قصيدة : اسـأل ويـن
للشاعر : الأديب السيد عبد الخالق المحنه
الرادود : الحاج ملا باسم الکربلائی
اسـأل ويـن .. وآنـا ابـحـيـرة
عــن حــســيــن .. مــو عـن غـيـرة
جـاوب لاتـحـيـرنـي .. مـو عـالاربـعة أخبرني
عــن حــســيــن .. مــو عـن غـيـرة
******
لاتـشـرح أكـثر يالحادي .. شوف أبحالي أشسوى البين
أسـئـل عـن حسين أوليدي .. جاوب وتهل دمع العين
عـبـدالله وجـعفر يالحادي .. كلهم فدوة لوجه احسين
مـن سـمـعت عباس أنهارت .. قامت تصفق بالـچفين
فـدوة تـروح كل ويلادي .. لأجل حسين روح الهادي
حـسـت بـالـهضم روحي .. وأسمع صرخة أجروحي
عــن حــســيــن .. مــو عـن غـيـرة
******
قـال إلـها حسين أعلى الغبرة .. عاري أو ظل بلا تغسيل
وخـيول أعداك رضت صدرة .. وعالايتام أتدوس الخيل
ولاخـيمة الظلت عد زينب .. ولا حامي الظل بس عليل
ردت مـكـسورة ومهضومة .. بس دموع الحرقة أتسيل
كـون أويـاك قـطعوا نحري .. من فرقاك يجدع صبري
مـاأريـد الـعـمـر يـبـنـي .. جـوابي للأيناشدني
عــن حــســيــن .. مــو عـن غـيـرة
******
أنـا وصـبـري لليل غيابك .. ودموعي وحسرة فرقاك
وأتـئـمـل تـرجـع يوليدي .. ماتسوى الدنية أبلياك
وصـويت أشبولي يضحولك .. دمهم يرخص لأجل دماك
كـافـل زيـنـب نـور عيوني .. أعرف ماقصر وياك
يـعـبـاس رفـعـت راسـي .. ينبراس لأهلي وناسي
نـعـمـة الـنـاصـر وحامي .. يوليدي القلب دامي
عــن حــســيــن .. مــو عـن غـيـرة
******
بـعـد الـراحـو من عيوني .. ماظل غير الون والنوح
والـمـثـلـي يعيش أويه جروحة .. ويطول ليل المجروح
أنـا أم الـقـطـعـوا چفينة .. وانا أم حسين المذبوح
أي ودمـوعـي ونـار أحزاني .. أنحب لمن روحي تروح
يـسـعـر دوم نـار أمـصابه .. كل محروم من أحبابه
بـعـدك مـانـمـت لـيـلـي .. دمع العين يحچيلي
عــن حــســيــن .. مــو عـن غـيـرة
******
يـوليدي و كل يوم أبني لك.. كوم إتراب امن الأحزان
و اتـصور قبرك و اشكي لك.. شكوت ضايع و الحيران
و أبـجـي الـحد ما قبرك يغرق.. بلكت يتروه العطشان
يـالـضـايـع مـنـي و ضيعني.. بين المدمع و النيران
لـيـل إنـهـار تجري إدموعي ..تسعر نار بين اضلوعي
تـلـهـب مـن يـطـفـيها..حسره و جرحي يرويها
عــن حــســيــن .. مــو عـن غـيـرة
******
كـل نـظـره الطفلك أحسبها ..من جمرة قلبي الملهوف
يـحـسـين السيف الحز نحرك.. منه إبعيني اتنام إسيوف
روحي إتصيح الصوت أطفالك ..عشت اوياهم ليل الخوف
إنـتـه الـنور و لو ما شوفك.. ما ينفع يالغالي الشوف
لـيـل اهـمـوم لـيل أحبابك..راح النوم بعد إغيابك
خـوف ووحـشـة اسـنـيـنـي..و انشد من يدليني
عــن حــســيــن .. مــو عـن غـيـرة
******
سـهـم الـصـوب قلبك يبني.. بس قلب الأم يتلقاه
و الـزهـره التعرف آلالامي.. نفس الحرقه و نفس الآه
عـمـيه الخيل الرضت صدرك ..رضت ضلع أمك وياه
عـلـمـت الـروح اعله الونه.. يوم إمصابك ما أنساه
جـاري الـمـاي نار ابصدري..ظلت هاي الآخر عمري
ضـامـي و مـا شـرب مـنـه..و أيامه القضت ونه
عــن حــســيــن .. مــو عـن غـيـرة
play_arrow
play_arrow
play_arrow
play_arrow
play_arrow
play_arrow
تعليقات