إخت القمر - مكتوبة

قصيدة : اخت القمر

الشاعر : السيد عبد الخالق المحنة

 الرادود : الحاج ملا باسم الكربلائي

صاحت اخت الگمر

من اجه المنتظر

لوانه امانه

ینتظر ع النهر

******

هذا ابوصالح اجه یم الغریبه

من وصل للشام مابطّل نحیبه

عظم الباری اجرنه ابهل مصیبه

عمه یازینب تره الطلعه غریبه

هیه و ابن الحسن

التقوا بلصحن

تخبره تذکره

یالثار النحر

******

عمه یلمهدی اسولفلک مصایب

وانه بلطف والهج ابأسمک یغایب

من ابوالیمه وگع شفت العجایب

لا اهل ظلت ولاظلت گرایب

لوتشوف الخیم

وجت اعله الحرم

اجونه ولونه

صحنه وین المفر

******

من وگع من المهر جدک اجیته

شفته من دم جبهته ایخضب لحیته

وانخمش گلبی الشمر یَمه لگیته

ادری بلعباس میت بس نخیته

انی ام الخدر

بس دفعنی الشمر

دفعنی وصفعنی

وانته عندک خبر

******

من رفس صدره الشمر طاح اعله ظهره

وثنعش طبره عدل طبره اعله طبره

ویلی وتربع یعمه فوگ صدره

ای یمهدی امن الگفه ظل یحز نحره

نحر اخوی انگطع

وانه گلبی انشلع

تسلب تعذب

حته صبعه انبتر

******

وجه ابن جوشن یبوصالح رعبنی

سوطه بیده و واگف اگبالی ویسبنی

چنت احس متنی وگع لمن ضربنی

عمه نفذ غایته وبیده سلبنی

گلی وین اخوتچ

من جرت دمعتچ

سبیه بدیه

الیٰ اشبعچ قهر

******

من عگب عباس ابوالغیره انولینه

هذه تالیها الشمر یحدی الضعینه

من رکبنه اعله الهزل مچتوفه ایدینه

والمصیبه الوادم اتباوع علینه

والحرایر صعب

تغفه یم الغرب

سهاره حیاره

ماغفینه ابسفر

******

دخلة الدیوان موسهله علیه

اوگف اگبال العدو و مچتوفه ایدیه

لن یزید ایصیح جیبولی السبیه

ها یبت حیدر وگعتی ابین ایدیه

راس اخوی ابطشت

انه شفته وصحت

جرحنی ذبحنی

والعصه اعله الثغر

******

عمه یلمهدی متیٰ تاخذلی ثاری

وتاخذ ابثار البقه ع الغبره عاری

انی انطر طلعتک لیلی ونهاری

وین ابوصالح اصیح ودمعی جاری

عمه ع المشرعه

صارت الفاجعه

کفیلی یویلی

من نخیته اعتذر