ناعي العشك(مكتوبة)
الرادود:مرتضى حرب
غسلها..
كفنها..
وقال: كلميني يا فاطمة.. أنا علي..
ناعي العشگ صاح.. صاح..
در الگلب راح.. راح..
يا فاطمة.. حرب الهجر هاي.. هاي..
جوه الترب روح.. روح..
وفوگ الترب نوح.. نوح..
آنه علي ومنچ ردت راي.. راي..
آنه من انذكر يتراجف الموت
كاسر كلشي بس كاسرني تابوت
آنه من انذكر يتراجف الموت
كاسر كلشي بس كاسرني تابوت
ببيتي وصرخت إرحملي والله
سگف چنازتچ من سگف البيوت
سگف چنازتچ من سگف البيوت
حامي الدخيل اليوم يم نعشچ دخيل
أخذت هلي فراگ منچ خذت حيل
گوه أرفع بيمناي لأن يسرتي تميل
لأن يسرتي تميل..
حامي الدخيل اليوم يم نعشچ دخيل
أخذت هلي فراگ منچ خذت حيل
گوه أرفع بيمناي لأن يسرتي تميل
لأن يسرتي تميل..
جمر الگلب صار.. صار..
من كل كتر نار.. نار..
جار الوكت يا فاطمة جار.. جار..
دافن ضوا بليل.. ليل..
ولا ظل بعد حيل.. حيل..
وسيفي انهضم ويدور لثار.. ثار..
زغيرة وناحلة ومكسورة ضلعين
چا ثگل النعش يا فاطمة منين؟
زغيرة وناحلة ومكسورة ضلعين
چا ثگل النعش يا فاطمة منين؟
بعدين ادركت مو چسمچ ثگيل
ثگل العشرة كاسر ظهر ابو حسين
ثگل العشرة كاسر ظهر ابو حسين
أحفر گبر كل ساع وأرجع وأغطيه
أحفر گبر كل ساع وأرجع وأغطيه
طولچ الغالي شلون بتراب اخليه؟
بتراب اخليه..
أحفر گبر كل ساع وأرجع وأغطيه
طولچ الغالي شلون بتراب اخليه؟
يالزهرة گبرچ هاد.. گلبي اندفن بي
يالزهرة گبرچ هاد.. گلبي اندفن بي
شتطلبني ياموت.. موت..
ظل مني بس صوت.. صوت..
خذت الگلب وأهل الگلب ليش.. ليش..
يهضموني ياحيف.. حيف..
واتگيد بسيف.. سيف..
عگب الجرى ما لذ بعد عيش.. عيش..
آخر لحظة من نتنازل احباب
شوية شوية تبدي تهيل التراب
آخر لحظة من نتنازل احباب
شوية شوية تبدي تهيل التراب
بهاي اللحظة تبقى تصارع الموت
طير وتندفع ما بين ألف ناب
طير وتندفع ما بين ألف ناب
أهمس همس ضليت چي صوتي مخنوگ
حاچيني مو مشلوع گلبي من العروگ
يا دمعة يا توديع لغيابچ يلوگ
لغيابچ يلوگ..
أهمس همس ضليت چي صوتي مخنوگ
حاچيني مو مشلوع گلبي من العروگ
يا دمعة يا توديع لغيابچ يلوگ
لغيابچ يلوگ..
وكت الهجر حان.. حان..
وشيب القهر بان.. بان..
وكت الهجر حان.. وشيب القهر بان..
آه الزلم من تنهضم آه.. آه..
العتبة تعالي چاي.. چاي..
تدري شكبر هاي.. هاي..
العتبة تعالي چاي.. تدري شكبر هاي..
عتبة علي تنطي العرب جاه.. جاه..
أرجع من ذبح ضليت مذبوح
أرجع من ذبح رديت مذبوح
المثل مصيبتي يظل يمچ يروح
أرجع من ذبح ضليت مذبوح
المثل مصيبتي يظل يمچ يروح
مثل ما يصطف الطير بجنح طير
اصطفن ذكرياتي يطلعن الروح
اصطفن ذكرياتي يطلعن الروح
محلفچ بحيلي الراح بس احچي وياي
بس احچي وياي..
محلفچ بحيلي الراح بس احچي وياي
يا فاطمة لا اموت من سكتتچ هاي
شوفي الحزن والشيب ومراجف اعضاي
ومراجف اعضاي..
جرح بجرح شاد.. شاد..
وسيف البعد حاد.. حاد..
وحتى الدمع ينزل لهب نار.. نار..
ما ظل بعد لون.. لون..
وضاگ بعلي الكون.. كون..
العالم مثل وحشة گبر صار.. صار..
بنظرة منكسر للدار صديت
الدافن دنيته يلم طوله يا بيت
بنظرة منكسر للدار صديت
الدافن دنيته يلم طوله يا بيت
راجع للألم للشيب للضيم
للباب الأخذ عافيتي رديت
عاتبته من رديت گتله احچي يا باب
ما خذ طفل ما شم حتى الهوى الهاب
ما ضاگ إلك چاروك بس ضاگ الإصواب
بس ضاگ الإصواب..
عاتبته من رديت گتله احچي يا باب
ما خذ طفل ما شم حتى الهوى الهاب
ما ضاگ إلك چاروك بس ضاگ الإصواب
بس ضاگ الإصواب..
بير الحزن گال.. گال..
ليش الوجع طال.. طال..
گتله لأن جوهر علي مات.. مات..
طعم الفرح شال.. شال..
ودمع الحزن سال.. سال..
كل العمر جوه الترب بات.. بات..
ناعي العشگ صاح.. صاح..
در الگلب راح.. راح..
يا فاطمة.. حرب الهجر هاي.. هاي..
جوه الترب روح.. روح..
وفوگ الترب نوح.. نوح..
آنه علي ومنچ ردت راي.. راي..
