اكلوب من كثر القهر مكروبه

البريد الإلكتروني طباعة

 

اكَلوب من كثر القهر مكروبه

 

و شمس وعدك أصبحت محجوبه

* * * * * * * * *

نعتب و ندري العتاب إيألمك

ذبح سم تشريد خلصوا كل هلك

 

لجن يالموعود جم ثارٍ إلك

والتعازي إبكل كتر منصوبه

* * * * * * * * *

إبكل كتر منصوبه يا ثار الجليل

وعمر قوض تدري بنياح و عويل

 

والدموع الحالتك من دم تسيل

والوكت ويانه شن احروبه

* * * * * * * * *

إويانه شن احروبه يبن العسكري

جم ثمود الرجع و شجم سامري

 

والصبر طعمه صبح مر و شري

إبيا طلب هالأمه جا مطلوبه

* * * * * * * * *

إبيا طلب مطلوبه وشعملت ذنب

للفرج كل لحظه ظلت ترتقب

 

استضعفوها و عنها ماواحد يذب

إبسهم حاقد شيعتك مصيوبه

* * * * * * * * *

شيعتك مصيوبه يا مهدي الزمان

مالها مأوه و تدور عل الأمان

 

طشروها ووزعوها إبكل مجان

وليش من دون الأمم منكوبه

* * * * * * * * *

والفرج جا يمته يا نور البصر

وجم ضلع منكم تهشم و إنكسر

 

إلك جم جبد التقطع جم نحر

والحقوق امفرهده و منهوبه