طال يوم الفرج يامهدينه

البريد الإلكتروني طباعة

 

طال يوم الفرج يا مهدينه

 

يزين يبن المرتضه إنهض لينه

* * * * * * * * *

سيدي لش وكت هذي غيبتك

ريت هسه و قبل باجر طلعتك

 

و انته تدري اشلون حالة شيعتك

ابجاه ابو الزهره النبي هادينه

* * * * * * * * *

لا جرح و انضمده و ايعن و يطيب

ضيم حته الطفل من عنده يشيب

 

منهو يقدر يحسب اجروح الغريب

و اليتيم اشلون تنشف عينه

* * * * * * * * *

من قضه جدك علي حامي الدخيل

جم ضعيف ايماطل ابحمل الثجيل

 

و لعد هذا اليوم بحر الدم يسيل

ايصيح وينك يا الذي اتحامينه

* * * * * * * * *

أجدادك أهل الشرف و النهج الصحيح

و هذا صوت أنصارك ايحشمك يصيح

 

قضوا بين الراح مسموم و ذبيح

جار بهمومه الزمان اعلينه

* * * * * * * * *

علي الهادي جدك اقصد حضرته

بالحزن هاليوم و احنه شيعته

 

وانشد ابيا ذنب سموا جبدته

سيدي انواسيك و اتواسينه