزهراء صلوات الله عليها وآلها

يا ناعي طول الليلة مبجاك(مكتوبة)

الرادود:محمد باقر الخاقاني


مصيوبة عين وضلع ملچوم
ومن يمها حيدر أخذته الگوم
ركضت وراه.. تطيح وتگوم
ركضت وراه تطيح وتگوم

يا ناعي طول الليلة مبچاك
وإسهر لحزني وأسهر وياك
انطيني مواساة وشردت هاك
واقرالي لأمي وبيت الأحزان
من بنت أمي للحزن بيت
ولا دار غير الصحرة طبيت
آنا العليها العمر گضيت
بدمع احمر ملونها الردان

الليلة تمر مو مثل كل ليل
الليلة الزچية ناوية تشيل
يا گلب ذوب ويا دمع سيل
للي ولوها أخس عدوان
للي ولوها بنار ورماح
ومحد فزع من صوتها صاح
تعدوا عليها والطفل طاح
وما إلها ويفزعون خوان

الليلة أترس الصحرة بالدموع
نفسي النزع ما نزعوها
عالعين ألطم وألطم ضلوع
عالظلت ثلث أشهر تلوع
وماكو ببدنها سالم مچان

الليلة أطر گلبي والثياب
وعالراس أشيل وأنثر تراب
حسرة على الظلت ورا الباب
تدافع وحدها وماكو عوان
عاللي احرگوها دارها بنار
وعماتي چانن داخل الدار
صار بهذاك المسا الما صار
مصيوبة عين وجاها دخان

مصيوبة عين وضلع ملچوم
ومن يمها حيدر أخذته الگوم
تطيح وتگوم
ركضت وراه تطيح وتگوم
ودمها يخط عالدرب نيشان
وتصيح: ردوا علي يا ناس
ردوا علي لا اكشف الراس
من المرتضى شتردون يا أرجاس؟!
ركضت وراه والعود ذبلان

شاف الزچية وعينه حمرة
ولفها بعباته الفوگ ظهره
بذاك الوضع ضمها على صدره
ومن الزعل بعيونه نيران

الليلة جمعتهم عايلتها
وحيرة الفرگة عذبتها
شلون لحضنها تضم بنتها؟
خافن تشوغ وتبچي الحنان
ماتت بحسرتها وكمدها
ماتت ودمعتها على خدها
ماتت قهر ينزف چبدها
وفوگ البدن مطبوعة ألوان
يمه الحسن رد يگلها.. يم رجلها
وحسين خده يم رجلها
وزينب غدت تتوسل إلها
وبطوله حيدر كسرته تبان

غسلها حيدر حاله يكسر
وشيعها نص الليل بالسر
غسلها حيدر حاله يكسر
وشيعها نص الليل بالسر
يم اللحد ينحب ويحفر
ورد منها دمعة بهيئة إنسان
ورد منها دمعة بهيئة إنسان

التعليقات

Profile of User
Loading...