ملف فيديو يايمة بصوت سيد سلام الحسيني

مجلس عزاء الليالي الفاطمية 1446 هجري

يايمه(مكتوبة)

الرادود:سيد سلام الحسيني

 

يا يمه..
گولي شنهو اليوجعچ وآنه فداه
يا يمه يا يمه..
الموت أهون من يتيم الوالدة

يا يمه..
جرح گلبي الجاي من هسه بدى
يا يمه يا يمه..
انتي زهرة بيتنا وغصنچ ذبل
يا يمه يا يمه..
هذا مو وكت الفراگ ويه الأهل
يا يمه يا يمه..
لو رحلتي حسين معناها انكتل
حضنچ يلمنا.. ويجمع شملنا
يا صباح الندى وليل العاطفة
نظرة عيونچ.. توحي لمنونچ
من بعد عينچ على الدنيا العفا

يوليدي يوليدي..
بعده ما صاير وجع گلبي عليك
يوليدي يوليدي..
هناك بالميدان من تومي بديك
يوليدي يوليدي..
تريد ماي ومحد من أهلك يجيك
يوليدي يوليدي..
بعده ما واصل مصابي لذروته
يوليدي يوليدي..
حزني من ارباي ظامي بغربته
يوليدي يوليدي..
واسمع يصيحون: حزوا رگبته!
هناك المصيبة.. گلبي ولهيبه.. زينب غريبة
هناك المصيبة.. گلبي ولهيبه
من تريد الماي والشاطي بعيد
طفك عذابي.. ونوحي ومصابي
من تظل ياحسين بالغربة وحيد

يا يمه..
صدع گلب الباب من شفته اندفع
يا يمه يا يمه..
وگمت انود وياه من راح ورجع
يا يمه يا يمه..
آخ من صحتي: علي.. المحسن وگع!
يا يمه يا يمه..
جيتچ اركض شوف وعثره دمع
يا يمه يا يمه..
صحتي: يمه حسين كسروا لي ضلع
يا يمه يا يمه..
ومات اخوك الما كملت له تسع
بالعتبة شفته.. خيي وعرفته
تبين الخوان من لون الدمه
الراح لمنونه.. يشبهني لونه
اثنينا نشبهچ يا يمه فاطمة

يا يمه..
بضلعچ المسمار من شفته انغرس
يا يمه يا يمه..
گمت أجر لصدري بالگوة النفس
يا يمه يا يمه..
ضربة المسمار چن حافر فرس
يا يمه يا يمه..
كربلاء السولفتي عنها هنا جرت
يا يمه يا يمه..
طحت يم الباب واختي من درت
يا يمه يا يمه..
ركضت ونادت ومن شافتها اتعثرت
گلت لها يا اختي.. بيمن عثرتي؟
واحنا لسه ببيتنا وماكو خيم!
گالت: الحيرة.. تعثر الزغيرة
من تشوف أمها تلوج من الألم

التعليقات

Profile of User
Loading...