لطمية الطفلة الغريبة مكتوبة
الرادود حيدر البياتي النجفي
تاخذني لو لا سؤال مدلله
تاخذني لو لا وياك لكربله
ساكت يغالي جاوب سؤالي
أكتب عالكاع آنا الطفلة الغريبة
فقط چفي اليكف دمعي و نحيبي
بنظراتك وداع ومحب يترك حبيبه
أخاف اسأل و اجرحك يا حبيبي
دمعتك جوابك سكوتك غيابك
إرسمتعن بالعيون انتظاري على بابك
يا جرحي ودواي بنتك نادتك
يا جرحي ودواي تذبح سكتتك
ذابح دلالي جاوب سؤالي
ساكت يغالي جاوب سؤالي
إيجهزن بساع سجادة وسبحتي
وجاهز چفي لمكاود يمينك
وعيونك متاع وتخيل فرحتي
كل شوية احط بوسة بجبينك
دمعتي اعله جيدك تغازل وريدك
أبويه وأريدك انام اعله إيدك
للسفرة وياك عديت النجم
للسفرة وياك عشت بهالحلم
سافر خيالي جاوب سؤالي
ساكت يغالي جاوب سؤالي
لو ما خذتني أضل أكعد عالتراب
وأكسر خاطر تراب المدينة
أي لو عفتني بعدك يسأل الباب
بتمن هاي البنيه الحزينة
يبويه بصراحة اذن موتي راحة
أجرحك بالعتاب واريد السماحة
كلمات العتاب بس مو عن زعل
كلمات العتاب وتردلي الأمل
بكلمة تعالي جاوب سؤالي
ساكت يغالي جاوب سؤالي
play_arrow
play_arrow
play_arrow
play_arrow
play_arrow
play_arrow
تعليقات